Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପିରେ ବଡ ଧରଣର ଦୁର୍ଘଟଣା, ଖେରୀ ଘାଘରା ନଦୀରେ ଓଲଟିଲା ଡଙ୍ଗା, ୧୦୦ ଭାସିଗଲେ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୫୯ କୋଭିଡ୍ ପଜିଟିଭ୍
  • ||
  • ଓ୍ୱାର୍ମ ଅପ୍ ମ୍ୟାଚରେ ମୁହାଁମୁହିଁ ହେବେ ଭାରତ-ଅଷ୍ଟ୍ରେଲିଆ, କଙ୍ଗାରୁ ବାହିନୀକୁ ମାତ୍ ଦେବାକୁ ତୟାର ବିରାଟ ଏଣ୍ଡ କୋ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୪ ହଜାରରୁ ଅଧିକ କରୋନା ପଜିଟିଭ୍, ୧୯୭ ମୃତ
  • ||
  • ଆଜି କୁମାର ପୂର୍ଣ୍ଣିମା : ମା’ ବୃନ୍ଦାବତୀଙ୍କ ନିକଟରେ ଆଞ୍ଜୁଳି ଟେକିଲେ କୁମାରୀ
  • ||
  • ପୁରୀ : ଦାଦାବଟିକୁ କେନ୍ଦ୍ରକରି ମହିଳାଙ୍କୁ ଗୁଳିମାଡ଼, ପୂର୍ବରୁ ମିଳିଥିଲା ଧମକ
  • ||
  • ଜଗତସିଂହପୁର : କେନାଲର ଭାସୁଛି ଏକ ଗଳିତ ମୃତଦେହ, ୩ ଅଭିଯୁକ୍ତ ଅଟକ
  • ||

ଆଇପିଏଲ ୨୦୨୧ : ଆଜି ମୁହାଁମୁହିଁ ହେବେ ଇଣ୍ଡିଆନ୍ସ ଓ କିଙ୍ଗ୍‌ସ, ବ୍ୟାଟିଂକୁ ନେଇ ଚିନ୍ତାରେ ମୁମ୍ବାଇ

23/04/2021 at 8:13 AM

ଚେନ୍ନାଇ,୨୩/୦୪: ଶୁକ୍ରବାର ଆଇପିଏଲ୍‌ର ୧୭ତମ ଲିଗ୍‌ ମ୍ୟାଚ୍‌ରେ ମୁହାଁମୁହିଁ ହେବେ ଡିଫେଣ୍ଡିଂ ଚାମ୍ପିଅନ୍‌ ମୁମ୍ବାଇ ଇଣ୍ଡିଆନ୍ସ ଓ ପଞ୍ଜାବ କିଙ୍ଗ୍‌ସ । ଉଭୟ ଦଳ ନିଜ ନିଜର ଶେଷ ମ୍ୟାଚରେ ପରାଜୟର ସାମ୍ନା କରିଛନ୍ତି । ତେଣୁ ଶୁକ୍ରବାର ଉଭୟ ଦଳ ବିଜୟ ଧାରାକୁ ଫେରିବାକୁ ପ୍ରୟାସ କରିବେ ।

ଡିଫେଣ୍ଡିଂ ଚାମ୍ପିଅନ୍‌ ଦଳ ୨୦ ତାରିଖରେ ଅନୁଷ୍ଠିତ ଏକ ମ୍ୟାଚ୍‌ରେ ଦିଲ୍ଲୀ କ୍ୟାପିଟାଲ୍ସ ଠାରୁ ୬ ୱିକେଟ୍‌ରେ ପରାଜିତ ହୋଇଥିଲା । ବ୍ୟାଟିଂ ବିଫଳତା ଦଳର ପରାଜୟରେ ପ୍ରମୁଖ ଭୂମିକା ଗ୍ରହଣ କରିଥିଲା । ମୁମ୍ବାଇ ୯/୧୩୭ ରନ୍‌ କରିଥିଲେ । ଜବାବରେ ଦିଲ୍ଲୀ କ୍ୟାପିଟାଲ୍ସ ୪ ୱିକେଟ୍‌ ହରାଇ ଆବଶ୍ୟକ ରନ୍‌ ସଂଗ୍ରହ କରିନେଇଥିଲା ।

ପଞ୍ଜାବ କିଙ୍ଗ୍‌ସ ପ୍ରଥମ ମ୍ୟାଚ୍‌ରେ ରାଜସ୍ଥାନ ରୟାଲ୍ସକୁ ହରାଇବା ପରେ କ୍ରମାନ୍ୱୟରେ ୩ଟି ମ୍ୟାଚ୍‌ ପରାଜିତ ହୋଇସାରିଛି । ଫଳରେ ଆଜିର ମ୍ୟାଚ୍‌ ପଞ୍ଜାବ କିଙ୍ଗ୍‌ସ ପାଇଁ ବେଶ୍‌ ଗୁରୁତ୍ୱପୂର୍ଣ୍ଣ । ଶକ୍ତିଶାଳୀ ମୁମ୍ବାଇ ଇଣ୍ଡିଆନ୍ସକୁ ହରାଇବାକୁ ହେଲେ ଦଳକୁ ସବୁ ବିଭାଗରେ ଉନ୍ନତ ପ୍ରଦର୍ଶନ କରିବାକୁ ପଡ଼ିବ । ବିଶେଷ କରି ମଧ୍ୟଭାଗ ବ୍ୟାଟ୍ସମ୍ୟାନମାନେ ଦାୟିତ୍ୱପୂର୍ଣ୍ଣ ବ୍ୟାଟିଂ କରିବା ଜରୁରୀ । ଓପନର ଲୋକେଶ ରାହୁଲ ଓ ମୟଙ୍କ ଅଗ୍ରୱାଲ୍‌ ଫର୍ମରେ ରହିଛନ୍ତି । କ୍ରିସ ଗେଲ, ନିକୋଲାସ୍‌ ପୂରନ, ଦୀପକ ହୁଡ଼ା ଓ ଶାହରୁଖ ଖାନ୍‌ ସଫଳ ହେଲେ ପଞ୍ଜାବ କିଙ୍ଗ୍‌ସର ବିଜୟ ସମ୍ଭବ ହୋଇପାରିବ ।

ଦିଲ୍ଲୀ କ୍ୟାପିଟାଲ୍ସ ଠୁ ହାରିବା ପରେ ମୁମ୍ବାଇ ଇଣ୍ଡିଆନ୍ସର ଦୂର୍ବଳତା ନଜରକୁ ଆସିଛି । ଦଳର ବ୍ୟାଟିଂ ବିଭାଗ ବେଶ୍‌ ସନ୍ତୁଳିତ । ତଥାପି ବ୍ୟାଟ୍ସମ୍ୟାନମାନେ ଦକ୍ଷତା ମୁତାବକ ପ୍ରଦର୍ଶନ କରିନାହାନ୍ତି । କ୍ୱିଣ୍ଟନ ଡି କକ ଓ ରୋହିତ ଶର୍ମା ଏପର୍ଯ୍ୟନ୍ତ ଗୋଟିଏ ହେଲେ ଅର୍ଦ୍ଧଶତକୀୟ ଇନିଂସ ଖେଳି ନାହାନ୍ତି । ସେହିପରି ନିମ୍ନ ମଧ୍ୟଭାଗରେ ହାର୍ଦ୍ଦିକ ପାଣ୍ଡ୍ୟା ଓ କିରେନ୍‌ ପୋଲାର୍ଡ ବିସ୍ଫୋରକ ଇନିଂସ ଖେଳିବାରେ ବିଫଳ ହୋଇଛନ୍ତି । ମୁମ୍ବାଇ ଇଣ୍ଡିଆନ୍ସ ଦଳର ବୋଲିଂ ବିଭାଗ ବେଶ୍‌ ଶୃଙ୍ଖଳିତ ପ୍ରଦର୍ଶନ କରୁଛି । ଜଶପ୍ରୀତ ବୁମରା ଓ ଟ୍ରେଣ୍ଟ ବୋଲ୍ଟ ପେସ୍‌ ବିଭାଗ ସମ୍ଭାଳୁଛନ୍ତି । ଲେଗ ସ୍ପିନର ରାହୁଲ ଚହରଙ୍କ ପ୍ରଦର୍ଶନ ବେଶ୍‌ ପ୍ରଶଂସନୀୟ ରହିଛି । ସେ ଇତି ମଧ୍ୟରେ ୮ଟି ୱିକେଟ୍‌ ଅକ୍ତିଆର କରିସାରିଛନ୍ତି ।

ପଞ୍ଜାବ କିଙ୍ଗ୍‌ସର ବୋଲିଂ ବିଭାଗରେ ସମସ୍ୟା ରହିଛି । ମହମ୍ମଦ ସାମି ବୋଲିଂ ବିଭାଗ ସମ୍ଭାଳୁଥିଲେ ହେଁ ଦଳ ଏପର୍ଯ୍ୟନ୍ତ ଉପଯୁକ୍ତ ବୋଲିଂ ଯୋଡି ପାଇ ନାହିଁ । ରିଲି ମେରେଡିଥ୍‌ ଓ ଝେୟ ରିଚାର୍ଡସନ୍‌ ଭାରତୀୟ ପିଚ୍‌ରେ ବୋଲିଂ କରିବାର କୌଶଳ ପାଇ ନାହାନ୍ତି । ସ୍ପିନ ବିଭାଗରେ ମଧ୍ୟ ବାରମ୍ବାର ଅଦଳ ବଦଳ ହେଉଛି । ତେଣୁ ଆସନ୍ତା କାଲି ମୁମ୍ବାଇ ଇଣ୍ଡିଆନ୍ସକୁ ଭେଟିବା ପୂର୍ବରୁ ପଞ୍ଜାବ କିଙ୍ଗ୍‌ସ ଏକ ଦକ୍ଷ ବୋଲିଂ ବିଭାଗ ପ୍ରସ୍ତୁତ କରିବା ଜରୁରୀ ।

   Related Posts