Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ଆଇପିଏଲ-୨୦୨୦ : ଟସ୍ ଜିତିଲା ପଞ୍ଜାବ, ପ୍ରଥମେ ବ୍ୟାଟିଂ କରିବ ମୁମ୍ବାଇ

1/10/2020 at 7:02 PM

ଦୁବାଇ, ୦୧ ।୧୦: ଆଇପିଏଲ-୨୦୨୦ରେ ଗୁରୁବାର ମୁହାଁମୁହିଁ ହେବେ ମୁମ୍ବାଇ ଇଣ୍ଡିଆନ୍ସ ଓ କିଙ୍ଗସ୍ ଏକାଦଶ ପଞ୍ଜାବ । ତେବେ ଆଜିର ମ୍ୟାଚରେ ରାଜସ୍ଥାନ ଟସ୍ ଜିତି ବୋଲିଂ ନିଷ୍ପତ୍ତି ନେଇଛି । ଦଳର ଅଧିନାୟକ କେଏଲ ରାହୁଲ ଟସ୍ ଜିତି ମୁମ୍ବାଇକୁ ପ୍ରଥମେ ବ୍ୟାଟିଂ ପାଇଁ ଆମନ୍ତ୍ରଣ କରିଛନ୍ତି ।

ଗତ ମ୍ୟାଚରେ ଉଭୟ ମୁମ୍ବାଇ ଇଣ୍ଡିଆନ୍ସ ଓ କିଙ୍ଗସ୍ ଏକାଦଶ ପଞ୍ଜାବ ଭଲ ପ୍ରଦର୍ଶନ ସତ୍ୱେ ମ୍ୟାଚ୍ ହାରିଥିଲେ । ଗୁରୁବାର ଉଭୟ ଦଳ ଆଇପିଏଲ-୨୦୨୦ରେ ମୁହାଁମୁହିଁ ହେବେ । ଉଭୟ ଦଳ ପୂର୍ବରୁ କରିଥିବା ଛୋଟଛୋଟ ତ୍ରୁଟି ସୁଧାରିବାକୁ ପ୍ରୟାସ କରିବେ । କିଙ୍ଗସ୍ ଏକାଦଶ ପଞ୍ଜାବ ରବିବାର ରାଜସ୍ଥାନ ରୟାଲ୍ସକୁ ୨୨୪ ରନ୍‌ର ଟାର୍ଗେଟ୍ ଦେଇଥିଲା । ବିଶାଳ ସ୍କୋର ସତ୍ୱେ ପଞ୍ଜାବ ହାରିଯାଇଥିଲା । ସେହିପରି ମୁମ୍ବାଇ ଇଣ୍ଡିଆନ୍ସ କିରନ ପୋଲାର୍ଡ ଓ ଇଶାନ କିଷାନଙ୍କ ବିସ୍ଫୋରକ ଇନିଂସ ବଳରେ ବାଙ୍ଗାଲୋର ବିପକ୍ଷରେ ୨୦୨ ରନ୍‌ର ଲକ୍ଷ୍ୟ ହାସଲ କରିବାକୁ ପ୍ରୟାସ କରିଥିଲେ । ଏହି ମ୍ୟାଚ୍ ସୁପର ଓଭର ଯାଏଁ ଯାଇଥିଲା । ତେବେ ସୁପର ଓଭରରେ ମମ୍ବାଇ ପରାସ୍ତ ହୋଇଥିଲା ।

ତେବେ ସବୁଠାରୁ ବଡ କଥା ହେଲା ଯେ ଉଭୟ ଦଳର ପ୍ରାୟ ସମସ୍ତ ବ୍ୟାଟସମ୍ୟାନ ଭଲ ଫର୍ମରେ ଅଛନ୍ତି । ତେବେ ପଞ୍ଜାବର ବୋଲରମାନେ ଏବେସୁଦ୍ଧା ଲୟକୁ ଫେରି ନାହାଁନ୍ତି । ସେଲ୍ଡନ କାଟରଲଙ୍କ ଗୋଟିଏ ଓଭରରେ ରାହୁଲ ତାଓ୍ୱତିଆ ୫ଟି ଛକା ଲଗାଇବା ସହ ପଞ୍ଜାବ ହାତରୁ ମ୍ୟାଚ୍ ଛଡାଇ ନେଇଥିଲେ । ଏପରିକି ଭଲ ଫର୍ମରେ ଥିବା ମହମ୍ମଦ ଶାମି ମଧ୍ୟ ୫୩ ରନ୍ ବ୍ୟୟ କରିଥିଲେ । ତେବେ ସେ ତିନୋଟି ଓ୍ୱିକେଟ୍ ନେଇଥିଲେ । ରେଗ ସ୍ପିନର ରବି ବିଶ୍ରାଇଙ୍କ ବ୍ୟତୀତ ଅନ୍ୟ କୌଣସି ବୋଲର ଗତ ମ୍ୟାଚରେ ଭଲ ପ୍ରଦର୍ଶନ କରିନଥିଲେ ।

ତେବେ ପଞ୍ଜାବର ଶକ୍ତି ହେଉଛନ୍ତି ବ୍ୟାଟସମ୍ୟାନ୍ । ଦଳର ସବୁ ବ୍ୟାଟସମ୍ୟାନ୍ ଭଲ ଫର୍ମରେ ଅଛନ୍ତି । ଓପନିଂ ଓ ମିଡିଲ ଅର୍ଡର ଦଳର ଶକ୍ତିଶାଳୀ ରହିଛି । ସେହିପରି ମୁମ୍ବାଇର ମଧ୍ୟ ବ୍ୟାଟିଂ ଭଲ ରହିଛି । ଦଳର ଓପନର ଫେଲ୍ ହେଲେ ବି ଅନ୍ୟ ବ୍ୟାଟସମ୍ୟାନମାନେ ସ୍କୋରକୁ ଆଗକୁ ବଢାଉଛନ୍ତି । ତେବେ ଆଜିର ମ୍ୟାଚରେ ଉଭୟ ଦଳର ବ୍ୟାଟିଂ ମଧ୍ୟରେ ମୁକାବିଲା ହେବ ବୋଲି କ୍ରିକେଟ ସମୀକ୍ଷକମାନେ କହୁଛନ୍ତି ।

   Related Posts