Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ବଲପୁର : ଆଜିଠାରୁ ୧୫ ଦିନ ସମ୍ବଲପୁର ବାର୍ ବନ୍ଦ, କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ନିଷ୍ପତ୍ତି
  • ||
  • ସୋର : ସରିଥିଲା ନିର୍ବନ୍ଧ, ହେଲେ ପଡିପାରିଲାନି ହାତଗଣ୍ଠି, ଶେଷରେ କାହିଁକି ଝୁଲିପଡିଲେ ଯୁବତୀ ?
  • ||
  • ବାରଙ୍ଗ : ନନ୍ଦନକାନନରୁ ଇନ୍ଦୋର ଯାଉଛନ୍ତି ୧୩ ଜୀବଜନ୍ତୁ, ଧଳା ବାଘୁଣୀ ଓ କଳା ବାଘ ସାମିଲ
  • ||
  • ସୋର : ରୂପା ରାଧାକୃଷ୍ଣ ମୂର୍ତ୍ତି ନେଇଗଲେ ଚୋର, ସୁନା-ରୂପା ଅଳଙ୍କାର ବି ଲୁଟ୍
  • ||
  • କଟକ : କୁମ୍ଭମେଳା ଫେରନ୍ତା ୧୩ଜଣ କରୋନା ପଜିଟିଭ୍, ରେଳ ଯାତ୍ରୀଙ୍କ ରିପୋର୍ଟ ଯାଞ୍ଚ କଡାକଡି
  • ||
  • ଆଠମଲ୍ଲିକ : ଜଳ ପ୍ରକଳ୍ପ ସ୍ଥାନାନ୍ତର ପ୍ରତିବାଦ, ଉପଜିଲ୍ଲାପାଳ ଅଫିସ ସମ୍ମୁଖରେ ଗ୍ରାମବାସୀଙ୍କ ବିକ୍ଷୋଭ ପ୍ରଦର୍ଶନ
  • ||
  • ପୁରୀ : ସ୍ବଳ୍ପ ସଂଖ୍ୟକ ବ୍ୟକ୍ତିଙ୍କୁ ନେଇ ହେବ ପୁରୀର ପ୍ରସିଦ୍ଧ ସାହିଯାତ, କୋଭିଡ୍ କଟକଣା ଉପରେ ରହିବ ନଜର
  • ||
  • ମାଲକାନଗିରି : ପୋଲିସ-ନକ୍ସଲ ଗୁଳିବିନମୟ : ଜଣେ ନିହତ, ମୁଣ୍ଡ ଉପରେ ୫ଲକ୍ଷ ଟଙ୍କାର ପୁରସ୍କାର
  • ||
  • ତେଲକୋଇ : ମହୁଲ ବୋଝେଇ ମିନିଟ୍ରକ୍ ଜବତ, ଜଣେ ଅଟକ
  • ||
  • ସ୍ବଳ୍ପ ସଂଖ୍ୟକ ବ୍ୟକ୍ତିଙ୍କୁ ନେଇ ହେବ ପୁରୀର ପ୍ରସିଦ୍ଧ ସାହିଯାତ, କୋଭିଡ୍ କଟକଣା ଉପରେ ରହିବ ନଜର
  • ||

ରାମ ମନ୍ଦିର ନିର୍ମାଣ ପାଇଁ ଗୁପ୍ତ ଦାନ କଲେ ବାବ୍ରି ମସଜିଦ ପକ୍ଷକାର ଇକବାଲ ଅନସାରୀ: ୧୫ ଦିନରେ ଆରମ୍ଭ ହେବ ମୂଳଦୁଆ କାମ

28/02/2021 at 10:32 AM

ଅଯୋଧ୍ୟା ୨୮/୦୨ : ଅଯୋଧ୍ୟା ଶ୍ରୀରାମ ମନ୍ଦିର ନିର୍ମାଣ କାମ କେବେ ଆରମ୍ଭ ହେବ, ପରିସର ଭିତରେ କଣ କାମ ଚାଲିଛି, ସେ ସମ୍ପର୍କରେ ଖବର ସାମ୍ନାକୁ ଆସିଛି। ମନ୍ଦିରର ମୂଳଦୁଆ ଆଗାମୀ ୧୫ ଦିନରେ ଆରମ୍ଭ ହେବ। ମନ୍ଦିରର ମୂଳଦୁଆ ପାଇଁ ଖୋଦେଇ କାମ ଚାଲିଛି। ଏଥିପାଇଁ ମନ୍ଦିର ପରିସର ଭିତରେ ଥିବା ମନ୍ଦିରଗୁଡିକୁ ଭାଙ୍ଗିବା ପରେ ଜେସିବି ମେସିନ ସାହାଯ୍ୟରେ ଜମିକୁ ସମତଳ କରାଯାଉଛି।

ଇତି ମଧ୍ୟରେ ମନ୍ଦିର ନିର୍ମାଣ ପାଇଁ ନିଧି ସମର୍ପଣ ଅଭିଯାନର ଶେଷ ଦିନରେ ଆଉ ଏକ ଚକିତ କଲାଭଳି ଖବର ସାମ୍ନାକୁ ଆସିଛି। ବାବ୍ରୀ ମସଜିଦରେ ପକ୍ଷକାର ଥିବା ଇକବାଲ ଅନସାରୀ ଆଜି ମନ୍ଦିର ନିର୍ମାଣ ପାଇଁ ଗୁପ୍ତ ଦାନ କରିଛନ୍ତି। ଦିନେ ଭଗବାନ ରାମଙ୍କ ବିରୋଧୀ ଥିବା ବାବ୍ରି ପକ୍ଷର ଦାବିଦାର ଇକବଲ ରାମ ମନ୍ଦିର ନିଧି ସମର୍ପଣ ଅଭିଯାନର ଶେଷ ଦିନରେ ଗୁପ୍ତ ଦାନ କରିଛନ୍ତି।

ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟର କୋଷାଧ୍ୟକ୍ଷ ଗୋବିନ୍ଦ ଦେବ କହିଛନ୍ତି ଯେ ଗତ କିଛି ଦିନ ହେଲା ଲଗାତାର ଚାଲିଥିବା ବୈଠକରେ ବିଭିନ୍ନ ମାମଲାରେ ବିଚାର ହୋଇଛି। କିଛି ଦିନ ପରେ ଅଯୋଧ୍ୟା ଦେଶର ଏକ ବିକଶିତ ନଗରୀ ଭାବେ ସାମ୍ନାକୁ ଆସିବ। ଏହା ପୁରା ସଂସାରର ସାଂସ୍କୃତିକ ରାଜଧାନୀ ହେଉ ବୋଲି ସମସ୍ତଙ୍କର ଇଚ୍ଛା ବୋଲି ସେ କହିଛନ୍ତି। ସେ କହିଛନ୍ତି ପରିସର ଭିତରେ ଥିବା ଯେଉଁସବୁ ମନ୍ଦିର ବର୍ତ୍ତମାନ ଭଙ୍ଗାଯାଉଛି ସେସବୁ ଯୋଗ୍ୟ ସ୍ଥାନ ଦିଆଯିବ। ଏଠାରେ ଯେଉଁ ବିଗ୍ରହଙ୍କ ପୂଜା ହୁଏ ସଏସମସ୍ତଙ୍କୁ ସୁରକ୍ଷିତ ସ୍ଥାନରେ ସ୍ଥାପନ କରାଯିବ। ଏବେ ଯେତିକି ଖୋଦେଇ ହୋଇଛି ତା ତଳୁ ଆହୁରି ଭଲ ମାଟି ବାହାରିଛି। ସେଥିପାଇଁ ଆଉ କିଛି ଖୋଦେଇ କାମ ଆବଶ୍ୟକ ବୋଲି ସେ କହିଛନ୍ତି। ଏହାପରେ ମୂଳଦୁଆ ପକାଯିବ। ୧୫ ଦିନ ଭିତରେ ମନ୍ଦିର ମୂଳଦୁଆ ପକାଯିବା କାମ ଆରମ୍ଭ ହୋଇଯିବ ବୋଲି ଗୋବିନ୍ଦ ଦେବ କହିଛନ୍ତି।

ଇକବାଲ ଅନସାରୀ ନିଜ ପରିବାରର ସମସ୍ତ ସଦସ୍ୟଙ୍କ ନାଁରେ ଗୁପ୍ତ ଦାନ କରିଛନ୍ତି। ମହାନଗର ଅଧ୍ୟକ୍ଷ ଅନିଲ କୁମାର ଓ ବିଶ୍ୱ ହିନ୍ଦୁ ପରିଷଦ ନିଧି ସମର୍ପଣ ଅଭିଯାନର ଅଯୋଧ୍ୟା ପ୍ରଭାରୀ ଧୀରେଶ୍ୱରଙ୍କ ଠାରୁ ଏହାର ରସିଦ ଗ୍ରହଣ କରିଛନ୍ତି। ଇକବାଲ ଅନସାରୀ କହିଛନ୍ତି ଅଯୋଧ୍ୟା ଧର୍ମ ନଗରୀ ଏବଂ ଧର୍ମ କାମରେ ସମସ୍ତଙ୍କୁ ସହଯୋଗ କରିବା ଉଚିତ। ଏଠାରେ ସବୁ ଧର୍ମର ଦେବାଦେବୀ ବିରାଜମାନ। ସେଥିପାଇଁ ସମସ୍ତଙ୍କୁ ସହଯୋଗ କରିବା ଉଚିତ।

   Related Posts