ନୂଆଦିଲ୍ଲୀ, ୦୨|୦୭: ଇଣ୍ଡିଆନ ପ୍ରିମିୟର ଲିଗ୍ ବା ଆଇପିଏଲର ୧୩ତମ ସଂସ୍କରଣ ଭାରତ ବାହାରେ ଖେଳାଇଯିବ ବୋଲି କୁହାଯାଉଛି । ୟୁଏଇ କିମ୍ବା ଶ୍ରୀଲଙ୍କାରେ ଏହି ଟୁର୍ଣ୍ଣାମେଣ୍ଟର ଆୟୋଜନ ହୋଇପାରେ । ଏହାକୁ ନେଇ ଅତିଶୀଘ୍ର ଚୁଡାନ୍ତ ନିଷ୍ପତ୍ତି ନିଆଯିବ । କାରଣ ବିସିସିଆଇ ଏବେ ଚଳିତ ବର୍ଷ ଅକ୍ଟୋବର-ନଭେମ୍ବରରେ ହେବାକୁ ଥିବା ଟି୨୦ ବିଶ୍ୱକପ ନିଷ୍ପତ୍ତିକୁ ଅପେକ୍ଷା କରିଛି ।
ବିସିସିଆଇର ଜଣେ ବରିଷ୍ଠ ଅଧିକାରୀଙ୍କ କହିବାନୁସାରେ, ଲିଗ୍କୁ ଭାରତରେ ଆୟୋଜିତ କରିବା ନେଇ ଚିନ୍ତା କରାଯାଉଥିଲା । କିନ୍ତୁ କରୋନା ପାଇଁ ଏହାକୁ ଦେଶ ବାହାରେ ଅର୍ଥାତ ଶ୍ରୀଲଙ୍କା କିମ୍ବା ୟୁଏଇରେ ଆୟୋଜିତ କରାଯାଇପାରେ । କାରଣ ଆଉ କିଛି ରାସ୍ତା ନାହିଁ । ଦେଶରେ ଏବେ ଦର୍ଶକଙ୍କୁ ଷ୍ଟାଡିୟମ ମନା ହୋଇଛି । ବିସିସିଆଇ ବିନା ଦର୍ଶକରେ ମ୍ୟାଚ ଆୟୋଜନ ନେଇ ମଧ୍ୟ ବିଚାର କରୁଛି ।
ସେ ଆହୁରି କହିଛନ୍ତି ଯେ, ଶ୍ରୀଲଙ୍କା କିମ୍ବା ୟୁଏଇରେ ଆଇପିଏଲର ଆୟୋଜନ ନେଇ ଅଧିକ ସମ୍ଭାବନା ରହିଛି । ଏହାକୁ ନେଇ ନିଷ୍ପତ୍ତି ନିଆଯିବ । କରୋନା ସ୍ଥିତିକୁ ମଧ୍ୟ ବିଚାର କରାଯିବ । ଏନେଇ ଅତିଶୀଘ୍ର ନିଷ୍ପତ୍ତି ନିଆଯିବ ବୋଲି ସେ କହିଛନ୍ତି ।
wp:core-embed/wordpress {"url":"http://www.prameyanews7.com/saurabh-ganguly-in-icc-chairmen-race/","type":"wp-embed","providerNameSlug":"prameya-news-7","className":""} /wp:core-embed/wordpress