Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫୁଟବଲର ଡିଏଗୋ ମାରାଡୋନାଙ୍କ ପରଲୋକ, ୩ ଦିନ ପୂର୍ବେ ପାଳିଥିଲେ ୬୦ତମ ଜୟନ୍ତୀ
  • ||
  • ଦୈନିକ ଆକ୍ରାନ୍ତ ତୂଳନାରେ ଆଜି କମିଲା ସୁସ୍ଥ ସଂଖ୍ୟା, ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୭୨୮
  • ||
  • ଯୋଡାମୁଣ୍ଡ ଶିଶୁ କାଳିଆର ମୃତ୍ୟୁ, ଏସସିବିରେ ଦୀର୍ଘ ଦିନ ଧରି ଥିଲେ ଚିକିତ୍ସାଧୀନ, ସୁସ୍ଥ ଅଛି ଜଗା
  • ||
  • ପରିବାର ପାଇଁ ଏତିକି ସମ୍ପତ୍ତି ଛାଡି ଯାଇଛନ୍ତି କଂଗ୍ରେସର ଚାଣକ୍ୟ ଅହମଦ ପଟେଲ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୬ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୮୭ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୭୩୦ କରୋନା ସଂକ୍ରମିତ, ୩୧୬୦୦୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଦ୍ୱିତୀୟ AIIMS ପ୍ରତିଷ୍ଠା ପାଇଁ ପ୍ରସ୍ତାବ, କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ମୁଖ୍ୟ ଶାସନ ସଚିବ
  • ||
  • ପୁରୀ : ବାହାର ଭକ୍ତଙ୍କୁ ପୁରୀ ମନା, ନାଗାର୍ଜୁନ ବେଶ ପାଇଁ ଜିଲ୍ଲା ପ୍ରଶାସନର କଟକଣା
  • ||
  • ଭିଜିଲାନ୍ସ ଜାଲରେ ଓଡିଶା ବନୀକରଣ ଅତିରିକ୍ତ ପିସିସିଏଫ୍, ଭୁବନେଶ୍ବରର ୫ଟି ଓ ମୁମ୍ବାଇ ଏବଂ ପୁନେର ୭ଟି ସ୍ଥାନରେ ଚଢାଉ
  • ||
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||

ଇଣ୍ଟରନେଟ୍‌ରେ ଲେଡି ସିଂହମ୍, ଟାର୍ଗେଟ୍ ଆଇପିଏସ୍…

16/07/2020 at 5:23 PM

ଅହମଦାବାଦ ୧୬/୦୭ : ଗୁଜରାଟ ମହିଳା ପୋଲିସ କନେଷ୍ଟବଳ ବର୍ତ୍ତମାନ ଶୋଷିଲା ମିଡ଼ିଆ ସେନସେସନ ପାଲଟିଛନ୍ତି | ମନ୍ତ୍ରୀ ପୁଅଙ୍କୁ ତାଗିଦ କରିବା ପରେ ତାଙ୍କୁ ନେଇ ଚର୍ଚ୍ଚା jor ଧରିଥିଲା | ଜୁଲାଇ ୮ ତାରିଖ ତାରିଖ ତାରିଖରେ ମନ୍ତ୍ରୀଙ୍କ ପୁଅ କର୍ଫ୍ୟୁ ନିୟମ ଉଲଙ୍ଘନ କରିଥିବା ନେଇ ସୁନିତା ମନ୍ତ୍ରୀଙ୍କୁ ଓ ତାଙ୍କ ପୁଅକୁ କଡା ଜବାବ ଦେଇଥିଲେ | ଘଟଣା ପରେ ସୁନିତା ଇସ୍ତଫା ଦେଇଥିଲେ | ବର୍ତ୍ତମାନ ଲୋକେ ସୁନିତାଙ୍କୁ ଲେଡି ସିଂହମ ନାଁ ଦେଇଛନ୍ତି | ବଲିଉଡ ଫିଲ୍ମ ସିଂହମରେ ହିରୋ ଯେଉଁଭଳି ଠିକ ରାସ୍ତାରେ ଥାଇ ନାନା ଅସୁବିଧାରେ ସମ୍ମୁଖୀନ ହୋଇଥିଲେ କିନ୍ତୁ ପଛଘୁଞ୍ଚା ଦେଇନଥିଲେ କି କାହାକୁ ଭୟ କରୁନଥିଲେ ସୁନିତା ମଧ୍ୟ ଠିକ ସେହିଭଳି | ସେଥିପାଇଁ ଲୋକେ ତାଙ୍କୁ ଲେଡି ସିଂହମ କହୁଛନ୍ତି |

ଏକ ସାକ୍ଷାତକାରରେ ସୁନିତା କହିଛନ୍ତି ଯେ, ‘ମୁଁ ଲେଡି ସିଂହମ ନୁହେଁ, ମୁଁ ଜଣେ ସିଧାସାଧା ଏଲ ଆର ଅଫିସର | ମୁଁ କେବଳ ମୋ ଡ୍ୟୁଟି କରିଛି | ଲୋକେ ମୋତେ ଲେଡି ସିଂହମ କହୁଛନ୍ତି କାରଣ ସମସ୍ତ ପୋଲିସ ନିଜ ଡ୍ୟୁଟି କରୁନାହାନ୍ତି | କିନ୍ତୁ ଲୋକେ ଏହିଭଳି କହିବା ସତରେ ଭଲ ଲାଗୁଛି |’    

ସେ କହିଛନ୍ତି ଯେ ସେ ଆଗରୁ ଭାବୁଥିଲେ ପାୱାର ଖକୀ ୟୁନିଫର୍ମରେ ଥାଏ | କିନ୍ତୁ ଏହି ଘଟଣା ତାଙ୍କୁ ଶିଖାଇଛି ଯେ ପାୱାର ୟୁନିଫର୍ମରେ ନୁହେଁ ରେଙ୍କରେ ଥାଏ | ସେଥିପାଇଁ ସେ ଆଗକୁ ଆଇପିଏସ ଅଧିକାରୀ ହେବାକୁ ଇଛା ରଖିଛନ୍ତି | ସେ ଏକ ରେଙ୍କ ନେଇ ଫେରିବାକୁ ଚାହୁଁଛନ୍ତି ବୋଲି କହିଛନ୍ତି |

ନିଜ ପକ୍ଷ ରଖି ସୁନିତା କହିଛନ୍ତି ଯେ କର୍ଫ୍ୟୁ ସମୟରେ ଜରୁରୀ କାର୍ଯ୍ୟ ପାଇଁ ଅନୁମତି ଦିଆଯାଇଛି କିନ୍ତୁ ମନ୍ତ୍ରୀଙ୍କ ପୁଅର ସାଙ୍ଗମାନେ ନିୟମ ଉଲଙ୍ଘନ କରି ମାସ୍କ ନ ପିନ୍ଧି ରାତି ୧୦ଟା ପରେ ବୁଲୁଥିଲେ | ସେମାନେ ତାଙ୍କୁ କ୍ଷମା ମାଗିଥିଲେ କିନ୍ତୁ ତାଙ୍କୁ କ୍ଷମା ନ ଦେଇ ତାଙ୍କ ବିରୋଧରେ ଉଚିତ କାର୍ଯ୍ୟାନୁଷ୍ଠାନ ଗ୍ରହଣ କରିବା ଠିକ ହେବ ବୋଲି ସୁନିତା ଚିନ୍ତା କରିଥିଲେ | ଯେହେତୁ ତାଙ୍କ ପାଖରେ ଚାଲାଣ ସ୍ଲିପ ନଥିଲା ସେଥିପାଇଁ ସେ ଭାବିଥିଲେ ସେ ସେମାନଙ୍କୁ ଉଠବସ କରାଇକି ଛାଡ଼ିଦେବେ | କିନ୍ତୁ ସେତେବେଳେ ଗୁଜରାଟ ସ୍ୱାସ୍ଥ୍ୟ ମନ୍ତ୍ରୀ କୁମାର କନାନୀଙ୍କ ପୁଅ ପ୍ରକାଶ କନାନୀ ସେଠାରେ ପହଞ୍ଚି ସୁନିତାଙ୍କୁ ଆକ୍ଷେପ କରିଥିଲେ | ଘଟଣାର ଭିଡିଓ ସୋସିଆଲ ମିଡ଼ିଆରେ ଭାଇରାଲ ହୋଇଥିଲା | ଭିଡିଓରେ ସୁନିତା ସଫାସଫା କହିଥିଲେ ଯେ ‘ମୁଁ ତୁମ ବାପାର ଗୋଲାମ ନୁହେଁ’ | ଭିଡିଓ ଭାଇରାଲ ହେବାପରେ ମାମଲାରେ ପ୍ରକାଶ କନାନୀଙ୍କ ସମେତ ୩ ଜଣଙ୍କୁ ଗିରଫ କରାଯାଇଥିଲା |

ପରେ ସୁନିତା ସୋସିଆଲ ମିଡ଼ିଆରେ ଏକ ଭିଡିଓ ପୋଷ୍ଟ କରିଥିଲେ ଏବଂ କହିଥିଲେ ଯେ ତାଙ୍କୁ ଧମକ ଦିଆଯାଇଥିଲା ଏବଂ ଗାଳିଗୁଲଜ ମଧ୍ୟ କରାଯାଇଥିଲା | ତାଙ୍କୁ ପୋଲିସ ସୁରକ୍ଷା ଦିଆଯାଇଥିଲା ଏବଂ ଅନ୍ୟ ଥାନାକୁ ଟ୍ରାନ୍ସଫର କରିଦିଆଯାଇଥିଲା | ପରେ ସୁନିତା ନିଜ ଇସ୍ତଫା ଦେଇଥିଲେ | ତେବେ ସୁନିତାଙ୍କ ଇସ୍ତଫା ପୋଲିସ ବିଭାଗ ଗ୍ରହଣ କରିଛି ନା ନାହିଁ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ | ସୁନିତା କହିଛନ୍ତି, ‘ମନ୍ତ୍ରୀଙ୍କ ପୁଅ ସେଦିନ ରାତିରେ ତାଙ୍କ ସହିତ ଯେଉଁଭଳି ବ୍ୟବହାର କରିଥିଲା ସେଥିପାଇଁ କିଛି ମାତ୍ରାରେ ସିଷ୍ଟମ ଦାୟୀ ଏବଂ ସାଧାରଣ ଜନତା ମଧ୍ୟ | କାରଣ ଆମେ ଏମାନଙ୍କୁ VVIP ଭଳି ଟ୍ରିଟ କରିଥାଉ |’

ନିଜ ଲକ୍ଷ୍ୟ ସମ୍ପର୍କରେ ସୁନିତା କହିଛନ୍ତି ଯେ ଭବିଷ୍ୟତରେ ଜଣେ ଆଇପିଏସ ଅଧିକାରୀ ହେବା ତାଙ୍କ ଲକ୍ଷ୍ୟ | କିନ୍ତୁ ଏବେ ସେ ବହୁତ ପ୍ରେସରରେ ଅଛନ୍ତି ଏବଂ ଏବେ ସେ କିଛି ଚିନ୍ତା ମଧ୍ୟ କରିପାରୁନାହାନ୍ତି ବୋଲି କହିଛନ୍ତି | ସେ ଆର୍ମି ଅଫିସର ହେବାକୁ ଚାହୁଁଥିଲେ କିନ୍ତୁ କିଛି କାରଣବଶତଃ ସେ ହୋଇପାରିଲେ ନାହିଁ | କିନ୍ତୁ ବହୁତ ଜଲଦି ସେ ସିଭିଲ ସର୍ଭିସ ପରୀକ୍ଷା ପାଇଁ ପ୍ରସ୍ତୁତି ଆରମ୍ଭ କରିବେ ବୋଲି କହିଛନ୍ତି | ସିଭିଲ ସର୍ଭିସ ପରୀକ୍ଷାରେ ପାସ ନହେଲେ ସେ ଆଗକୁ LLB କିମ୍ବା ସାମ୍ବାଦିକତା କରିବାକୁ ଚେଷ୍ଟା କରିବେ ବୋଲି କହିଛନ୍ତି |

   Related Posts