Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ଆମ୍ବୁଲାନ୍ସକୁ ପିଟିଲା କାର୍, ଡ୍ରାଇଭର ଆହତ
  • ||
  • କଟକ : ସି-ସୋର ଘାଟରୁ ଅଜଣା ମୃତଦେହ ଉଦ୍ଧାର, ଭାସି ଆସିଥିବା ସନ୍ଦେହ
  • ||
  • ଚଣ୍ଡିଗଡ : ପଦ୍ମ ବିଭୂଷଣ ଫେରାଇଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲ
  • ||
  • ନୂଆଦିଲ୍ଲୀ : ଅନଲାଇନ୍‌ରେ ହେବନାହିଁ CBSE ବୋର୍ଡ ପରୀକ୍ଷା, ପୂର୍ବଭଳି ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଝାରସୁଗୁଡା : ବାପା ନା’ ରାକ୍ଷସ, ନିଶାଶକ୍ତ ଅବସ୍ଥାରେ ୧୧ ବର୍ଷର ଝିଅ ସହ କଲା ଦୁଷ୍କର୍ମ !
  • ||
  • କନ୍ଧମାଳ : ହଜିଗଲା ମା’ର ମମତା, ୪ ବର୍ଷ ଝିଅର ଗାଲ କାଟିଦେଲା ସାବତ ମା’ !
  • ||
  • ବଡବିଲ : ହାତୀ ଆକ୍ରମଣରେ ଚାଲିଗଲା ଜଣଙ୍କ ଜୀବନ, ଆତଙ୍କ ଖେଳାଇଛନ୍ତି ୧୧ଟିକିଆ ହାତୀ ପଲ
  • ||
  • ଓ୍ବାଶିଂଟନ୍ : ‘ପିଜ୍ଜା ହଟ୍’ର ଶୁଭାରମ୍ଭ କରିଥିବା ଫ୍ରାଙ୍କ୍ କାର୍ନିଙ୍କ ପରଲୋକ
  • ||
  • ବଲାଙ୍ଗୀର : ଭିଜିଲାନ୍ସ ପଞ୍ଝାରେ ରେଞ୍ଜର, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଏକକାଳୀନ ୩ଟି ସ୍ଥାନରେ ଚଢାଉ
  • ||
  • ଭୁବନେଶ୍ବର : ଅଫଲାଇନ୍‌ରେ ହେବ ମାଟ୍ରିକ୍ ଏବଂ ଯୁକ୍ତ ୨ ପରୀକ୍ଷା : ଗଣଶିକ୍ଷା ମନ୍ତ୍ରୀ
  • ||

ବାପାଙ୍କ ପିସ୍ତଲରୁ ନିଜ ଭାଇକୁ ଗୁଳି କଲେ ପୋଲିସ ବାବୁଙ୍କ ଝିଅ, ତା’ପରେ ରଚିଲେ ଲୁଟ୍ ଡ୍ରାମା

11/11/2020 at 5:36 PM

ପ୍ରୟାଗରାଜ ୧୧/୧୧ : ଉତ୍ତର ପ୍ରଦେଶ ପ୍ରୟାଗରାଜ ନୈନି ଥାନା ଅନ୍ତର୍ଗତ ରଘୁନାଥ ଛକରେ ଘଟିଥିବା ଏକ ଗୁଳିକାଣ୍ଡ ମାମଲାର ପର୍ଦାଫାଶ ହୋଇଛି। ମଙ୍ଗଳବାର ସନ୍ଧ୍ୟାରେ ଘରେ ପଶି ଜଣେ ଯୁବକଙ୍କୁ ଗୁଳି କରିଥିବା ମାମଲାରେ ପୋଲିସ ଓ କ୍ରାଇମ ବ୍ରାଞ୍ଚ ଅଢେଇ ଘଣ୍ଟାରେ ଖୁଲାସା କରିଛି। ଆହତ ଯୁବକ ଆଜମଗଡ଼ ଥାନାରେ ନିଯୁକ୍ତ ପୋଲିସ ଇନ୍ସପେକ୍ଟର ସଭାଜିତ ସିଂହଙ୍କ ପୁଅ। ଯୁବକଙ୍କୁ ତାଙ୍କ ନିଜ ଭଉଣୀ ୪ଟି ଗୁଳି କରିଥିଲେ। ୧୫ ବର୍ଷୀୟ ନାବାଳିକା ଭାଇକୁ ଗୁଳି କରିବା ପରେ ବାପାକୁ ଫୋନ କରି ଘରେ ଲୁଟ ହୋଇଥିବା କହି ଡ୍ରାମା କରିଥିଲେ।

ଭାଇ ଭଉଣୀ ମଧ୍ୟରେ କୌଣସି ଏକ କଥାକୁ ନେଇ ବିବାଦ ହୋଇଥିଲା। ଏହାପରେ ନାବାଳିକା ଭଉଣୀ ୧୭ ବର୍ଷୀୟ ଭାଇକୁ ନିଜ ବାପାଙ୍କ ପିସ୍ତଲରୁ ଗୁଳି କରିଥିଲେ। ଏହାପରେ ଘରେ ଲୁଟ ହୋଇଥିବା ସେ ପୋଲିସ ସାମ୍ନାରେ ଡ୍ରାମା କରିଥିଲେ। କିନ୍ତୁ ଘଟଣାସ୍ଥଳରେ ପହଞ୍ଚିଥିବା ପୋଲିସ ଓ କ୍ରାଇମବ୍ରାଞ୍ଚକୁ ତାଙ୍କ କଥାରେ ବିଶ୍ୱାସ ହୋଇନଥିଲା। ପୋଲିସ ଦୃଢର ସହ ନାବାଳିକାଙ୍କୁ ପଚରାଉଚୁରା କରିବା ପରେ ସେ ସ୍ୱୀକାର କରିଥିଲେ ଯେ ସେ ନିଜେ ତାଙ୍କ ଭାଇକୁ ଗୁଳି କରିଛନ୍ତି। ତେବେ ଘଟଣାକ୍ରମ ସମ୍ପର୍କରେ ସେ ନିଜ ବାପାଙ୍କୁ ହିଁ କହିବେ ବୋଲି କହିଥିଲେ।

ଘଟଣା ପରେ ନାବାଳିକାଙ୍କୁ ଘରେ ହିଁ ନଜରବନ୍ଦ କରିଛି ପୋଲିସ। ଆହତ ଯୁବକଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ତାଙ୍କ ଚିକିତ୍ସା ଜାରି ରହିଛି। ପୋଲିସ ଓ କ୍ରାଇମବ୍ରାଞ୍ଚ ଘରୁ ପିସ୍ତଲ ଓ ଲୁଟ ହୋଇଥିବା ଗହଣା ଜବତ କରିଛି। ତେବେ ନାବାଳିକା ଘଟଣାର କାରଣ ଖୁଲାସା ନ କରିବାରୁ ସସ୍ପେନ୍ସ ଜାରି ରହିଛି। ଏହି ଘଟଣାକ୍ରମ ପଛରେ ଅସଲ କାରଣ କଣ ତାକୁ ନେଇ ପ୍ରଶ୍ନ ଉଠିଛି। ସନ୍ଧ୍ୟା ସୁଦ୍ଧା ପୋଲିସ ଘଟଣାର ପର୍ଦାଫାଶ କରିପାରେ ବୋଲି କୁହାଯାଉଛି।

ଆଜମଗଡ଼ରେ ନିୟୋଜିତ ଇନ୍ସପେକ୍ଟର ସଭାଜିତ ସିଂହଙ୍କ ପତ୍ନୀ ସୁଭଦ୍ରା ଦେବୀ ନିଜ ପୁଅ ଓ ଝିଅ ସହ ନୈନି ରଘୁନାଥ ଅଞ୍ଚଳରେ ରୁହନ୍ତି। ଆହତ ପୁଅ ଏକାଦଶ ଶ୍ରେଣୀର ଛାତ୍ର। ପୋଲିସ ନାବାଳିକା ବିରୋଧରେ ମାମଲା ରୁଜ୍ଜୁ କରି ଆଇନଗତ କାର୍ଯ୍ୟାନୁଷ୍ଠାନ ଆରମ୍ଭ କରିଛି।

   Related Posts