Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୫୭୩ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୮୦ ଡିସଚାର୍ଜ
  • ||
  • ଡ୍ରଗ୍ସ ଲିଙ୍କ୍ ମାମଲାରେ NCBରେ ହାଜର ହେଲେ ଅନନ୍ୟା ପାଣ୍ଡେ, ଆର୍ଯ୍ୟନ ସହ ହ୍ବାଟସଆପ୍‌ ଚାଟ୍‌କୁ ନେଇ ମାରାଥନ୍‌ ଜେରା
  • ||
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

ନାକ ଓ ପାଟିକୁ ଆୟୋଡିନରେ ସଫା କଲେ ୧୫ ସେକେଣ୍ଡରେ ଦୂର ହୋଇପାରେ କରୋନା ଭାଇରସ, ବୈଜ୍ଞାନିକଙ୍କ ଦାବି

20/09/2020 at 11:09 AM

ନୂଆଦିଲ୍ଲୀ ୨୦/୦୯: କରୋନା ଭାକସିନ ଦିଗରେ ବିଭିନ୍ନ ବୈଜ୍ଞାନିକ କାମ ଚଳାଇଛନ୍ତି। ଏହି କ୍ରମରେ ଆମେରିକୀୟ ବୈଜ୍ଞାନିକମାନେ ଆୟୋଡିନରେ କରୋନା ଭାଇରସକୁ ୧୫ ସେକେଣ୍ଡରେ ଦୂର କରିବା ଦାବି କରିଛନ୍ତି। ଏହି ଗବେଷଣା jama otolaryngology-head and neck surgeryରେ ପ୍ରକାଶ ପାଇଛି। ଗବେଷଣାରେ ଦାବି କରାଯାଇଛି ଯେ ନାକ ଓ ପାଟିକୁ ଆୟୋଡିନରେ ସଫା କରାଗଲେ କରୋନା ରୋକି ହେବ। ଏମିତି କରିବା ଦ୍ବାରା ଏହା ଫୁସଫୁସକୁ କ୍ଷତି ପହଞ୍ଚାଇବ ନାହିଁ।

ବୈଜ୍ଞାନିକମାନେ ଗବେଷଣାରେ କହିଛନ୍ତି କରୋନା ଭାଇରସକୁ ଯେତେବେଳେ ୦.୫ ପ୍ରତିଶତ କନଷ୍ଟେ୍ରସନ ଯୁକ୍ତ ଆୟୋଡିନ୍ ସଲ୍ୟୁସନରେ ରଖାଗଲା ତାହା ୧୫ ସେକେଣ୍ଡ ମଧ୍ୟରେ ନଷ୍ଟ ହୋଇଗଲା। ଏହାକୁ ଆହୁରି ସ୍ପଷ୍ଟ ରୂପେ ବୁଝାଇବାକୁ ଯାଇ କହିଛନ୍ତି ଯେ ଆୟୋଡିନର ତିନିଟି ଆଣ୍ଟିସେପଟିକ୍ ସଲ୍ୟୁସନ ତିଆରି କରାଗଲା। ଯେଉଁଥିରେ ଆୟୋଡିନ୍ ମାତ୍ରା ୦.୫ ପ୍ରତିଶତ, ୧.୨୫ ପ୍ରତିଶତ ଓ ୧.୫ ପ୍ରତିଶତ ରଖାଗଲା। ଯେତେବେଳେ ବୈଜ୍ଞାନିକମାନେ ତିନିଟି ଆଣ୍ଟିସେପ୍ଟିକ ସଲ୍ୟୁସନ ଆୟୋଡିନରେ କରୋନା ଭାଇରସକୁ ରଖିଲେ ଦେଖାଗଲା ୦.୫ ପ୍ରତିଶତରେ କରୋନା ନଷ୍ଟ ହୋଇଛି।

ସେମାନେ ଏ ପରୀକ୍ଷା ଇଥାନଲ ଆଲକୋହଲ ସହ ବି କରିଛନ୍ତି ଯାହାର ଫଳ ସକାରାତ୍ମକ ବୋଲି କହିଛନ୍ତି। ପରୀକ୍ଷାରେ ଇଥାନଲ କରୋନାକୁ ପୂରା ନଷ୍ଟ କରିବାରେ ସଫଳ ପ୍ରମାଣିତ ହୋଇଛି। ସେମାନଙ୍କ ମତରେ ଆୟୋଡିନରେ ନାକ ଓ ପାଟିକୁ ସଫା କରି ଭାଇରସକୁ ରୋକି ହେବ। ଏହା ଦ୍ବାରା ଶରୀରର ଅନ୍ୟ ଅଂଶକୁ ଭାଇରସ ପ୍ରବେଶ କରିପାରିବ ନାହିଁ। ଏହା ସହ ଭାଇରସ ଫୁସଫୁସ ପର୍ଯ୍ୟନ୍ତ ମଧ୍ୟ ପହଞ୍ଚିପାରିବ ନାହିଁ। ଏହା ଦ୍ବାରା ରୋଗୀଙ୍କ ଅବସ୍ଥା ସ୍ଥିର ହେବା ସହ ମୃତ୍ୟୁ ଆଶଙ୍କା କମିବ।

ଅଧିକାଂଶ ମାମଲାରେ ଦେଖାଯାଇଛି ଯେ ଭାଇରସ୍ ନାକ ଦ୍ବାରା ପ୍ରବେଶ କରୁଛି। ନାକରେ ସବୁଠୁ ଅଧିକ ACE2 ରିସେପର୍ସ ଥାଏ ଯାହା କରୋନା ସଂକ୍ରମଣ ବ୍ୟାପିବାରେ ସାହାଯ୍ୟ କରେ। ଏହା ବ୍ୟତୀତ ପାଟିରେ ଭାଇରସର ଏଣ୍ଟ୍ରି ହୋଇଥାଏ ସେଥିପାଇଁ କ୍ଲିନିକାଲ ଟ୍ରାଏଲରେ ନାକ ଓ ପାଟି ପରିଷ୍କାର ଉପରେ ଧ୍ୟାନ ଦିଆଯାଏ।

ଗବେଷକମାନେ କହିଛନ୍ତି ଡାକ୍ତର ରୋଗୀଙ୍କୁ ଆୟୋଡିନ ସଲ୍ୟୁସନରେ ନାକକୁ ସଫା କରିବାର ଠିକ ତରିକା କହିପାରିବେ। ତେବେ ଏହା କେବଳ ମେଡିକାଲ ଟିମ୍ ତତ୍ବାବଧାନରେ ହେବା ଦରକାର। ଏମିତି କରାଯିବା ଦ୍ବାରା ପାଟି ତଥା ନାକରୁ ବାହାରୁଥିବା କରୋନାର ଡ୍ରପଲେଟ ଜରିଆରେ ସଂକ୍ରମଣକୁ କିଛି ମାତ୍ରାରେ ରୋକାଯାଇପାରିବ।

   Related Posts