Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରକୁ ଓଡ଼ିଶା ମାଗିଲା ଅଗଷ୍ଟ ବର୍ଷା-ବନ୍ୟାର ସହାୟତା, ଦାବି କଲା ୧୫୬୯.୫୦ କୋଟି ଟଙ୍କା
  • ||
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୩୩ କରୋନା ସଂକ୍ରମିତ ଚିହ୍ନଟ
  • ||
  • ଟ୍ରକକୁ ପଛ ପଟୁ ପିଟିଲା ଟ୍ରଲର, ୨ ମୃତ
  • ||
  • ଡ଼କାୟତି ଯୋଜନା ପଣ୍ଡ, ବାଇପାସ କଡ଼ରୁ ୬ ଡକାୟତ ଗିରଫ
  • ||

ସକାଳୁ ସକାଳୁ ଯୋଗମୁଦ୍ରାରେ ଥିଲା ପୂରା ଟ୍ବିନ ସିଟି : ନେତା, ଅଭିନେତା, ଯବାନଙ୍କ ସହ ସାଧାରଣ ଜନତା ସମସ୍ତେ ପାଳିଛନ୍ତି ଅନ୍ତର୍ଜାତୀୟ ଯୋଗ ଦିବସ

21/06/2019 at 6:24 PM

  ଭୁବନେଶ୍ବର ୨୧/୬: ଯୋଗ  ଏକ ପ୍ରାଚୀନ, ମାନସିକ ଓ ଆଧ୍ୟାତ୍ମିକ ଅଭ୍ୟାସ । ଯାହାର ନାଭିକେନ୍ଦ୍ର ଭାରତ । ଅନ୍ତର୍ଜାତୀୟ ଯୋଗ ଦିବସରେ ଯୋଗମୁଦ୍ରାରେ ଥିଲା ପୂରା ଟ୍ବିନ ସିଟି ।

ସୂର୍ଯ୍ୟ ନମସ୍କାରରୁ ଓଲମବିଲମ । ଶୀର୍ଷାସନଠାରୁ ଶବାସନ । ସକାଳୁ ସକାଳୁ ଯୋଗମୁଦ୍ରାରେ ଥିଲା ପୂରା ଭୁବନେଶ୍ବର । ନେତା, ଅଭିନେତା, ଯବାନଙ୍କ ସହ ସାଧାରଣ ଜନତା ସମସ୍ତେ ପାଳିଛନ୍ତି ଅନ୍ତର୍ଜାତୀୟ ଯୋଗ ଦିବସ । ତେବେ ଯୋଗ କେବଳ ସୁସ୍ଥ ରହିବା ପାଇଁ ନୁହେଁ । ସମ୍ପର୍କ ସ୍ଥାପନ କରିବାର ଏକ ମାଧ୍ୟମ । ଜନତା ମଇଦାନରେ ଆୟୋଜିତ ଯୋଗ ଶିବିରରେ ଯୋଗ ଦେଇ ଏଭଳି କିଛି ବାର୍ତ୍ତା ଦେଇଛନ୍ତି ରାଜ୍ୟପାଳ ପ୍ରଫେସର ଗଣେଶୀ ଲାଲ । ପାଖାପାଖି ୬ ହଜାରରୁ ଅଧିକ ଲୋକଙ୍କ ସହ ଯୋଗ କରିଥିଲେ ରାଜ୍ୟପାଳ । … ନୟାପଲ୍ଲୀ କସ୍ତୁରବା ଶିକ୍ଷାଶ୍ରମରେ ଯୋଗ ମୁଦ୍ରାରେ ଥିଲେ ପୁରୀ ଗଜପତି ଦିବ୍ୟସିଂହ ଦେବ । ଏହାଛଡା ଭୁବନେଶ୍ବରର ବିଭିନ୍ନ ସରକାରୀ ତଥା ବେସରକାରୀ ଅନୁଷ୍ଠାନ ପକ୍ଷରୁ ଅନ୍ତର୍ଜାତୀୟ ଯୋଗ ଦିବସ ପାଳିତ ହୋଇଛି । ସିଆରପିଏଫ କ୍ୟାମ୍ପସରେ ସିଆରପିଏଫ୍ ଓ ବିଏସ୍ଏଫ୍ ଯବାନ ମାନେ ସକାଳୁ ସକାଳୁ ଯୋଗ କରିଥିଲେ । ଜାଗମରା ଧର୍ମବିହାର କମ୍ୟୁନିଟି ୱେଲଫେୟାରା ଆସୋସିଏସନରେ ପକ୍ଷରୁ ମଧ୍ୟ ଯୋଗ ଦିବସ ପାଳିତ ହୋଇଛି। 

କେବଳ ସୁସ୍ଥ ରହିବାଲାଗି ନୁହେଁ ,ବରଂ ଯୋଗକୁ ଆଧାର କରି କ୍ୟାରିଅର ଗଠନ କରିବାର ସମ୍ଭାବନା ସୃଷ୍ଟି ହୋଇଛି । ଅନ୍ତର୍ଜାତୀୟ ଯୋଗ ଦିବସରେ ସେହିଭଳି କିଛି ପ୍ରତିଯୋଗୀ ସାମ୍ନାକୁ ଆସିଛନ୍ତି । ଯେଉଁମାନେ ଯୋଗ  ମାଧ୍ୟମରେ ଜାତୀୟ ସ୍ତରରେ ନାଁ କମେଇ ସାରିଲେଣି, ଆଗକୁ ଇଣ୍ଟରନ୍ୟାସନାଲ ଲେବଲରେ ମଧ୍ୟ ସେମାନେ ନିଜକୁ ସ୍ଥାନିତ କରିପାରିବେ ବୋଲି ଆଶା କରାଯାଉଛି । ବିଶ୍ବ ଯୋଗ ଦିବସ ଅବସରରେ କଟକର ବିଭିନ୍ନ ସ୍ଥାନରେ ବିଭିନ୍ନ ଅନୁଷ୍ଠାନ ତରଫରୁ ଯୋଗ ଶିବିର ଆୟୋଜନ କରାଯାଇଥିଲା । ତେବେ ପତଞ୍ଜଳି ଯୋଗାନୁଷ୍ଠାନର ଯୋଗ ଶିବିରରେ ସବୁ ବର୍ଗର ସଂଖ୍ୟାଧିକ ଲୋକ ସାମିଲ ହୋଇ ଯୋଗ କରିଥିଲେ ।

ସୁସ୍ଥ ଓ ନିରୋଗ ଜୀବନ ବଞ୍ଚିବାର ଏକ ବଳିଷ୍ଠ ମାଧ୍ୟମ ହେଉଛି ଯୋଗ । ପ୍ରଚୀନ କାଳରୁ ଯୋଗ ଓ ପ୍ରାଣାୟମ ମାଧ୍ୟମରେ ବିଶ୍ବକୁ ଯୋଡିଥିବା ଭାରତର ପ୍ରସ୍ତାବକ୍ରମେ ଜୁନ ୨୧ ତାରିଖକୁ ଅନ୍ତର୍ଜାତୀୟ ଯୋଗ ଦିବସଭାବେ ପାଳନ କରାଯାଉଛି ।

   Related Posts