Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁଶିଲ ମୋଦି ରାଜ୍ୟସଭା ପ୍ରାର୍ଥୀ, ରାମବିଳାସ ପାଶଓ୍ବାନଙ୍କ ସ୍ଥାନରେ ଟିକେଟ୍‌ ଦେଲା ବିଜେପି
  • ||
  • ଡିସେମ୍ବର ୧ରୁ ଖୋଲିବ ରାଜ୍ୟର ସମସ୍ତ ମେଡିକାଲ୍‌ କଲେଜ୍‌, କରୋନା ଗାଇଡ୍‌ଲାଇନ୍‌ ସହ ଏସ୍‌ଓପି ପାଳନ ବାଧ୍ୟତାମୂଳକ
  • ||
  • ବାଜିରାଉତ ବ୍ରିଜ୍‌ ଉପରେ ବସ୍‌ ଉପରକୁ ଗୁଳିମାଡ଼, ଦୁଇ ଯୁବକ ଏବଂ ଜଣେ ଯୁବତୀ ଫେରାର
  • ||
  • ଘୋଷଣା ହେଲା ଧର୍ମପଦ ସମ୍ମାନ, ୨୦୧୬ ରୁ ୨୦ ବର୍ଷ ପାଇଁ ୫ ଜଣଙ୍କୁ ଧର୍ମପଦ ସମ୍ମାନ, ୨୫ ଜଣ ଶିଳ୍ପୀ ହେବେ ସମ୍ବର୍ଦ୍ଧିତ
  • ||
  • ପାଠକ ବାପ-ପୁଅ ଗିରଫ, କୁବେର ଜଙ୍ଗଲ ଅଫିସରଙ୍କ ଅମାପ ସଂପତ୍ତି ଠାବ କରିଛି ଭିଜିଲାନ୍ସ
  • ||
  • ଭୁବନେଶ୍ବର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ୧୭୧୮ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ୫୯୪ କରୋନା ସଂକ୍ରମିତ, ୩୧୭୨୩୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍, ଦଳରେ ସାମିଲ ହେଲେ ଦ୍ରୁତ ବୋଲର ଟି. ନଟରାଜନ
  • ||
  • ଭୁବନେଶ୍ବର : ଦଶମ ଶ୍ରେଣୀ ଛାତ୍ରୀ କଲେ ଆତ୍ମହତ୍ୟା ! ବେକରେ ରଶି ଲଗାଇ ପଙ୍ଖାରେ ଝୁଲି ପଡିଲେ, କାରଣ ଅସ୍ପଷ୍ଟ
  • ||
  • ରାଜକୋଟ : କୋଭିଡ୍ ହସ୍ପିଟାଲରେ ଲାଗିଲା ନିଆଁ, ୬ କରୋନା ସଂକ୍ରମିତଙ୍କ ମୃତ୍ୟୁ
  • ||

IPL2020: ଦମ୍ଭ ଦେଖାଇଲେ ଦୀପକ ହୁଡ୍ଡା, ‘କର ବା ମର’ ମୁକାବିଲାରେ ଚେନ୍ନାଇ ସମ୍ମୁଖରେ ୧୫୪ ରନର ବିଜୟ ଲକ୍ଷ୍ୟ ରଖିଲା ପଞ୍ଜାବ

1/11/2020 at 5:18 PM

ଆବୁଧାବି ୦୧।୧୧:  ଆଜି ଖେଳାଯାଇଥିବା ଆଇପିଏଲର ଏକ ଗୁରୁତ୍ଵପୂର୍ଣ୍ଣ ମୁକାବିଲାରେ କିଙ୍ଗ୍ସ ଏକାଦଶ ପଞ୍ଜାବ ନିଜର ଶେଷ ମ୍ୟାଚ୍‌ରେ ବଡ ସ୍କୋର କରିବାରେ ବିଫଳ ହୋଇଛି। ଦଳ କର ବା ମର ମୁକାବିଲାରେ ଚେନ୍ନାଇ ସୁପରକିଙ୍ଗ୍ସ ସମ୍ମୁଖରେ ୧୫୪ ରନର ବିଜୟ ଲକ୍ଷ୍ୟ ରଖିଛି। ଦୀପକ ହୁଡ୍ଡା ଅପରାଜିତ ୬୨ ରନର ବିସ୍ଫୋରକ ଇନିଂସ ବଳରେ ପଞ୍ଜାବ ନିର୍ଦ୍ଧାରିତ ଓଭରରେ ୬ ଓ୍ଵିକେଟ୍ ହରାଇ ପଞ୍ଜାବ ୧୫୩ ରନ କରିଛି। ଏହି ମ୍ୟାଚ୍ ଜିତିଲେ ହିଁ ଦଳର ପ୍ଲେଅଫ ଆଶା ଉଜ୍ଜୀବିତ ରହିବ। ଅନ୍ୟପଟେ ଚେନ୍ନାଇ ବିଜୟ ସହ ଚଳିତ ସଂସ୍କରଣରୁ ବିଦାୟ ନେବାକୁ ଚେଷ୍ଟା କରିବ।

ଟସ୍ ହାରି ପ୍ରଥମେ ବ୍ୟାଟିଂ କରିଥିବା ପଞ୍ଜାବର ଦୁଇ ଓପନର ଅଧିନାୟକ ଲୋକେଶ ରାହୁଲ ଓ ମୟଙ୍କ ଅଗ୍ରଓ୍ଵାଲ ଦଳକୁ ଭଲ ଆରମ୍ଭ ଦେଇଥିଲେ। ଦୁଇ ଓପନର ଦ୍ରୁତ ବ୍ୟାଟିଂ କରି ୫.୨ ଓଭରରେ ୪୮ ରନ ଯୋଡିଥିଲେ। ଏହି ସ୍କୋରରେ ମୟଙ୍କ ଅଗ୍ରଓ୍ଵାଲ ୧୫ ବଲରୁ ୫ ଚୌକା ସହ ୨୬ ରନ କରି ଆଉଟ୍ ହୋଇଥିଲେ। ପରେ ଦଳ ତୁରନ୍ତ ଦୁଇଟି ଓ୍ଵିକେଟ୍ ହରାଇଥିଲା। ୬୨ ରନ ସ୍କୋରରେ କେଏଲ ରାହୁଲ ଆଉଟ୍ ହେବା ଦଳକୁ ବଡ ଝଟକା ଲାଗିଥିଲା। ରାହୁଲ ୨୭ ବଲରୁ ୩ ଚୌକା ଓ ୧ ଛକା ସହ ୨୯ ରନ କରି ବିଦାୟ ନେଇଥିଲେ। ୬୮ ରନ ସ୍କୋରରେ ନିକୋଲାସ ପୂରନ ୨ ରନ କରି ବିଦାୟ ନେଇଥିଲେ।

ହେଲେ ଦମଦାର ଫର୍ମରେ ଥିବା କ୍ରିସ୍ ଗେଲ୍‌ଙ୍କଠୁ ଦଳ ବଡ ପାଳି ଆଶା ରଖିଥିଲା। ଗେଲ୍ ଅଧିକ ସମୟ କ୍ରିଜରେ ତିଷ୍ଠି ପାରିନଥିଲେ। ୧୨ ରନ କରି ଇମ୍ରାନଙ୍କ ଶିକାର ହୋଇଥିଲେ। ୭୨ ରନରେ ୪ ଓ୍ଵିକେଟ୍ ହରାଇବା ପରେ ମନଦୀପ ସିଂହ ଓ ଦୀପକ ହୁଡ୍ଡା ପଞ୍ଚମ ଓ୍ଵିକେଟ୍‌ରେ ୩୬ ରନ ଯୋଡି ଦଳର ସ୍କୋରକୁ ୧୦୮ରେ ପହଞ୍ଚାଇଥିଲେ। ମନଦୀପ ସିଂହ ୧୪  ରନ କରି ପାଭିଲିୟନ ଫେରିଥିଲେ। ଶେଷ ଆଡକୁ ଦୀପକ ହୁଡ୍ଡା ଦଳର ବ୍ୟାଟିଂ ସମ୍ଭାଳିଥିଲେ। ସେ ୨୬ ବଲରୁ ଦମଦାର ଅର୍ଦ୍ଧଶତକ ହାସଲ କରିଥିଲେ। ହୁଡା ୩୦ ବଲରୁ ୩ ଚୌକା ଓ ୪ ଛକା ସହ ୬୨ ରନର ଅପରାଜିତ ପାଳି ଖେଳିଛନ୍ତି। ତାଙ୍କର ଇନିଂସ ବଳରେ ପଞ୍ଜାବ ନିର୍ଦ୍ଧାରିତ ଓଭରରେ ୬ ଓ୍ଵିକେଟ୍  ହରାଇ ୧୫୩ ରନ କରିଛି।

ଚେନ୍ନାଇ ତରଫରୁ ଲୁଙ୍ଗି ଏନଗିଡି ୪ ସଫଳତା ପାଇଥିଲେ। ଶାର୍ଦ୍ଦୁଳ ଠାକୁର, ଇମ୍ରାନ ତାହିର ଓ ରବିନ୍ଦ୍ର ଜାଡେଜା ପ୍ରତ୍ୟେକ ଗୋଟିଏ ଲେଖାଏଁ ଓ୍ଵିକେଟ୍ ନେଇଥିଲେ।

   Related Posts