Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସଚିନ୍ ପାଇଲଟ୍‌ଙ୍କ ଫୁସଫୁସରେ ସଂକ୍ରମଣ, ଆଜି ଆସିବ ଟେଷ୍ଟ ରିପୋର୍ଟ
  • ||
  • ବରିଷ୍ଠ ବିଜେପି ନେତାଙ୍କ ବିବାଦୀୟ ବୟାନ୍-‘ମୁସଲମାନ୍ ପ୍ରାର୍ଥୀଙ୍କୁ କେବେ ବି ଦେବୁନି ଟିକେଟ୍’
  • ||
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୩୯ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୧୮ କରୋନା ସଂକ୍ରମିତ, ୩୧୮୭୨୫ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଆଜି ପ୍ରଧାନମନ୍ତ୍ରୀଙ୍କ ‘ଟିକା’ ସମୀକ୍ଷା, ଭ୍ୟାକସିନ୍ ବିକାଶରେ ଲାଗିଥିବା ୩ କମ୍ପାନୀ ସହ ଆଲୋଚନା
  • ||
  • ଆସନ୍ତାକାଲିଠୁ ପ୍ରସିଦ୍ଧ କୋଣାର୍କ ମହୋତ୍ସବ: କୋଭିଡ଼ କଟକଣା ମଧ୍ୟରେ ପାଳିତ ହେବ ଉତ୍ସବ
  • ||
  • ଆଜି ପବିତ୍ର କାର୍ତ୍ତିକ ପୂର୍ଣ୍ଣିମା : ଡଙ୍ଗା ଭସା ଉପରେ ରୋକ , କୋଭିଡ କଟକଣା ଯୋଗୁଁ ଉତ୍ସବ ଫିକା
  • ||
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||

ଇରଫାନ ଖାନଙ୍କ ପରଲୋକର ମାସେ ପୂରିବା ପରେ ଇମୋସନାଲ୍ ହେଲେ ପତ୍ନୀ ସୁତପା : ଫଟୋ ସେୟାର କରି କହିଲେ ଏକଥା

31/05/2020 at 10:58 AM

ମୁମ୍ବାଇ ୩୧/୫: ଇରଫାନ୍ ଖାନ୍ ବଲିଉଡର ସବୁଠୁ ଦମଦାର ଅଭିନେତା ମଧ୍ୟରୁ ଜଣେ ଥିଲେ ଏଥିରେ କୌଣସି ସନ୍ଦେହ ନାହିଁ। ମାସେ ତଳେ ଇରଫାନ୍ ଆମ ସମସ୍ତଙ୍କୁ ଛାଡ଼ି ଚାଲିଯାଇଥିଲେ। ଏକଥାକୁ ଏବେ ବି କେହି ବିଶ୍ବାସ କରୁନାହାନ୍ତି ଯେ ଆମେ ଏବେ ତାଙ୍କୁ କୌଣସି ନୂଆ ଫିଲ୍ମରେ କିମ୍ବା ଇଣ୍ଟରଭ୍ୟୁରେ ଦେଖି ପାରିବା ନାହିଁ।

ଇରଫାନ୍ ଯିବାର ମାସେ ପୂରା ହେବା ପରେ ପତ୍ନୀ ସୁତପା ସିକଦାର ତାଙ୍କ ଅଣଦେଖା ଫଟୋ ସେୟାର କରି ଏକ ଇମୋସନାଲ୍ ପୋଷ୍ଟ ଲେଖିଛନ୍ତି।

ସୁତପା ସିକଦାର ଇରଫାନଙ୍କ ସହ ନିଜର କିଛି ଅଭୁଲା ମୁହୂର୍ତ୍ତର ଫଟୋ ସେୟାର କରିଛନ୍ତି। ଦୁହେଁ କୌଣସି ପାର୍କରେ ଥିବାର ଜଣା ପଡ଼ୁଛି। ଗୋଟିଏ ଫଟୋରେ ଇରଫାନ୍ ଏକୁଟିଆ ଘାସରେ ଶୋଇ କେଉଁଆଡ଼େ ଦେଖୁଛନ୍ତି ତ ଅନ୍ୟ ଫଟୋରେ ସେ ପତ୍ନୀଙ୍କ ସହ ସେଲ୍ଫି ନେଇଛନ୍ତି।

ଏହି ଫଟୋ ସହ ସୁତପା ଲେଖିଛନ୍ତି ଯେ ‘ଏଠାରୁ ବହୁତ ଦୂର ପ୍ରତ୍ୟେକ ଭୁଲ୍ ଏବଂ ଠିକ୍ ଆଗରେ ଏକ ଖାଲି ପଡ଼ିଆ ରହିଛି। ସେ ସେଠାରେ ତାଙ୍କୁ ଭେଟିବେ। ଯେତେବେଳେ ଆମ ଆତ୍ମା ଘାସରେ ଶୋଇଥିବ ଏବଂ ସମାଜ କଥା କହି ଥକି ସାରିଥିବ। ଏହା କିଛି ସମୟର କଥା। ଦେଖା କରିବା କଥା ହେବା। ତୁମ ସାଙ୍ଗରେ ଦେଖା ହେବା ପର୍ଯ୍ୟନ୍ତ।’

ଇରଫାନ ଖାନଙ୍କ ପରଲୋକ ୨୦୨୦ମସିହା ଅପ୍ରେଲ୍ ୨୯ତାରିଖ ଦିନ ହୋଇଥିଲା। ତାଙ୍କୁ ନ୍ୟୁରୋଏଣ୍ଡୋକ୍ରାଇନ୍ ଟ୍ୟୁମର ହୋଇଥିଲା। ଇରଫାନ୍ ଦୁଇ ବର୍ଷରୁ ତାଙ୍କ ଚିକିତ୍ସା କରାଉଥିଲେ। ୨୦୧୮ମସିହାରେ ସେ କ୍ୟାନସର ଚିକିତ୍ସା ପାଇଁ ଲଣ୍ଡନ୍ ମଧ୍ୟ ଯାଇଥିଲେ।

ତାଙ୍କ ଯିବା ପରେ ବିଶ୍ବବ୍ୟାପି ପ୍ରଶଂସକ ଦୁଃଖ ପ୍ରକାଶ କରିଥିଲେ। ଏହା ସହ ବଲିଉଡଠୁ ଆରମ୍ଭ କରି ହଲିଉଡ ଏବଂ ଅନ୍ୟ ଇଣ୍ଡଷ୍ଟ୍ରିର ସେଲିବ୍ରିଟି ତାଙ୍କ ବିଷୟରେ ସୋସିଆଲ ମିଡିଆରେ ପୋଷ୍ଟ କରିଥିଲେ।

ଇରଫାନ୍ ଖାନ୍ ନିଜ ଫିଲ୍ମି କ୍ୟାରିୟରରେ ଅନେକ ସୁପରହିଟ୍ ଫିଲ୍ମ ମକବୁଲ୍,ପାନ ସିଂହ ତୋମାର,ହିନ୍ଦୀ ମିଡିୟମ୍,ପିକୁ,ଦ ଲଞ୍ଚବକ୍ସ ସହ ଅନ୍ୟାନ୍ୟ ଫିଲ୍ମରେ କାମ କରିଛନ୍ତି। ସେ ହଲିଉଡର ବଡ଼ ବଡ଼ ପ୍ରୋଜେକ୍ଟ ଯେପରିକି ଲାଇଫ ଅଫ ପାଇ,ଜୁରାସିକ୍ ଓ୍ବାର୍ଲଡରେ କାମ କରି ନାଁ କମାଇଛନ୍ତି।

   Related Posts