Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ୟାଟସମ୍ୟାନଙ୍କ ପରେ ବିଫଳ ହେଲେ ଆରସିବି ବୋଲର, ‘କର ବା ମର’ ମ୍ୟାଚରେ ୫ ଓ୍ୱିକେଟରେ ଜିତିଲା ହାଇଦ୍ରାବାଦ
  • ||
  • ଗହଣା ଦୋକାନରୁ ଚୋରି, ଛାତ କଣା କରି ଲୁଟିନେଲେ ୨ କିଲୋର ସୁନା ଅଳଙ୍କାର
  • ||
  • ସାରୁଅ ଜମି କେଳେଙ୍କାରୀ : ଓଡିଶା ଇନଫ୍ରାଟେକ୍‌ର ଦୁଇ କର୍ମଚାରୀ ଗିରଫ, ଶ୍ରମିକଙ୍କୁ ଧମକ ଅଭିଯୋଗରେ ବାନ୍ଧିଲା ବାଘମାରୀ ପୋଲିସ
  • ||
  • IPL 2020: ବୁମରା ଓ ବୋଲ୍ଟଙ୍କ ଶାଣିତ ବୋଲିଂ ପରେ ଇଶାନଙ୍କ ଅର୍ଦ୍ଧଶତକ, ୯ ଓ୍ଵିକେଟ୍‌ରେ ଜିତିଲା ମୁମ୍ବାଇ ଇଣ୍ଡିଆନ୍ସ, ଦିଲ୍ଲୀର କ୍ରମାଗତ ଚତୁର୍ଥ ପରାଜୟ
  • ||
  • ଭୁବନେଶ୍ୱର : ଆସିଲା ଅନଲକ୍ ୬.୦ ଗାଇଡ଼ଲାଇନ୍‌
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ଭୁବନେଶ୍ୱର : ରାଜ୍ୟରେ ୧୪୭୦ କରୋନା ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ୧୬ତାରିଖରେ ଖୋଲିବ ସ୍କୁଲ, ନବମରୁ ଦ୍ୱାଦଶ ଶ୍ରେଣୀ ଯାଏଁ ପିଲା ପଢିବାକୁ ଆସିବେ
  • ||
  • ଝରକା ତାଡ଼ି ବ୍ୟାଙ୍କରୁ ଲୁଟ୍ ! ପୋଲିସର ତଦନ୍ତ ଜାରି
  • ||
  • ଭୟଙ୍କର ଭୂକମ୍ପରେ ଥରିଲା ତୁର୍କୀ ଓ ଗ୍ରୀସ : ମୃତ୍ୟୁ ସଂଖ୍ୟା ୧୭କୁ ବୃଦ୍ଧି, ୭ ଶହରୁ ଅଧିକ ଆହତ
  • ||

ଆଇପିଏଲ-୨୦୨୦ : ଟସ୍ ଜିତିଲା ଚେନ୍ନାଇ, ପ୍ରଥମେ କରିବ ବ୍ୟାଟିଂ

13/10/2020 at 7:02 PM

ଦୁବାଇ, ୧୩ ।୧୦:  ଆଇପିଏଲ୍‌ ୨୦୨୦ରେ ଆଜି ଚେନ୍ନାଇ ସୁପରକିଙ୍ଗସ୍‌ ଓ ସନରାଇଜର୍ସ ହାଇଦ୍ରାବାଦ୍‌ ମଧ୍ୟରେ ହେବ ମୁକାବିଲା । ତେବେ ମ୍ୟାଚ୍ ପୂର୍ବରୁ ଟସ୍ ଜିତିଛି ଚେନ୍ନାଇ ସୁପର କିଙ୍ଗସ୍ । ଦଳର ଅଧିନାୟକ ମହେନ୍ଦ୍ର ସିଂ ଧୋନୀ ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଛନ୍ତି । ଅର୍ଥାତ ପ୍ରଥମେ ଫିଲ୍ଡିଂ କରିବ ହାଇଦ୍ରାବାଦ ।

ଉଭୟ ଟିମ୍‌ ପାଇଁ ଆଜିର ମ୍ୟାଚ୍‌ ଜିତିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଆଜିର ମ୍ୟାଚ୍‌ରେ ଯଦି ହାଇଦ୍ରାବାଦ ବିଜୟୀ ହୁଏ, ତେବେ ଶ୍ରେଷ୍ଠ ୪ଟିମ୍‌ଙ୍କ ମଧ୍ୟରେ ପହଞ୍ଚିବ । ସେପଟେ ଯଦି ଚେନ୍ନାଇ ଆଜିର ମ୍ୟାଚ୍ ବିଜୟୀ ହୁଏ, ତେବେ ପ୍ଲେ-ଅପ୍‌ରେ ନିଜର ସ୍ଥାନ ବଜାୟ ରଖିପାରିବ । ଆଉ ଯଦି ଆଜିର ମ୍ୟାଚ୍‌ରେ ପରାଜୟ ବରଣ କରେ, ତେବେ ଟୁର୍ଣ୍ଣାମେଣ୍ଟର ପ୍ଲେ-ଅପ୍‌ ଦୌଡ଼ରୁ ବାଦ୍‌ ପଡିଯିବାର ସମ୍ଭାବନା ମଧ୍ୟ ରହିଛି ।

ଚଳିତ ସିଜନରେ ସୁପର କିଙ୍ଗ୍‌ସର ପ୍ରଦର୍ଶନ ନୈରାଶ୍ୟଜନକ ରହିଛି । ବ୍ୟାଟିଂ ବିଭାଗର ଦୁର୍ବଳ ପ୍ରଦର୍ଶନ ଦଳ ବିଫଳତାର କାରଣ ହୋଇଛି। ଶେଷ ୨ଟି ମୁକାବିଲାରେ କୋଲକାତା ନାଇଟ୍‌ ରାଇଡର୍ସ (୧୦ରନ୍‌ରେ) ଏବଂ ରୟାଲ୍‌ ଚ୍ୟାଲେଞ୍ଜର୍ସ ବାଙ୍ଗାଲୋର (୩୭ରନ୍‌ରେ) ନିକଟରୁ ହାରିଯାଇଥିଲା। ବ୍ୟାଟିଂ ବିଭାଗ ମୁଖ୍ୟ ସମସ୍ୟା ଭାବେ ଉଭା ହୋଇଛି। କୌଣସି ବ୍ୟାଟ୍‌ସମ୍ୟାନ୍‌ ନିୟମିତ ଭାବେ ଭଲ୍‌ ପ୍ରଦର୍ଶନ ଦେଇ ପାରିନାହାନ୍ତି । ଦଳ ଯୁବ ଖେଳାଳିଙ୍କୁ ସୁଯୋଗ ଦେବା ପରିବର୍ତ୍ତେ ଭେଟେରାନଙ୍କୁ ନେଇ ଖେଳୁଛି । ପୂର୍ବ ମ୍ୟାଚ୍‌ରେ ଯୁବ ବ୍ୟାଟ୍ସମ୍ୟାନ୍‌ ଏନ୍‌ ଜଗଦୀଶନଙ୍କୁ ସୁଯୋଗ ମିଳିଥିଲା । ସେ ୩୩ରନ୍‌ କରିଥିଲେ । ବୋଲିଂ ବିଭାଗରେ ଦଳ ଅପେକ୍ଷାକୃତ ଭଲ ପ୍ରଦର୍ଶନ କରିଛି । ତେବେ ଆଜିର ମ୍ୟାଚ୍‌ରେ ଦୁଇ ଓପନର ସେନ୍‌ ୱାଟସନ୍‌ ଓ ଫାଫ୍‌ ଡୁ’ପ୍ଲେସିଙ୍କ ଉପରେ ସମସ୍ତଙ୍କ ନଜର ରହିବ ।

ସେହିପରି ସନ୍‌ରାଇଜର୍ସ ଦଳ ପୂର୍ବ ମ୍ୟାଚ୍‌ରେ ରାଜସ୍ଥାନ ରୟାଲ୍ସଠୁ ୫ ୱିକେଟ୍‌ରେ ପରାଜିତ ହୋଇଥିଲା । ଦଳ ବିଜୟଧାରାକୁ ଫେରିବା ଲକ୍ଷ୍ୟରେ ରହିଛି । ସୁପର କିଙ୍ଗ୍‌ସ ବିପକ୍ଷ ବିଜୟରେ ହୀରୋ ସାଜିଥିବା ଦୁଇ ଯୁବ ବ୍ୟାଟ୍ସମ୍ୟାନ୍‌ ପ୍ରିୟମ ଗର୍ଗ (ଅପରାଜିତ ୫୧) ଓ ଅଭିଷେକ ଶର୍ମା (୩୧)ଙ୍କ ଉପରେ ସମସ୍ତଙ୍କ ନଜର ରହିବ । ଅଧିନାୟକ ଡେଭିଡ୍‌ ୱାର୍ଣ୍ଣର ଓ ମନୀଷ ପାଣ୍ଡେ ଫର୍ମକୁ ଫେରିଛନ୍ତି । ସେହିପରି ଜନି ବେୟାରଷ୍ଟୋ ଓ କେନ୍‌ ୱିଲାମସନ୍‌ ମଧ୍ୟ ଭଲ ପ୍ରଦର୍ଶନ କରୁଛନ୍ତି । ବୋଲିଂ ବିଭାଗ ମଧ୍ୟ ଦୃଢ଼ ରହିଛି । ସ୍ପିନର ରସିଦ୍‌ ଖାନ୍‌, ପେସ୍‌ ବୋଲର ଖଲିଲ ଅହମ୍ମଦ ଓ ଟି. ନଟରାଜନ ପ୍ରଭାବୀ ସାବ୍ୟସ୍ତ ହୋଇଛନ୍ତି ।

   Related Posts