Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୁକୁଡାକୁ ଖାଇଗଲେ ବୁଲା କୁକୁର, ରାଗି ଯାଇ ଗୁଳି କରିଦେଲା ମାଲିକ : ଥାନାରେ ମାମଲା
  • ||
  • ଗୋଆରେ ଏନସିପି-ଶିବସେନାର ହାତ ଛାଡିଦେଲା କଂଗ୍ରେସ, କହିଲା-‘ଆମର ଏକାକି ଜିତିବା କ୍ଷମତା ଅଛି’
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୧୭ ହଜାରରୁ ଅଧିକ କରୋନା ପଜିଟିଭ୍, ୪୯୧ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୦୧କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୩୬୮ କୋଭିଡ୍ ପଜିଟିଭ୍, ୧୧୭୭୪୬୨ରେ ପହଞ୍ଚିଲା ସଂଖ୍ୟା
  • ||
  • କ୍ୟାପ୍ଟେନ୍ ନୁହେଁ କିନ୍ତୁ ଜୋଶ୍ ଏବେବି ଅଛି : ଦକ୍ଷିଣ ଆଫ୍ରିକା ଅଧିନାୟକଙ୍କ ସହ ମୁହାଁମୁହିଁ ହେଲେ କୋହଲି
  • ||
  • ପ୍ରଚାର ବେଳେ ବିଜେପି ପ୍ରାର୍ଥୀ ହଟହଟା, ତଡିଦେଲେ ଗାଁ ଲୋକେ
  • ||
  • ଚୌଦ୍ୱାର ସୁନା ବ୍ୟବସାୟୀଙ୍କୁ ଗୁଳିମାଡ ଓ ଲୁଟ୍ ଘଟଣା : ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଲେ ଡିସିପି
  • ||

ନେପୋଟିଜିମ୍ ଇଫେକ୍ଟ : ମୃତ୍ୟୁ ପରେ ବି ଇନଷ୍ଟାଗ୍ରାମରେ ସୁଶାନ୍ତ ସିଂ ହିରୋ, କରଣ ଜୋହର ଏବଂ ଆଲିଆ ଭଟ୍ଟଙ୍କୁ ଛାଡି ପଳାଉଛନ୍ତି ଫଲୋଅର୍ସ

21/06/2020 at 2:53 PM

ମୁମ୍ବାଇ ୨୧।୬: ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ବଲିଉଡରେ ଏକ ନୂଆ ଚର୍ଚ୍ଚା ଆରମ୍ଭ ହୋଇଛି । ସୋସିଆଲ ମିଡିଆରେ ପ୍ରଶଂସକମାନେ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁର କାରଣ ବୋଲି ବଲିଉଡର ନେପୋଟିଜିମକୁ ଗ୍ରହଣ କରୁଛନ୍ତି । ଯେତେବେଳେ ସୁଶାନ୍ତ ସିଂ ରାଜପୁତଙ୍କ ଦେହାନ୍ତ ହୋଇଥିଲା, ସେତେବେଳେ ତାଙ୍କୁ ବଲିଉଡ ଜଗତ ତରଫରୁ ସମବେଦନା ଜଣାଯାଇଥିଲେ । ଏହି ସମୟରେ ଫିଲ୍ମ ନିର୍ମାତା କରନ ଜୋହର ମଧ୍ୟ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ନେଇ ଗଭୀର ସମବେଦନା ଜଣାଇଥିଲେ । ଏହାସହ ସୁଶାନ୍ତଙ୍କ ପ୍ରଶଂସକମାନେ କରନ ଜୋହରଙ୍କୁ ନେପୋଟିଜିମକୁ ପ୍ରୋତ୍ସାହିତ କରୁଥିବା ଅଭିଯୋଗ କରିଥିଲେ ।

ସୋସିଆଲ ମିଡିଆ ତଥ୍ୟ ଅନୁଯାୟୀ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ କରନ ଜୋହରଙ୍କ ବିରୋଧରେ ସୋସିଆଲ ମିଡିଆରେ ଭିନ୍ନ ପ୍ରତିକ୍ରିୟା ପ୍ରକାଶ ପାଇଥିବା କୁହାଯାଉଛି । କୁହାଯାଉଛି ଯେ ଫଟୋ ସେୟାରିଂ ସାଇଟ୍ ଇନଷ୍ଟାଗ୍ରାମରେ ସୁଶାନ୍ତଙ୍କ ମୃତ୍ୟୁ ପରେ ବାରମ୍ବାର କରନ ଜୋହରଙ୍କ ଫଲୋଅର୍ସ କମୁଥିବା ଦେଖିବାକୁ ମିଳିଛି ।

ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପୂର୍ବରୁ କରଣ ଜୋହରଙ୍କର ପ୍ରାୟ ୧୧ ମିଲିୟନ ଫଲୋଅର୍ସ ଥିବା କୁହାଯାଉଥିଲା । ତେବେ ଏବେ କରଣ ଜୋହରଙ୍କ ଇନଷ୍ଟାଗ୍ରାମ ଫଲୋଅର୍ସ ୧୦.୫ ମିଲିୟନକୁ ଖସି ଆସିଛି। କେବଳ କରନ ଜୋହରଙ୍କର ନୁହେଁ ଅବିନେତ୍ରୀ ଆଲିଆ ଭଟ୍ଟଙ୍କର ମଧ୍ୟ ଫଲୋଅର୍ସ ସଂଖ୍ୟା କମିବାରେ ଲାଗିଛି । ପୂର୍ବରୁ ତାଙ୍କର ଫଲୋଅର୍ସ ୪୮.୪ ମିଲିୟନ ଥିଲା, ଯାହା ବର୍ତ୍ତମାନ ୪୭.୭ ମିଲିୟନକୁ ହ୍ରାସ ପାଇଛି ।

ଗୋଟିଏ ପଟେ ଇନଷ୍ଟାଗ୍ରାମରେ ବଲିଉଡର ଏମାନଙ୍କରର ଫଲୋଅର୍ସ ସଂଖ୍ୟା ହ୍ରାସ ପାଉଥିବା ବେଳେ ଅନ୍ୟପଟେ ସୁଶାନ୍ତ ସିଂ ରାଜପୁତଙ୍କ ଇନଷ୍ଟାଗ୍ରାମରେ ଫଲୋଅର୍ସଙ୍କ ସଂଖ୍ୟା ବଢୁଥିବା ଦେଖିବାକୁ ମିଳିଛି । ଯେତେବେଳେ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ହୋଇନଥିଲା, ସେତେବେଳେ ତାଙ୍କ ଇନଷ୍ଟାଗ୍ରାମରେ ପ୍ରାୟ ୯ ମିଲିୟନ ଫଲୋଅର୍ସ ଥିଲେ । ଯାହା ବର୍ତ୍ତମାନ ପ୍ରାୟ ୧୩.୩ ମିଲିୟନକୁ ବୃଦ୍ଧି ପାଇଛି।

ସୂଚନାଯୋଗ୍ୟ ଯେ, ୧୪ ଜୁନ୍୨୦୨୦ ରେ ଅଭିନେତା ସୁଶାନ୍ତ ସିଂ ରାଜପୁତ ମୁମ୍ବାଇ ସ୍ଥିତ ନିଜ ଫ୍ଲାଟରେ ଫାଶୀ ଲଗାଇ ଆତ୍ମହତ୍ୟା କରିତିଲେ । ୩୪ ବର୍ଷ ବୟସ୍କ ଏହି ଅଭିନେତା ଗତ ୬ ମାସ ଧରି ଡିପ୍ରେସନରେ ପୀଡିତ ଥିଲେ ଏବଂ ଚିକିତ୍ସିତ ହେଉଥିଲେ । ଏହା ବ୍ୟତୀତ ସୁଶାନ୍ତଙ୍କ ଆତ୍ମହତ୍ୟାକୁ ନେଇ ଅନେକ ବଡ ବଡ ପ୍ରଶ୍ନ ଉଠିଛି । ସୁଶାନ୍ତ କାହିଁକି ଏତେ ବଡ ପଦକ୍ଷେପ ନେଇଛନ୍ତି ସେନେଇ ମୁମ୍ବାଇ ପୋଲିସ ଘଟଣାର ତଦନ୍ତ କରୁଛି । ଏଥିପାଇଁ ପୋଲିସ ସେମାନଙ୍କ ନିକଟ ସମ୍ପର୍କୀୟଙ୍କୁ ମଧ୍ୟ ପଚରାଉଚରା କରୁଛି।

   Related Posts