Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚେତୁନାହାଁନ୍ତି ଅମାନିଆ : ବିଭିନ୍ନ ଆଳ କରି ବଜାରରେ ବୁଲୁଛନ୍ତି, ଫାଇନ୍ ବି ଗଣୁଛନ୍ତି
  • ||
  • ‘ଟିକାରୁ ଜିଏସଟି ଛାଡ କର’ : କେନ୍ଦ୍ର ଅର୍ଥମନ୍ତ୍ରୀଙ୍କୁ ଅନୁରୋଧ କଲେ ମୁଖ୍ୟମନ୍ତ୍ରୀ
  • ||
  • ଭୟଙ୍କର : ୨୪ ଘଣ୍ଟାରେ ଦେଶରେ ବାହାରିଲେ ୪ ଲକ୍ଷ ୧୪ ହଜାରରୁ ଅଧିକ ପଜିଟିଭ୍, ୩୯୧୫ ମୃତ
  • ||
  • କରୋନା ରୋଗୀଙ୍କୁ ମେଡିସିନ୍ ନେଇ ଜାରି ହେଲା ଏସଓପି : ଆକ୍ରାନ୍ତଙ୍କୁ ଇଞ୍ଜେକ୍ସନ ଦେବା ପୂର୍ବରୁ ଯାଞ୍ଚ ହେବ ସ୍ୱାସ୍ଥ୍ୟାବସ୍ଥା
  • ||
  • ରାଜସ୍ଥାନରେ ୧୪ ଦିନିଆ ଲକ୍‌ଡାଉନ୍‌ ଲଗାଇଲେ ସରକାର, ୩୧ ଯାଏଁ ହୋଇପାରିବନି ବିବାହ
  • ||
  • ପଶୁପକ୍ଷୀଙ୍କୁ ମଧ୍ୟ ହେଉଛି କରୋନା, ଆଗରୁ ଆହୁରି ହେବେ ସଂକ୍ରମିତ ! ଚିନ୍ତାରେ ସରକାର
  • ||
  • ଛୋଟ ପିଲାଙ୍କ ପ୍ରତି ବିପଦ ବେଶୀ, ଦୈନିକ ୫୦୦ ଶିଶୁ ହେଉଛନ୍ତି କୋଭିଡ୍ ପଜିଟିଭ୍
  • ||
  • ରାଜ୍ୟରେ କରୋନା ନେଲା ଆଉ ୧୯ ଜଣଙ୍କ ଜୀବନ, ୨୧୪୦ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ଗାଁ ନିକଟରେ ବୁଲୁଛି ଗୋଠଛଡା ଦନ୍ତା, ଗ୍ରାମବାସୀ ଭୟଭୀତ
  • ||
  • ୧୨ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୨,୨୩୮ ପଜିଟିଭ୍
  • ||

ପତି ପତ୍ନୀ ଏବଂ ସେ : ମହିଳା ଡେପୁଟି କଲେକ୍ଟରଙ୍କୁ ଚୁଟି ଘୋଷାଡ଼ି ମାରପିଟ କଲେ ଆଇଆରଏସ ଅଫିସରଙ୍କ ପତ୍ନୀ

14/02/2019 at 2:47 PM

ପାଟଣା ୧୪/୨ : ପତି ପତ୍ନୀ ଏବଂ ପରକୀୟା ପ୍ରୀତି ମାମଲାରେ ବିହାର ରାଜ୍ୟ ମହିଳା ଆୟୋଗ କାର୍ଯ୍ୟାଳୟରେ ଗତକାଲି ହୋହାଲ୍ଲା ହୋଇଥିଲା | ଉତ୍ତର ପ୍ରଦେଶରେ କାର୍ଯ୍ୟରତ ଭାରତୀୟ ରାଜସ୍ବ ସେବା ବା ଆଇଆରଏସ ଅଫିସର ଜ୍ଞାନେନ୍ଦ୍ର ତ୍ରିପାଠୀଙ୍କ ପତ୍ନୀ ଅପର୍ଣ୍ଣା ତ୍ରିପାଠୀ ଗତକାଲି ହୋହାଲ୍ଲା କରିଥିଲେ | ମହିଳା ଆୟୋଗ ଅଧ୍ୟକ୍ଷ ଦିଲମଣି ମିଶ୍ରଙ୍କ କାର୍ଯ୍ୟାଳୟରେ ଜିନିଷପତ୍ର ଫିଙ୍ଗାଫିଙ୍ଗି କରିଥିଲେ | ଏହାସହ ଡେପୁଟି କଲେକ୍ଟର ଶ୍ଵେତା ମିଶ୍ରଙ୍କୁ ମାରପିଟ କରିଥିଲେ | ଘଟଣାରେ ଏତେ ଉତ୍ତେଜିତ ହୋଇଯାଇଥିଲା ଯେ, ସ୍ଥାନୀୟ ପୋଲିସ ଥାନାରୁ ମହିଳା ପୋଲିସ ଡକାଯାଇ ଅପର୍ଣ୍ଣାଙ୍କୁ ଶାନ୍ତ କରାଯାଇଥିଲା |


ସୂଚନାଯୋଗ୍ୟ ଯେ, କୋଲକାତାର ସଲ୍ଟଲେକସ୍ଥିତ କଷ୍ଟମ ରେସିଡେନ୍ସିଆଲ କ୍ଵାଟରରେ ରହୁଥିବା ଅପର୍ଣ୍ଣା ତ୍ରିପାଠୀ ଡେପୁଟି କଲେକ୍ଟର ଶ୍ଵେତା ମିଶ୍ରଙ୍କ ବିରୋଧରେ ଅଭିଯୋଗ କରି ବିହାରର ରାଜ୍ୟ ମହିଳା ଆୟୋଗରେ ଆବେଦନ କରିଥିଲେ | ଅପର୍ଣ୍ଣାଙ୍କ ସ୍ୱାମୀ ଜ୍ଞାନେନ୍ଦ୍ର ତ୍ରିପାଠୀ ଏବଂ ଡେପୁଟି କଲେକ୍ଟର ଶ୍ଵେତା ମିଶ୍ରଙ୍କ ମଧ୍ୟରେ ଅନୈତିକ ସମ୍ପର୍କ ଥିବା ଅପର୍ଣ୍ଣା ଅଭିଯୋଗ କରିଥିଲେ | ଏଥିପାଇଁ ସେ ଜ୍ଞାନେନ୍ଦ୍ର ତ୍ରିପାଠୀଙ୍କଠାରୁ ଅଲଗା ହେବା ପାଇଁ ସେ ଆବେଦନ କରିଥିଲେ | ଉଭୟଙ୍କ ଛାଡପତ୍ର ମାମଲା ବିଚାରାଧୀନ ଅଛି |


ବୁଧବାର ଉଭୟଙ୍କ ଛାଡପତ୍ର ମାମଲାର ଶୁଣାଣି ଥିଲା | ଶୁଣାଣି ବେଳେ ମହିଳା ଆୟୋଗ କାର୍ଯ୍ୟାଳୟରେ ଅପର୍ଣ୍ଣା ଏବଂ ଶ୍ଵେତା ଉପସ୍ଥିତ ଥିଲେ | ମହିଳା ଆୟୋଗର ସଦସ୍ୟା ଡ.ନିକି ହେମ୍ବ୍ରମ କହିଛନ୍ତି ଯେ, ଶୁଣାଣି ବେଳେ ହଠାତ ଅପର୍ଣ୍ଣା ଉତ୍ତେଜିତ ହୋଇଯାଇଥିଲେ ଏବଂ କାର୍ଯ୍ୟାଳୟ ଭିତରେ ହଂଗାମା କରିଥିଲେ | ସେ ଶ୍ଵେତା ମିଶ୍ରଙ୍କ ଚୁଟି ଟାଣି ତାଙ୍କୁ ଘୋଷାଡ଼ି ପକେଇଥିଲେ | ଏହାସହ ଶ୍ଵେତାଙ୍କୁ ମାରପିଟ ମଧ୍ୟ କରିଥିଲେ | ଅପର୍ଣ୍ଣା ଅଭିଯୋଗ କରିଥିଲେ ଯେ, ଶ୍ଵେତା ମିଶ୍ର ବିହାର ସରକାରର ଜଣେ ଅଧିକାରୀ ହୋଇଥିବାରୁ ମହିଳା ଆୟୋଗ ଶ୍ଵେତାଙ୍କ ପକ୍ଷ ନେଉଛି |


ବହୁତ ବୁଝାଇବା ପରେ ମଧ୍ୟ ଅପର୍ଣ୍ଣା ବୁଝିନଥିଲେ | ଶେଷରେ ମହିଳା ପୋଲିସ ଡକାଯାଇ ଅପର୍ଣ୍ଣାଙ୍କୁ ନିୟନ୍ତ୍ରଣ କରାଯାଇଥିଲା | ଅପର୍ଣ୍ଣାଙ୍କ ବ୍ୟବହାରକୁ ନେଇ ମହିଳା ଆୟୋଗ ସଦସ୍ୟା ନିକି ହେମ୍ବରମ ସ୍ଥାନୀୟ ଥାନାରେ ଏକ ପ୍ରାଥମିକ ଏତଲା ଦେଇଛନ୍ତି | ଘଟଣାର ଯାଞ୍ଚ କରାଯାଉଛି ବୋଲି ଥାନା ଅଧିକାରୀ କହିଛନ୍ତି |

   Related Posts