Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କାମାକ୍ଷାନଗର : ସୁନ୍ଦରମୁଣ୍ଡି ଜଙ୍ଗଲରେ ଲାଗିଲା ନିଆଁ, ମୂଲ୍ୟବାନ ଗଛ ପୋଡି ପାଉଁଶ
  • ||
  • କୁଚିଣ୍ଡା : ଭଡାଘରେ ଚାଲିଥିଲା ସେକ୍ସ ରାକେଟ୍, ମହିଳା ସହ ୨ ଯୁବକଙ୍କୁ ଗିରଫ କଲା ପୋଲିସ
  • ||
  • ମୁନିଗୁଡା : ଆଶ୍ରମ ବିଦ୍ୟାଳୟ ହଷ୍ଟେଲରେ ୯ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅବହେଳା ଅଭିଯୋଗ ଆଣିଲେ ପରିବାର
  • ||
  • ଆର୍.ଉଦୟଗିରି : ଉପକାରାଗାରରୁ ୨ ବିଚାରାଧୀନ କଏଦୀ ଫେରାର, ଗଞ୍ଜେଇ ଚୋରା ଚାଲାଣ ଅଭିଯୋଗରେ ଜେଲ୍‌ରେ ଥିଲେ
  • ||
  • ଚୌଦ୍ବାର : ଚାରବାଟିଆ ଏଆରସିରେ ପୁଣି ଅଗ୍ନିକାଣ୍ଡ, ନିଆଁ ଲିଭା କାର୍ଯ୍ୟରେ ଲାଗିଛି ୬ଟି ଦମକଳ ଗାଡି
  • ||
  • ଭୁବନେଶ୍ବର : ମାର୍ଚ୍ଚ ପହିଲାରୁ ବରିଷ୍ଠ ନାଗରିକଙ୍କୁ ଟିକା, ୧୨ଟି ସରକାରୀ ଓ ୧୦ଟି ଘରୋଇ ହସ୍ପିଟାଲରେ ଟିକାଦାନ
  • ||
  • ସମ୍ବଲପୁର : ଭିସୁଟ୍‌ର ୨୫ ଛାତ୍ରଛାତ୍ରୀ କରୋନା ଆକ୍ରାନ୍ତ, ସସପେଣ୍ଡ ହେଲା ପ୍ରଥମ ବର୍ଷ ଛାତ୍ରଛାତ୍ରୀଙ୍କ କ୍ଲାସ୍
  • ||
  • ନୀଳଗିରି : ଛିଣ୍ଡି ପଡିଲା ୧୧କେଭି ବିଦ୍ୟୁତ୍ ତାର, ଅଳ୍ପକେ ବର୍ତିଲେ ଗ୍ରାମବାସୀ
  • ||
  • ଭୁବନେଶ୍ବର : ମାର୍ଚ୍ଚ ପହିଲାରୁ ବରିଷ୍ଠ ନାଗରିକଙ୍କୁ ଟିକା, ୧୨ଟି ସରକାରୀ ଓ ୧୦ଟି ଘରୋଇ ହସ୍ପିଟାଲରେ ଟିକାଦାନ
  • ||
  • ଋଷିକୁଲ୍ୟା ନଦୀପଠାରୁ ଆନ୍ଧ୍ରକୁ ବାଲି ଚାଲାଣ ଘଟଣା : ୭ଟି ବାଲି ବୋଝେଇ ଟ୍ରକ୍ ଜବତ କଲା ପୋଲିସ
  • ||

ବିମାନରେ ତୀର୍ଥାଟନ କରାଇବେ IRCTC, ବୁଲାଇବେ ରାମେଶ୍ୱରମ ଧାମ ସମେତ ମଦୁରାଇ ଓ କେରଳ

15/01/2021 at 6:05 PM

ଜୟପୁର ୧୫।୧:  ଭାରତୀୟ ରେଳବାଇ କ୍ୟାଟରିଂ ଓ ଟୁରିଜିମ କର୍ପୋରେସନ (ଆଇଆରସିଟିସି) ଲୋକଙ୍କ ବିମାନ ପ୍ୟାକେଜକୁ ଧ୍ୟାନରେ ରଖି ବିମାନ ଯୋଗେ ରାମେଶ୍ୱରମ ଧାମ ସମେତ କେରଳ ମଧ୍ୟ ବୁଲାଇବାର ଯୋଜନା କରିଛନ୍ତି। ୭ ରାତି ଓ ୮ ଦିନର ଏହି ଭ୍ରମଣ ନିମନ୍ତେ ଆଇଆରସିଟିସି ପ୍ରତିବ୍ୟକ୍ତି ପ୍ୟାକେଜ ରଖିଛନ୍ତି ମାତ୍ର ୩୫ ହଜାର ୩୧୦ଟଙ୍କା।

ଆଇଆରସିଟିସିଏହି ପ୍ୟାକେଜରେ ଧାର୍ମିକ ତୀର୍ଥାଟନ ସାଙ୍ଗକୁ ପ୍ରାକୃତିକ ରମଣୀୟ ସ୍ଥାନ ମଧ୍ୟ ଭ୍ରମଣ କରାଇବେ। ଏଥିରେ ରାମେଶ୍ୱରମ, ମଦୁରାଇ, କନ୍ୟାକୁମାରୀ ଓ କେରଳ ରାଜ୍ୟର ପ୍ରଶିଦ୍ଧ ତୀର୍ଥସ୍ଥଳ ପରିଦର୍ଶନ କରାଇବେ। ମାର୍ଚ୍ଚ ୫ରୁ ୧୨ ତାରିଖ ପର୍ଯ୍ୟନ୍ତ ଏହି ପର୍ଯ୍ୟଟନ ପ୍ୟାକେଜ୍‌ ନିମନ୍ତେ ଏବେ ବୁକିଂ ଆରମ୍ଭ ହୋଇଛି। ଏହି ତୀର୍ଥାଟନରେ ଆଇଆରସିଟିସି ପର୍ଯ୍ୟଟକଙ୍କୁ ରାମେଶ୍ୱରମ ଜ୍ୟୋତିର୍ଲିଙ୍ଗ ପରିଦର୍ଶନ କରାଇବେ ବୋଲି ଯୁଗ୍ମ ମହାପ୍ରବନ୍ଧକ( ପର୍ଯ୍ୟଟନ) ଯୋଗେନ୍ଦ୍ର ସିଂ ଗୁର୍ଜ୍ଜର କହିଛନ୍ତି।

ଏହା ଛଡା ପର୍ଯ୍ୟଟକ ଏହି ପ୍ୟାକେଜରେ ଏ.ପି.ଜେ ଅବଦୁଲ କଲାମ ମେମୋରିଆଲ ସାଙ୍ଗକୁ ଧନୁଷ୍କୋଡି ମଧ୍ୟ ବୁଲାଇବେ। ସେହିପରି ମଦୁରାଇର ପ୍ରଶିଦ୍ଧ ମିନାକ୍ଷୀ ମନ୍ଦିର, କନ୍ୟାକୁମାରୀରେ ୩ସାଗରର ସଙ୍ଗମ ମଧ୍ୟ ଦେଖାଇବେ। ପର୍ଯ୍ୟଟକଙ୍କୁ ସମୁଦ୍ରରେ ବିବେକାନନ୍ଦ ରକ ମେମୋରିଆଲ ଓ ତିରୁବଲ୍ଲୁର ଷ୍ଟାଚ୍ୟୁକୁ ଡଙ୍ଗାରେ ବୁଲାଇ ନେବେ।

କେରଳରେ ତ୍ରିବେନ୍ଦ୍ରମସ୍ଥିତ ସ୍ୱାମୀ ପଦ୍ମନାଭ ମନ୍ଦିର ଭ୍ରମଣ ସାଙ୍ଗକୁ କୁମାରାକୋମ ବ୍ୟାଙ୍କ ୱାଟର ହାଉସ୍‌ ବୋଟରେ ବୁଲା, ରାତ୍ରରହଣୀର ବ୍ୟବସ୍ଥା କରାଯିବ। ବିମାନ ଯାତ୍ରା ସାଙ୍ଗକୁ ପର୍ଯ୍ୟଟନ ସ୍ଥଳକୁ ବାତାନୁକୂଳିତ ଟେମ୍ପୋ ଟ୍ରାଭେଲରରେ ନିଆଯିବା ସହ ରାତ୍ରି ବିଶ୍ରାମ ଥ୍ରୀଷ୍ଟାର ହୋଟେଲରେ କରାଇବେ ବୋଲି ଗୁର୍ଜର କହିଛନ୍ତି। ଏହି ପ୍ୟାକେଜ ଲାଗି ବିସ୍ତୃତ ସୂଚନା ନିମନ୍ତେ ହ୍ୱାଟସ୍‌ ଆପ୍ ନମ୍ବର ୮୫୯୫୯୩୦୯୯୭ ଅଥବା ୯୦୦୧୦୯୪୭୦୫ରେ ଯୋଗାଯୋଗ କରାଯାଇପାରିବ।

   Related Posts