Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଚିହ୍ନଟ ହେଲେ ଆଉ ୭୦ କୋଭିଡ୍ ପଜିଟିଭ୍, ୩୩୭୭୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ନୂଆପଡ଼ା : ହଳଦି ଗାଁରେ ପୁଣି ଥରେ ବାଘ ଆତଙ୍କ, ଭୟରେ ଗ୍ରାମବାସୀ
  • ||
  • ପାକିସ୍ତାନରେ ହିନ୍ଦୁ ପରିବାରର ୫ ସଦସ୍ୟଙ୍କୁ ହତ୍ୟା ! ସନ୍ଦେହଜନକ ଅବସ୍ଥାରେ ମିଳିଲା ମୃତଦେହ
  • ||
  • ମୋହନା : ଅନ୍ଧବିଶ୍ୱାସର ଭୟଙ୍କର ରୂପ, ସୁସ୍ଥ ରହିବା ପାଇଁ ଏବେବି ଶିଶୁଙ୍କୁ ଦିଆଯାଉଛି ଚେଙ୍କ
  • ||
  • ଭିସୁଟର ୪୦ ଛାତ୍ର କୋଭିଡ୍ ପଜିଟିଭ୍ ମାମଲା : କମ୍ପାନୀର ଦାବି-‘ଆଣ୍ଟିଜେନ୍ କିଟରେ ତ୍ରୁଟି ନଥିଲା’
  • ||
  • ସୋନପୁର : ପଡୋଶୀଙ୍କ ସହ କଥା କଟାକଟିରୁ ଫୁଟିଲା ଗୁଳି, ଜଣେ ମୃତ
  • ||
  • ଚଣ୍ଡିଖୋଲ : ଗୋଷ୍ଠୀ ସଂଘର୍ଷର ସମାଧାନ ପାଇଁ ଯାଇଥିବା ପୋଲିସକୁ ବାନ୍ଧିଲେ ଏବଂ ୨ଟି ଜିପ୍ ଜାଳିଦେଲେ ଉତ୍ତ୍ୟକ୍ତ ଲୋକେ
  • ||

ଚାଷୀ ଆନ୍ଦୋଳନ : ଦିଲ୍ଲୀର ଗୁରୁତ୍ବପୂର୍ଣ୍ଣ ସ୍ଥାନମାନଙ୍କରେ ମେଟ୍ରୋ ବନ୍ଦ, ଇଣ୍ଟରନେଟ୍ ସେବା ଠପ୍, ଲାଲ କିଲ୍ଲାରୁ ଚାଷୀଙ୍କୁ ବାହାରକରୁଛି ପୋଲିସ

26/01/2021 at 4:23 PM

ନୂଆଦିଲ୍ଲୀ ୨୬/୦୧ : ଗଣତନ୍ତ୍ର ଦିବସରେ ରାଜଧାନୀ ଦିଲ୍ଲୀରେ ଚାଷୀମାନଙ୍କ ଟ୍ରାକ୍ଟର ମାର୍ଚ୍ଚ ଜାରି ରହିଛି । ଏହାରି ମଧ୍ୟ​‌ ଅନେକ ସ୍ଥାନରେ ପୋଲିସ ଏବଂ ଚାଷୀମାନଙ୍କ ମଧ୍ୟରେ ପ୍ରବଳ ଉତ୍ତେଜନା ପ୍ରକାଶ ପାଇଛି । ଟ୍ରାକ୍ଟର ମାର୍ଚ୍ଚ ବେଳେ ଚାଷୀମାନେ ଲାଲ କିଲ୍ଲାରେ ପ୍ରବେଶ କରିଥିଲେ । ବର୍ତ୍ତମାନ ସେମାନଙ୍କଚ ସେଠାରୁ ବାହାର କରାଯାଉଛି । ଚାଷୀମାନଙ୍କ ହିଂସାତ୍ମକ ଗତିବିଧି ବ୍ୟାପକ ହେବାରେ ଲାଗିଛି ।

ତେବେ ଦିଲ୍ଲୀରେ ଅପ୍ରିତିକର ପରିସ୍ଥିତିକୁ ଆଖିଆଗରେ ରଖି ମେଟ୍ରୋ ପକ୍ଷରୁ ଅନେକ ପ୍ରବେଶ ଏବଂ ପ୍ରସ୍ଥାନ ରାସ୍ତାକୁ ବନ୍ଦ କରିଦିଆଯାଇଛି । DMRC ମୁତାବକ ଲାଲ କିଲ୍ଲା, ଇନ୍ଦ୍ରପ୍ରସ୍ତ ମେଟ୍ରୋ, ଆଇଟିଓ ସମେତ ଅନେକ ମେଟ୍ରୋ ଷ୍ଟେସନ୍‌କୁ ବନ୍ଦ କରିଦିଆଯାଇଛି ।

ଦିଲ୍ଲୀରେ କୃଷକଙ୍କ ଟ୍ରାକ୍ଟର ରାଲିରେ ହିଂସା ଘଟଣା ପରେ ଅନେକ ସ୍ଥାନରେ ଇଣ୍ଟରନେଟ୍‌ ସେବାକୁ ବନ୍ଦ କରିଦିଆଯାଇଛି । ସିଂଘୁ ବର୍ଡର, ଟିକରୀ ବର୍ଡର, ଗାଜୀପୁର ବର୍ଡର, ମୁବାରକା ଚୌକ ଏବଂ ନାଂଗଲୋଇାର ଇଣ୍ଟରନେଟ୍‌ ସେବାକୁ ବନ୍ଦ କରିଦିଆଯାଇଛି । ଏଭଳି ପରିସ୍ଥିତିକୁ ଦୃଷ୍ଟିରେ ରଖି କେନ୍ଦ୍ର ଗୃହ ମନ୍ତ୍ରାଳୟ ପକ୍ଷରୁ ଏହି ନିର୍ଦେଶ ଦିଆଯାଇଛି । ଗୃହ ମନ୍ତ୍ରାଳୟ ଅନୁଯାୟୀ ଆଜି ରାତି ୧୨ଟା ଯାଏଁ ଏହି ସବୁ ସ୍ଥାନମାନଙ୍କରେ ଇଣ୍ଟରନେଟ୍‌ ସେବା ବନ୍ଦ ରହିବ ।

କଡା ସୁରକ୍ଷା ବଳୟରେ ଥିବା ଲାଲକିଲ୍ଲାକୁ ମଧ୍ୟ ଛାଡି ନାହାନ୍ତି ଚାଷୀ । ଉତ୍ତ୍ୟକ୍ତ ଚାଷୀମାନେ ଲାଲକିଲ୍ଲା ମଧ୍ୟକୁ ଧସେଇ ପଶିଛନ୍ତି । ପ୍ରଦର୍ଶନକାରୀ ଚାଷୀମାନେ ଲାଲକିଲ୍ଲା ଉପରକୁ ମଧ୍ୟ ଚଢିଯାଇଛନ୍ତି । ଚାଷୀମାନେ ବିଭିନ୍ନ ସଂଗଠନର ପତାକା ଧରି ଲାଲକିଲ୍ଲା ଉପରକୁ ଚଢିଯିବା ସହିତ ବିଭିନ୍ନ ନାରା ଦେଇଥିଲେ । ଏବେ ମଧ୍ୟ ଅନେକ ସ୍ଥାନରେ ହିଂସା ଜାରି ରହିଛି । ଲାଲ କିଲ୍ଲା ପରିସରରୁ ଚାଷୀମାନଙ୍କୁ ବାହାରକୁ ବାହାର କରାଯାଉଛି ।

ଚାଷୀମାନଙ୍କୁ ଅଟକାଇବା ପାଇଁ ନୟାନ୍ତ ହୋଉଗଲାଣି ପୋଲିସ ।  ଗଣତନ୍ତ୍ର ଦିବସରେ କୃଷି ଆଇନ ବିରୁଦ୍ଧରେ ଆନ୍ଦୋଳନ ଜାରି ରଖିଥିବା ଚାଷୀମାନେ ଦିଲ୍ଲୀ ରାଜପଥରେ ହଙ୍ଗାମା କରିଛନ୍ତି । ଚାଷୀଙ୍କୁ ରୋକିବା ପାଇଁ ପୋଲିସ ନୟାନ୍ତ ହୋଇସାରିଲାଣି ।

   Related Posts