Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କାମେଶ୍ୱର ମନ୍ଦିରରୁ ଚୋରି, ଦାନବାକ୍ସ ଭାଙ୍ଗି ଟଙ୍କା ଲୁଟିନେଲେ ଦୁର୍ବୃତ୍ତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୫୮ କୋଭିଡ୍ ପଜିଟିଭ୍
  • ||
  • ନବୀନ @ ୭୬, ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ମୋଦୀ
  • ||
  • ୭୬ ବର୍ଷରେ ପାଦ ଦେଲେ ନବୀନ, କରୋନା ମହାମାରୀ ପାଇଁ ପାଳିବେନି ଜନ୍ମଦିନ
  • ||
  • ଶାରଦୀୟ ଦୁର୍ଗାପୂଜା ଶେଷ, ଶନିବାର ଧରାପୃଷ୍ଠରୁ ବିଦାୟ ନେବେ ମା
  • ||
  • ହାଟରୁ ଫେରୁଥିବା ବେଳେ ବୃଦ୍ଧାଙ୍କୁ ଗଣଦୁଷ୍କର୍ମ, ଘରେ ଛାଡିଦେବେ କହି ଇଜ୍ଜତ ଲୁଟିଲେ ୮ ସଇତାନ
  • ||
  • କଟକ : କଟକରେ ଏନ୍‌କାଉଣ୍ଟର, ଦୁର୍ଦ୍ଦାନ୍ତ ଅପରାଧୀ ରାକେଶ ଆହତ
  • ||

ଶିଶୁଙ୍କ ପାଇଁ ଘାତକ କରୋନାର ତୃତୀୟ ଲହର ? ସରକାର ଦେଲେ ଏମିତି ଜବାବ

30/06/2021 at 8:30 PM

ନୂଆଦିଲ୍ଲୀ ୩୦/୬: କରୋନାର ତୃତୀୟ ଲହର ପିଲାମାନଙ୍କ ପାଇଁ କେତେ ଘାତକ ହେବ ?  ପିଲାମାନଙ୍କ ପ୍ରତି ତୃତୀୟ ଲହରର ପ୍ରଭାବ କେମିତି ହେବ ଏନେଇ ଏବେ ଚିନ୍ତା ବଢ଼ିଛି। କିନ୍ତୁ ଏହାରି ଭିତରେ ବୁଧବାର ସ୍ବାସ୍ଥ୍ୟ ମନ୍ତ୍ରାଳୟ ପକ୍ଷରୁ ଭଲ ଖବର ମିଳିଛି। ମନ୍ତ୍ରାଳୟ ଅନୁସାରେ ଅଧିକାଂଶ ପିଲା ଲକ୍ଷଣବିହୀନ ହୋଇଥିବା ବେଳେ କେତେବେଳେ କେମିତି ତାଙ୍କୁ ହସ୍ପିଟାଲରେ ଭର୍ତ୍ତି କରାଇବାକୁ ପଡ଼େ।

କରୋନାର ଦ୍ବିତୀୟ ଲହର ପ୍ରଥମ ଅପେକ୍ଷା ଅଧିକ ଘାତକ ହୋଇଛି। ଏହି ସମୟରେ କରୋନା ସଂକ୍ରମିତ ଶିଶୁଙ୍କ ସଂଖ୍ୟା ମଧ୍ୟ ଅଧିକ ଦେଖିବାକୁ ମିଳିଛି। ତେବେ​‌ ଭୂତାଣୁର ପିଲାମାନଙ୍କ ଉପରେ ପ୍ରତିକୂଳ ପ୍ରଭାବକୁ ନେଇ ମିଡିଆରେ ବିଭିନ୍ନ ପ୍ରସଙ୍ଗ ଉଠୁଛି। ଏହାକୁ ନେଇ କରୋନା ଲହର ଶିଶୁମାନଙ୍କ ଉପରେ ବିଶେଷ ପ୍ରଭାବ ପକାଉନାହିଁ ବୋଲି କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ପକ୍ଷରୁ କୁହାଯାଇଛି।  ଯଦି ଛୋଟ ପିଲାମାନେ ସଂକ୍ରମିତ ହେଉଛନ୍ତି ତେବେ ସେମାନଙ୍କ ଠାରେ ଲକ୍ଷଣ ଦେଖାଯାଉନାହିଁ। ବେଳେ ବେଳେ ଖୁବ କମ ଲକ୍ଷଣ ଦେଖାଯାଉଛି। ଏହା ସହ ଅଧିକାଂଶ ପିଲାଙ୍କୁ ପ୍ରାୟତଃ ହସ୍ପିଟାଲ ଯିବାକୁ ପଡ଼ୁନାହିଁ।

ଯଦି ସୁସ୍ଥ ଶିଶୁ କରୋନା ସଂକ୍ରମିତ ହୁଏ ତେବେ ତାର ହାଲକା ଦେହ ଖରାପ ହୋଇଥାଏ। ତେଣୁ ହସ୍ପିଟାଲ ଆସିବା ବିନା ସୁସ୍ଥ ହୋଇପାରେ ବୋଲି ସ୍ବାସ୍ଥ୍ୟ ମନ୍ତ୍ରାଳୟ ପକ୍ଷରୁ ସୂଚନା ମିଳିଛି। କିନ୍ତୁ ଯେଉଁ ପିଲାମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା ସେମାନଙ୍କ ଶରୀରରେ ରୋଗ ପ୍ରତିରୋଧକ ଶକ୍ତି କମ୍‌ ଥିଲା।

ଶିଶୁମାନଙ୍କ ଠାରେ କରୋନା ଭୂତାଣୁ ଘାତକ ହେଉଛି ବୋଲି ସେମିତି କୌଣସି ଡାଟା ନାହିଁ ବୋଲି ସରକାର ସ୍ପଷ୍ଟ କରିଛନ୍ତି। ତଥାପି ଚାଇଲ୍ଡ କେୟାରକୁ ନଜରରେ ରଖି ସ୍ବାସ୍ଥ୍ୟ ସେବା ଭିତ୍ତିଭୂମି ଉପରେ ସରକାର ଜୋର ଦେଉଛନ୍ତି। ଏହା ସହ ୨-୧୮ ବର୍ଷର ପିଲାମାନଙ୍କ ପାଇଁ କୋଭାକ୍ସିନ୍‌ ଟ୍ରାଏଲ୍‌ ଆରମ୍ଭ ହୋଇଥିବା ନେଇ ମଧ୍ୟ ସରକାରଙ୍କ ପକ୍ଷରୁ ସୂଚନା ମିଳିଛି ।

   Related Posts