Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗ୍ରୋସରୀ ଦୋକାନରୁ ଲୁଟ୍, ଲକ୍ଷାଧିକ ଟଙ୍କାର ସାମଗ୍ରୀ ଚୋରି
  • ||
  • ଜଳେଶ୍ୱର : ଭାରସାମ୍ୟ ହରାଇ ରାସ୍ତାକଡ଼କୁ ଓଲଟିଲା ଯାତ୍ରୀବାହୀ ବସ୍‌, ଗାଡିରେ ଥିଲେ ୫୦ରୁ ଅଧିକ ଲୋକ
  • ||
  • ନୂଆଦିଲ୍ଲୀ : ଦେଶ ପାଳୁଛି ୭୨ତମ ସାଧାରଣତନ୍ତ୍ର ଦିବସ
  • ||
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||

ଦିଲ୍ଲୀରେ ପ୍ରାଣଘାତୀ ପ୍ରଦୂଷଣ : ଧୂଆଁର ଚାଦରରେ ଢାଙ୍କି ହୋଇଛି ରାଜଧାନୀ

3/11/2019 at 9:40 AM

ନୂଆଦିଲ୍ଲୀ ୩/୧୧: ଦିଲ୍ଲୀରେ ହେଲ୍ଥ ଇମରଜେନ୍ସି । ଅଣନିଶ୍ବାସୀ ହୋଇପଡ଼ିଛି ଦେଶର ରାଜଧାନୀ । ପ୍ରଦୂଷଣ ସାଂଘାତିକସ୍ତରରେ ପହଞ୍ଚିସାରିଥିବା ବେଳେ, ଧୂଆଁର ଚାଦର ଢାଙ୍କି ଦେଇଛି ଦିଲ୍ଲୀ ଆକାଶକୁ । ଆନନ୍ଦ ବିହାର, ଆଇ.ଟି.ଓ, ଜାହାଙ୍ଗିରପୁରୀ, ଦ୍ବାରିକା, ଲୋଧି ରୋଡ୍ ରେ ସ୍ଥିତି ଘରବୁଡ଼ି ପାଣି ଆଣ୍ଠୁଏ |

ଗତକାଲିଠାରୁ ଆଜି ସ୍ଥିତି ଆହୁରି ବିଗିଡ଼ିଯାଇଛି । ସେଣ୍ଟ୍ରାଲ୍ ପଲ୍ୟୁସନ କଣ୍ଟ୍ରୋଲ ବୋର୍ଡ ରିପୋର୍ଟ ଅନୁଯାୟୀ  ଦିଲ୍ଲୀର ହାରାହାରି ଏୟାର କ୍ବାଲିଟି ଇଣ୍ଡେକ୍ସ ଥିଲା ୪୮୦ ।  ଗାଜିୟାବାଦରେ ୪୬୮ ଏବଂ ନୋଏଡାରେ ଏୟାର କ୍ବାଲିଟି ଇଣ୍ଡେକ୍ସ ୫୭୮ ଛୁଇଁଛି । ସେହିପରି ଗୁରଗ୍ରାମରେ ୫୮୫ ଓ ହିସାରରେ ଏୟାର କ୍ବାଲିଟି ଇଣ୍ଡେକ୍ସ ୮୦୨ ରହିଛି । ଏୟାର କ୍ୱାଲିଟି ଇଣ୍ଡେକ୍ସ ୫୦ ଭିତରେ ରହିଲେ ଏହାକୁ ଅତ୍ୟନ୍ତ ଭଲ ବୋଲି ବିଚାର କରାଯାଏ ।  ଲୋକେ ଘରୁ ବାହାରିବା ମୁସ୍କିଲ ହୋଇଯାଇଛି।

ଏସବୁ ଭିତରେ ଲୋକଙ୍କୁ ମାଗଣାରେ ମାସ୍କ ବାଣ୍ଟୁଛନ୍ତି ଦିଲ୍ଲୀ ସରକାର । ୫ ତାରିଖ ପର୍ଯ୍ୟନ୍ତ ରାଜ୍ୟର ସମସ୍ତ ସ୍କୁଲରେ ଛୁଟି ଘୋଷଣା କରାଯାଇଛି । ପରିବେଶ ପ୍ରଦୂଷଣ ନିୟନ୍ତ୍ରଣ ପ୍ରାଧୀକରଣ ନଭେମ୍ବର ୫ ଯାଏଁ ଦିଲ୍ଲୀ ଏନ୍.ସି.ଆର୍.ରେ ସମସ୍ତ ନିର୍ମାଣ କାର୍ଯ୍ୟ ଉପରେ ମଧ୍ୟ ପ୍ରତିବନ୍ଧକ ଲଗାଇଛନ୍ତି । ପ୍ରଭାବିତ ଇଲାକାରେ ପାଣି ଛିଞ୍ଚିବା ପାଇଁ ବ୍ୟବସ୍ଥା କରାଯାଉଛି । ଶନିବାର  ପବନର ଗତିରେ ସାମାନ୍ୟ  ବୃଦ୍ଧି ହୋଇଥିବାରୁ ଦିଲ୍ଲୀ ଓ ଏହାର ଆଖପାଖ ଅଞ୍ଚଳରେ ପ୍ରଦୁଷଣ ମାତ୍ରା ସାମାନ୍ୟ  କମିଥିଲା  ।

ଏଥିସହିତ ମହାବାତ୍ୟା ପ୍ରଭାବ ଏବଂ ୱେଷ୍ଟର୍ଣ୍ଣ  ଡିଷ୍ଟରବାନ୍ସ ଯୋଗୁ ପଞ୍ଜାବ,ହରିୟାଣା,ରାଜସ୍ଥାନ ଓ ଦିଲ୍ଲୀରେ ନଭେମ୍ବର ୭ ଏବଂ ୮ ବେଳକୁ କାଁ ଭାଁ ବର୍ଷା ସମ୍ଭାବନା ଥିବାରୁ ପ୍ରଦୁଷଣ ମାତ୍ରା କମିବାର ସମ୍ଭାବନା ରହିଛି । ପଞ୍ଜାବ ଓ ହରିୟାଣାରେ ଚାଷୀ ଫସଲ ଖୁଣ୍ଟା ଜାଳିବାରୁ ଦିଲ୍ଲୀରେ  ପ୍ରଦୁଷଣ ମାତ୍ରା  ଉଦବେଗଜନକ ରହିଛି ବୋଲି କହିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ୍ ।

   Related Posts