Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରକୁ ଓଡ଼ିଶା ମାଗିଲା ଅଗଷ୍ଟ ବର୍ଷା-ବନ୍ୟାର ସହାୟତା, ଦାବି କଲା ୧୫୬୯.୫୦ କୋଟି ଟଙ୍କା
  • ||
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୩୩ କରୋନା ସଂକ୍ରମିତ ଚିହ୍ନଟ
  • ||
  • ଟ୍ରକକୁ ପଛ ପଟୁ ପିଟିଲା ଟ୍ରଲର, ୨ ମୃତ
  • ||
  • ଡ଼କାୟତି ଯୋଜନା ପଣ୍ଡ, ବାଇପାସ କଡ଼ରୁ ୬ ଡକାୟତ ଗିରଫ
  • ||

ଆଇପିଏଲ-୨୦୨୦ : ହ୍ୟାଟ୍ରିକ୍ ବିଜୟ ଲକ୍ଷ୍ୟରେ ଦିଲ୍ଲୀ କ୍ୟାପିଟାଲ୍ସ, ହାଇଦ୍ରାବାଦକୁ ଦରକାର ପ୍ରଥମ ବିଜୟ

29/09/2020 at 3:53 PM

ଦୁବାଇ, ୨୯|୦୯:  ଆଇପିଏଲ ୨୦୨୦ର ଏକାଦଶତମ ମ୍ୟାଚରେ ଆଜି ମୁହାଁମୁହିଁ ହେବେ ଦିଲ୍ଲୀ କ୍ୟାପିଟାଲ୍ସ ଓ ସନରାଇଜର୍ସ ହାଇଦ୍ରାବାଦ । ଆବୁଧାବିରେ ଏହି ମ୍ୟାଚ୍ ଭାରତୀୟ ସମୟାନୁସାରେ ସନ୍ଧ୍ୟା ୭ଟା ୩୦ରେ ଖେଳାଯିବ । ଲଗାତର ଦୁଇଟି ବିଜୟ ପରେ ଦିଲ୍ଲୀର ମନୋବଳ ଆକାଶଛୁଆଁ ରହିଛି । ଅନ୍ୟପକ୍ଷେ ହାଇଦ୍ରାବାଦ ପୂର୍ବରୁ ଖେଳିଥିବା ଦୁଇଟି ମ୍ୟାଚରେ ପରାଜୟର ସ୍ୱାଦ ଚାଖିଛି ।

ଡେଭିଡ ଓ୍ୱାର୍ଣ୍ଣରଙ୍କ ନେତୃତ୍ୱରେ ହାଇଦ୍ରାବାଦ ଟୁର୍ଣ୍ଣାମେଣ୍ଟରେ ଗୋଟିଏ ଦଳ ଯିଏ ପ୍ରଥମ ବିଜୟର ଅପେକ୍ଷାରେ ରହିଛି । ଦିଲ୍ଲୀ କ୍ୟାପିଟାଲ୍ସ ପ୍ରଥମ ଦୁଇଟି ମ୍ୟାଚରେ ଚମତ୍କାର ଖେଳ ଦେଖାଇଛି । ଶ୍ରେୟସ ଆୟାଙ୍କ ନେତୃତ୍ୱରେ ଦିଲ୍ଲୀ କିଙ୍ଗସ୍ ଏକାଦଶ ପଞ୍ଜାବକୁ ସୁପର ଓଭରରେ ପରାସ୍ତ କରିବା ପରେ ଚେନ୍ନାଇ ସୁପର କିଙ୍ଗସକୁ ମଧ୍ୟ ମାତ୍ ଦେଇଛି । ଦଳ ଏବେ ତାଲିକାରେ ଶୀର୍ଷରେ ରହିଛି ।

ଆଇପିଏଲର ରେକର୍ଡକୁ ଦେଖିଲେ ସନରାଇଜର୍ସ ହାଇଦ୍ରାବାଦ ଭଲ ସ୍ଥିତିରେ ରହିଛି । ଉଭୟଙ୍କ ମଧ୍ୟରେ ଏବେସୁଦ୍ଧା ୧୫ଟି ମ୍ୟାଚ୍ ଖେଳାଯାଇଛି । ଏହାମଧ୍ୟରୁ ହାଇଦ୍ରାବାଦ ୯ ଓ ଦିଲ୍ଲୀ ୬ଟି ମ୍ୟାଚ୍ ଜିତିଛି ।

ସନରାଇଜର୍ସ ଆଜିର ମ୍ୟାଚ୍ ଜିତି ଟୁର୍ଣ୍ଣାମେଣ୍ଟରେ ନିଜ ସ୍ଥିତି ଜାହିର କରିବାକୁ ପ୍ରୟାସ କରିବ । ଟୁର୍ଣ୍ଣାମେଣ୍ଟର ପ୍ରଥମ ମୁକାବିଲାରେ ଜନୀ ବେୟରୋଷ୍ଟୋ ଓ ମନୀଷ ପାଣ୍ଡେଙ୍କ ଆକର୍ଷଣୀୟ ଇନିଂସ ପରେ ମଧ୍ୟ ଦଳ ୧୬୪ ରନ୍‌ର ଟାର୍ଗେଟ୍ ହାସଲ କରିପାରି ନଥିଲା । ଏହାସହ ଦଳ କୋତକାତା ବିପକ୍ଷରେ ମଧ୍ୟ ବଡ ସ୍କୋର କରିବାରେ ବିଫଳ ହୋଇଥିଲା । ଏହି ମ୍ୟାଚରେ ରିଦ୍ଧିମାନ ଶାହଙ୍କ ବ୍ୟାଟିଂକୁ ଅନେକ ସମାଲୋଚନା କରିଥିଲେ । ତେବେ ଆଜିର ମ୍ୟାଚରେ ହାଇଦ୍ରାବାଦ ରଣନୀତି ପରିବର୍ତ୍ତନ ସହ ମଇଦାନକୁ ଓହ୍ଲାଇବ ବୋଲି କୁହାଯାଉଛି ।

   Related Posts