Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଓଭରବ୍ରିଜ୍ ଉପରେ ବିରାଟ ଗାତ, ବିପଦସଙ୍କୁଳ ଅବସ୍ଥାରେ ଚଳାଚଳ କରୁଛି ଯାନବାହାନ
  • ||
  • ମାଟି ଘରେ ଶୋଇଥିଲେ ବୃଦ୍ଧା, ହଠାତ ମାଡି ବସିଲା କାନ୍ଥ
  • ||
  • ମାତିଛନ୍ତି ହାତୀପଲ : ଜଳକ୍ରୀଡା ପରେ ଭାଙ୍ଗୁଛନ୍ତି ଘର, ନଷ୍ଟ କରୁଛନ୍ତି ଫସଲ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୬୨୮ କୋଭିଡ୍ ପଜିଟିଭ୍
  • ||
  • ଦେବଶିଳ୍ପୀ ବିଶ୍ୱକର୍ମାଙ୍କ ପୂଜା, ଶିଳ୍ପନଗରୀରୁ ଗାଁ ଗହଳି ସବୁଠି ଉତ୍ସାହ
  • ||
  • ୭୧ ବର୍ଷରେ ପାଦ ଦେଲେ ପ୍ରଧାନମନ୍ତ୍ରୀ : ବିଜେପି କରୁଛି ୨୦ ଦିନିଆ ସେବା ସମର୍ପଣ ଅଭିଯାନ
  • ||
  • ଆଉ ଏକ ଲଘୁଚାପ : ୧୮ରୁ ବଢିବ ବର୍ଷା, ଉତ୍ତରରେ ଛେଚିବ
  • ||
  • ଭାଙ୍ଗିଗଲା ଓଭରବ୍ରିଜ୍‌ର ବିରାଟ ଖଣ୍ଡ, ୧୩ ଶ୍ରମିକ ଗୁରୁତର
  • ||
  • ଶୌଚ ପାଇଁ ଗଲା ବେଳେ ମାଡିଗଲା ଅଜଣା ଗାଡି, ୨ ମହିଳା ମୃତ
  • ||
  • ୧୨ ଘଣ୍ଟିଆ ସୁନ୍ଦରଗଡ ବନ୍ଦ, ଚକ-ଅଖ ସବୁ ଠପ୍
  • ||

ସେପ୍ଟେମ୍ବର ୨୬ରୁ ଆଇପିଏଲ ! ୟୁଏଇରେ ହୋଇପାରେ ଆୟୋଜନ

18/07/2020 at 9:11 AM

ନୂଆଦିଲ୍ଲୀ,୧୮|୦୭: କରୋନା ଭାଇରସ ପାଇଁ ସ୍ଥଗିତ ଥିବା ଆଇପିଏଲ ସେପ୍ଟେମ୍ବରରୁ ଆରମ୍ଭ ହୋଇପାରେ । ସେପ୍ଟେମ୍ବର ୨୬ରୁ ଆଇପିଏଲ ଆରମ୍ଭ ହେବ ବୋଲି କିଛି ଗଣମାଧ୍ୟମରେ ରିପୋର୍ଟ ପ୍ରକାଶ ପାଇଛି ।

ମିଡିଆ ରିପୋର୍ଟସ୍ ଅନୁସାରେ, ବିସିସିଆଇ ଆଇପିଏଲ ଆୟୋଜନ ନେଇ ଖେଳସୂଚୀ ପ୍ରସ୍ତୁତ କରିଛି । ଏହାର ଆୟୋଜନ ଚଳିତ ଥର ଦେଶ ବାହାରେ ହେବ । ରିପୋର୍ଟ ଅନୁସାରେ ୟୁଏଇରେ ଏହା ଖେଳାଯାଇପାରେ । କାରଣ ଭାରତରେ ଲଗାତାର ଭାବେ କରୋନା ମାମଲା ବୃଦ୍ଧି ପାଇବାରେ ଲାଗିଛି । ତେଣୁ ବିସିସିଆଇ ଦେଶ ବାହାରେ ଏହାର ଆୟୋଜନ ନେଇ ନିଷ୍ପତ୍ତି ନେଇଛି ।  

ସୂତ୍ରାନୁସାରେ, ନଭେମ୍ବର ୨୬ରେ ଆଇପିଏଲର ଫାଇନାଲ୍ ମ୍ୟାଚ ଖେଳାଯାଇପାରେ । ଅଗଷ୍ଟ ପ୍ରଥମ ସପ୍ତାହରେ ସମସ୍ତ ଖେଳସୂଚୀ ଜାରି ହୋଇପାରେ । ଏହାସହ ଭାରତୀୟ କ୍ରିକେଟର ୫ ସପ୍ତାହର ଟ୍ରେନିଂ ପାଇଁ ୟୁଏଇ ଯାଇପାରନ୍ତି ।

ପୂର୍ବରୁ ବିସିସିଆଇର ଜଣେ ବରିଷ୍ଠ ଅଧିକାରୀ କହିଥିଲେ ଯେ, ଲିଗ୍‌କୁ ଭାରତରେ ଆୟୋଜିତ କରିବା ନେଇ ଚିନ୍ତା କରାଯାଉଥିଲା । କିନ୍ତୁ କରୋନା ପାଇଁ ଏହାକୁ ଦେଶ ବାହାରେ ଅର୍ଥାତ ଶ୍ରୀଲଙ୍କା କିମ୍ବା ୟୁଏଇରେ ଆୟୋଜିତ କରାଯାଇପାରେ । କାରଣ ଆଉ କିଛି ରାସ୍ତା ନାହିଁ । ଦେଶରେ ଏବେ ଦର୍ଶକଙ୍କୁ ଷ୍ଟାଡିୟମ ମନା ହୋଇଛି । ବିସିସିଆଇ ବିନା ଦର୍ଶକରେ ମ୍ୟାଚ ଆୟୋଜନ ନେଇ ମଧ୍ୟ ବିଚାର କରୁଛି ।

ସେ ଆହୁରି କହିଥିଲେ ଯେ, ଶ୍ରୀଲଙ୍କା କିମ୍ବା ୟୁଏଇରେ ଆଇପିଏଲର ଆୟୋଜନ ନେଇ ଅଧିକ ସମ୍ଭାବନା ରହିଛି । ଏହାକୁ ନେଇ ନିଷ୍ପତ୍ତି ନିଆଯିବ । କରୋନା ସ୍ଥିତିକୁ ମଧ୍ୟ ବିଚାର କରାଯିବ । ଏନେଇ ଅତିଶୀଘ୍ର ନିଷ୍ପତ୍ତି ନିଆଯିବ ବୋଲି ସେ କହିଥିଲେ ।

ତେବେ ସେପ୍ଟେମ୍ବର ୨୬ରେ ଆଇପିଏଲର ଆୟୋଜନ ନେଇ ବିସିସଆଇ ପକ୍ଷରୁ ବିଦ୍ଧିବଦ୍ଧ ଘୋଷଣା କରାଯାଇ ନାହିଁ । ଏନେଇ ଅତିଶୀଘ୍ର ଘୋଷଣା କରାଯିବ ବୋଲି ସୂଚନା ମିଳିଛି  ।  

   Related Posts