Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

ଆଇପିଏଲ ୨୦୨୨: ସର୍ବାଧିକ ୪ ଖେଳାଳିଙ୍କୁ ରିଟେନ୍ କରି ପାରିବେ ଫ୍ରାଞ୍ଚାଇଜି, ଚେନ୍ନାଇ ରଖିବ ଏହି ୪ ଜଣଙ୍କୁ !

22/10/2021 at 4:43 PM

ନୂଆଦିଲ୍ଲୀ ୨୨।୧୦: ଆଗାମୀ ଇଣ୍ଡିଆନ ପ୍ରିମିୟର ଲିଗ୍‌(ଆଇପିଏଲ)୨୦୨୨ ପାଇଁ ଖେଳାଳିଙ୍କ ରିଟେନସନ ପଲିସି ପ୍ରାୟତଃ ସ୍ପଷ୍ଟ ହୋଇ ଯାଇଛି। ଏହାର ଯଥେଷ୍ଟ ସମ୍ଭାବନା ଯେ, ଫ୍ରାଞ୍ଚାଇଜିଙ୍କୁ ସର୍ବାଧିକ ୪ ଖେଳାଳିଙ୍କୁ ରିଟେନ୍ କରିବାର ଅନୁମତି ମିଳିବ। ଏମିତି ହେଲେ ଚାମ୍ପିଅନ ଚେନ୍ନାଇ ସୁପର କିଙ୍ଗ୍ସ ମହେନ୍ଦ୍ର ସିଂହ ଧୋନୀ, ରବୀନ୍ଦ୍ର ଜାଡେଜା, ଋତୁରାଜ ଗାଏକଓ୍ଵାଡ ଓ ଫାଫ ଡୁପ୍ଲେସିସ୍‌ କିମ୍ବା ଡ୍ଵେନ ବ୍ରାଭୋଙ୍କ ମଧ୍ୟରୁ ଜଣଙ୍କୁ ରିଟେନ୍ କରି ପାରିବ।

ଏଥିସହ ଦୁଇ ନୂତନ ଆଇପିଏଲ ଟିମକୁ ନିଲାମ ବ୍ୟତୀତ ୨ କିମ୍ବା ୩ ଖେଳାଳିଙ୍କୁ ଚୟନ କରିବାର ଅନୁମତି ଦିଆଯିବ। ଏଥିରେ ବିଦେଶୀ ଖେଳାଳି ମଧ୍ୟ ସାମିଲ୍ ରହିବେ। ମେଗା ନିଲାମ ପାଇଁ ଆଇପିଏଲ ଦଳଗୁଡିକୁ  ଆରଟିଏସ କାର୍ଡ ମିଳିବାର ସମ୍ଭାବନା ନାହିଁ।

କ୍ରିକବଜ୍‌ର ରିପୋର୍ଟ ଅନୁଯାୟୀ, ୟୁଏଇରେ ସମାପ୍ତ ଆଇପିଏଲର ଶେଷ ପର୍ଯ୍ୟାୟ ସମୟରେ ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡ(ବିସିସିଆଇ) ଓ ଟିମ୍‌ର ପ୍ରତିନିଧି ମଧ୍ୟରେ ଅନୌପଚାରିକ ବୈଠକ ବସିଥିଲା। ଏଥିରେ ଦଳ ଗୁଡିକ ରିଟେସନ ପଲିସି ଉପରେ ସହମତି ବ୍ୟକ୍ତ କରିଥିଲେ।

କ୍ରିକବଜ ନିଜ ରିପୋର୍ଟରେ ସୂଚନା ଦେଇଥିଲା ଯେ, ଦଳଗୁଡିକୁ ସର୍ବାଧିକ ୩ ଭାରତୀୟ ଖେଳାଳି ଏବଂ ଦୁଇ ବିଦେଶୀ ଖେଳାଳିଙ୍କୁ ରଖିବାକୁ ଅନୁମତି ଦିଆଯିବ। ଏହି ପାଞ୍ଚ ଖେଳାଳିଙ୍କ ମଧ୍ୟରୁ ଦଳଗୁଡିକୁ କେବଳ ୪ ଖେଳାଳି ରିଟେନ୍ କରି ପାରିବେ। ଅନକ୍ୟାପ୍‌ଡ ଖେଳାଳିଙ୍କୁ ମଧ୍ୟ ରିଟେନ୍ କରିବାର ସୀମା ରହିପାରେ। ଗୋଟିଏ ଦଳକୁ ଦୁଇରୁ ଅଧିକ ଅନକ୍ୟାପ୍‌ଡ ଖେଳାଳିଙ୍କୁ ରିଟେନ୍  କରିବାର ଅନୁମତି ମିଳିବ ନାହିଁ।

ସୂଚନାଯୋଗ୍ୟ, ଗୋଟିଏ ଫ୍ରାଞ୍ଚାଇଜିଙ୍କୁ ଖେଳାଳି କିଣିବା ପାଇଁ ସର୍ବାଧିକ ୯୦ କୋଟି ଟଙ୍କା ଖର୍ଚ୍ଚ କରିବାର ଅନୁମତି ରହିଛି। ଏଥିରୁ କୌଣସି ଦଳ ଅଧିକ ଖର୍ଚ୍ଚ କରି ପାରିବେ ନାହିଁ। ହେଲେ ଆଇପିଏଲ ୨୦୨୨ରେ ଏହି ଅର୍ଥ ରାଶିକୁ ୯୦ କୋଟିରୁ ବଢାଇ ୯୫ କିମ୍ବା ୧୦୦ କୋଟି କରାଯାଇପାରେ। ଯଦି କୌଣସି ଫ୍ରାଞ୍ଚାଇଜି ଚାରି ଖେଳାଳିଙ୍କ ରିଟେନ୍ କରନ୍ତି ତେବେ ନିଜ ପର୍ସରୁ ପ୍ରାୟ ୪୦ ରୁ ୪୫ ପ୍ରତିଶତ ଖର୍ଚ୍ଚ କରିବାକୁ ପଡିବ।

   Related Posts