Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

IRCTC ଫେରସ୍ତ ଦେବ ପୂରା ପଇସା, ଇ-ଟିକେଟ କ୍ୟାନସେଲ୍ ନ କରିବାକୁ ଉପଭୋକ୍ତାଙ୍କୁ ପରାମର୍ଶ

24/03/2020 at 7:00 PM

ନୂଆଦିଲ୍ଲୀ୨୪/୩: ଇ- ଟିକେଟ କ୍ୟାନସେଲ ବା ବାତିଲ ପ୍ରକ୍ରିୟା ନେଇ ସ୍ପଷ୍ଟ କରିଛନ୍ତି ଇଣ୍ଡିଆନ ରେଲଓ୍ବେଜ୍‌ କ୍ୟାଟ୍ରିଂ ଆଣ୍ଡ୍‌ ଟ୍ୟୁରିଜିମ୍ କର୍ପୋରେସନ ଆଇଆର୍‌ସିଟିସି ( IRCTC ) । ଉପଭୋକ୍ତା ବା ଇ-ଟିକେଟ କାଟିଥିବା ଯାତ୍ରୀମାନେ ସେମାନଙ୍କ ପଇସା ଫେରସ୍ତ ନେଇ ବିଚଳିତ ନ ହେବାକୁ IRCTC ସୂଚନା ଦେଇଛି। IRCTC ପକ୍ଷରୁ ଇ-ଟିକେଟ କ୍ୟାନସେଲେସନ ସଂପର୍କରେ ସମ୍ପୂର୍ଣ୍ଣ ସୂଚନା ଦିଆଯାଇଛି।

ଏଥିରେ କୁହାଯାଇଛି, ବର୍ତ୍ତମାନ କରୋନା ସଂକ୍ରମଣ ରୋକିବା ଲାଗି ଟ୍ରେନଗୁଡିକ ବାତିଲ କରାଯାଇଥିବା ବେଳେ ଇ-ଟିକେଟ କରିଥିବା ଭାରତୀୟ ରେଳ ଯାତ୍ରୀମାନେ ସେମାନଙ୍କ ଟିକେଟ ବାବଦ ଟଙ୍କା ଫେରସ୍ତକୁ ନେଇ ଚିନ୍ତା କରିବାର ଆବଶ୍ୟକତା ନାହିଁ। ଭାରତୀୟ ରେଳ ନେଟୱାର୍କରେ ଯାତ୍ରୀବାହୀ ଟ୍ରେନ୍ ସେବା ବାତିଲ ହୋଇଥିବାରୁ ଯାତ୍ରୀମାନଙ୍କ ଟଙ୍କା ସ୍ବୟଂଚାଳିତ ପଦ୍ଧତିରେ ଫେରସ୍ତ କରି ଦିଆଯିବ।

ଯେଉଁ  ଯାତ୍ରୀମାନଙ୍କ ଟିକେଟ୍ ବାତିଲ୍ ହୋଇଥିବ ସେମାନଙ୍କୁ ଏଥି ନେଇ ନିଜଆଡ଼ୁ କିଛି କରିବାର କିମ୍ବା ଟିକେଟ କ୍ୟାନସେଲ କରିବାର ଆବଶ୍ୟକତା ନାହିଁ। ରେଳ ବିଭାଗ ପକ୍ଷରୁ ସେମାନଙ୍କ ଟଙ୍କା ଫେରସ୍ତ କରି ଦିଆଯିବ। ଏପରି ଭାବେ କ୍ୟାନସେଲ ଟିକେଟ ଉପରେ କ୍ୟାନସେଲେସନ ଫି କଟିବ ନାହିଁ। ସେଥିଲାଗି ଯାତ୍ରୀମାନଙ୍କୁ ପୂର୍ବ ପଦ୍ଧତିରେ ଟିକେଟ କ୍ୟାନସେଲେସନ ନ କରିବାକୁ IRCTC ପକ୍ଷରୁ କହାଯାଇଛି।

ଆଇଆରସିଟିସିର ଅଧିକାରୀଙ୍କ କହିବା ଅନୁସାରେ ଯାତ୍ରୀମାନେ କାଉଣ୍ଟରରେ ଭିଡ କରନ୍ତୁ ନହିଁ। ଭାରତୀୟ ରେଳବାଇ ମଧ୍ୟ PRS କାଉଣ୍ଟରରେ ବୁକ୍ ହୋଇଥିବା ଟ୍ରେନ୍ ଟିକେଟ୍ ପାଇଁ ଫେରସ୍ତ ନିୟମକୁ ସଂଶୋଧନ କରିଛନ୍ତି। ରେଳ ସେବା ସ୍ବଭାବିକ ନହେବା ପର୍ଯ୍ୟନ୍ତ ଏହି ନିୟମ  ଜାରି  ରହିବ ବୋଲି ରେଳ ବିଭାଗ ପକ୍ଷରୁ ବିଜ୍ଞପ୍ତି ଜାରି ହୋଇଛି। ଏହି ନିର୍ଦ୍ଦେଶକୁ ତୁରନ୍ତ ସମସ୍ତ ଷ୍ଟେସନ ମାଷ୍ଟରଙ୍କ ନିକଟରେ ପହଞ୍ଚାଇବାକୁ ରେଳ ବିଭାଗ ନିର୍ଦ୍ଦେଶ ଦେଇଛନ୍ତି।

   Related Posts