Prameya News7

Prameya News7, News7 Odia, Odisha Latest News, Odisha Current Headlines, Odisha News Online

INS ଶିବାଜୀର ୧୨ ନୌସେନା ଟ୍ରେନି କରୋନା ପଜିଟିଭ୍ : ଟ୍ରେନିଂ ପରେ ଆଇସୋଲେସନ୍ ୱାର୍ଡରେ ଥିଲେ ସମସ୍ତେ

24/06/2020 at 11:43 AM

ନୂଆଦିଲ୍ଲୀ ୨୪/୦୬ :  ଭାରତୀୟ ନୌସେନାର ଅଗ୍ରଣୀ ପ୍ରଶିକ୍ଷଣ ପ୍ରତିଷ୍ଠାନ ମଧ୍ୟରୁ ଲୋନାବଲାର INS ଶିବାଜୀର ୧୨ ନୌସେନା ଟ୍ରେନି କରୋନା ପଜିଟିଭ ଚିହ୍ନଟ ହୋଇଛନ୍ତି | ନୌସେନା ଷ୍ଟେସନ ତରଫରୁ ମଙ୍ଗଳବାର ଦିନ ଏଜ ପ୍ରେସ ରିଲିଜରେ କୁହାଯାଇଛି ଯେ କୋଭିଡ-୧୯ ର ପ୍ରଥମ ମାମଲା ଜୁନ ୧୮ ତାରିଖରେ ସାମ୍ନାକୁ ଆସିଥିଲା | ଜୁନ ପ୍ରଥମ ସପ୍ତାହରେ ଫେରିଥିବା ଏହି ପ୍ରସିକ୍ଷୁ ନୌସେନାଙ୍କୁ ପ୍ରତିଷ୍ଠାନରେ ତିଆରି ହୋଇଥିବା ଆଇସୋଲେସନ ୱାର୍ଡରେ ୧୪ ଦିନ ପାଇଁ ରଖାଯାଇଥିଲା | 

ଏହି ଅବଧି ମଧ୍ୟରେ ଜଣଙ୍କ ମଧ୍ୟରେ କରୋନା ଲକ୍ଷଣ ପରିଲକ୍ଷିତ ହୋଇଥିଲା | ଜୁନ ୧୮ ତାରିଖରେ ସେ କରୋନା ସଂକ୍ରମଣର ଶିକାର ହୋଇଥିବା ସ୍ପଷ୍ଟ ହୋଇଥିଲା | ଏହାପରେ ଐସୋଲେସନ ୱାର୍ଡରେ ତାଙ୍କ ସଂସ୍ପର୍ଶରେ ଆସିଥିବା ଅନ୍ୟ ସୈନିକଙ୍କୁ ଯାଞ୍ଚ କରାଯାଇଥିଲା | ସେମାନଙ୍କ ମଧ୍ୟରୁ ୧୨ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି | ତେବେ ସଂକ୍ରମଣ ଆଇସୋଲେସନ ୱାର୍ଡ ପର୍ଯ୍ୟନ୍ତ ସୀମିତ ଥିବା ଯୋଗୁଁ ପ୍ରତିଷ୍ଠାନର ଅନ୍ୟ ଭାଗକୁ କିମ୍ବା ଅନ୍ୟ ଲୋକଙ୍କୁ ସଂକ୍ରମଣ ହୋଇନଥିବା ଆଶଙ୍କା କରାଯାଉଛି | ତେବେ ସଂକ୍ରମଣକୁ ରୋକିବା ପାଇଁ ଜରୁରୀ ପଦକ୍ଷେପ ଗ୍ରହଣ କରାଯାଇଛି ବୋଲି ପ୍ରେସ ରିଲିଜରେ କୁହାଯାଇଛି |

   Related Posts