Tuesday, October 15, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ତିନି ଘଣ୍ଟାର ଅପରେସନ୍ ପରେ ଜୀବନ ପାଇଲା ସାପ, ତଥାପି ସଂଗୀନ ରହିଛି ସ୍ଥିତି

ଭୁବନେଶ୍ବର ୧୨|୭: ତିନି ଘଣ୍ଟାର ଅପରେସନ ପରେ ଜୀବନ ପାଇଲା ସାପ । ସାପଟିର ଦେହରେ ତେଣ୍ଟା ଟି ଭୁସି ହୋଇ ରହିଥିଲା । ତଥାପି ବଞ୍ଚିଥିଲା । ଶେଷରେ ଓୟୁଏଟି ପ୍ରାଣୀ ବିଭାଗ ପକ୍ଷରୁ ସାପଟିର ଅପରେସନ କରି ଲୁହା ତେଣ୍ଟାକୁ କଢା ଯାଇଛି ।

ଭଲ କରି ଦେଖନ୍ତୁ ଏହି ଚିତ୍ରକୁ । କେତେ ପିଡା ଦାୟକ । କେତେ ହୃଦୟ ବିଦାରକ । ତାହା ଭାବିଲେ ବି ମନକୁ କଷ୍ଟ ଲାଗୁଛି । କେତେ ଯେ ଯନ୍ତ୍ରଣା ପାଉଥିବ ଏହି ସାପଟି । ତାହା କେବଳ ସିଏ ହିଁ ଜାଣି ଥିବ । କାହିଁକି ନା ସାପଟିର ଦେହରେ ତେଣ୍ଟା ଟି ଭୁସି ହୋଇ ରହିଛି । ଲୁହା ରେଡରେ ନିର୍ମିତ ତେଣ୍ଟାର ଅଗ୍ର ଭାଗଟି ବର୍ଛା ପରି ମୁନିଆ। ଆଉ ତୀର ପରି ତ୍ରୀଭୁଜକାର । ଯାହା ଥରେ ପସି ଗଲେ ବାହାରିବା ମୁସ୍କିଲ ।

ବିଚରା ସାପଟିରେ ଦେହରେ ତିନି ଘଣ୍ଟାରୁ ଉର୍ଦ୍ଧ୍ବ ସମୟ ଧରି ପଶି ରହିଥିଲା ତେଣ୍ଟା । ତେବେ ସ୍ନେକ ହେଲେପ ଲାଇନର ମୁଖ୍ୟ ସୁଭେନ୍ଦୁ ମଲ୍ଲିକ ସାପଟିକୁ ଉଦ୍ଧାର କରି ଓୟୁଏଟିର ଆଣିଥିଲେ । ସେଠାରେ ଦୀର୍ଘ ଘଣ୍ଟାର ଅପରେସନ ପରେ ସାପ ଦେହରୁ  ତେଣ୍ଟାଟିକୁ ଅତି ସତର୍କତାର ସହ ବାହାର କରାଯାଇଥିଲା । ପ୍ରଥମେ ସାପଟିକୁ ଏକ ନଳୀରେ ଭତ୍ତି କରିଗଲା । ପରେ ତା ଦେହରୁ ବାହାର କରାଗଲା ତେଣ୍ଟା । ପ୍ରାଣୀ ବିଶେଷଜ୍ଞଙ୍କ ସୂଚନା ଅନୁସାରେଏହି ସାପଟି ଇଣ୍ଡିଆନ କ୍ରୋବ୍ରା ପ୍ରଜାତିର ।

ଘଟଣାଟି ଥିଲା ଏମିତି । ଗତକାଲି ସମୟ ପାଖି ତିନିଟା । ପିପିଲି- ଡେଲାଙ୍ଗ ସ୍ଥିତ ଏକ ଘରେ ସାପଟି ଦେଖିବାକୁ ମଳିଥିଲା । ଯାହାକୁ ଦେଖି ଘର ଲୋକେ ଭୟଭୀତ ହୋଇଥିଲେ । ତ ପରେ ତାକୁ ଘଉଡେବାକୁ ଯାଇ ତା ଉପରେ ତେଣ୍ଟାରେ ଆକ୍ରମଣ କରିଥିଲେ ଘର ଲୋକ । ଯେଉଁଥିରେ ଆହତ ହୋଇଥିଲା ସାପ ।

ଖବର ପାଇ ଘଟଣା ସ୍ଥଳରେ ସ୍ନେକ ହେଲ୍ପ ଲାଇନ ସଦସ୍ୟ ପହଞ୍ଚିଥିଲେ ସେଠାରେ । ସେଠାରୁ ସାପଟିକୁ ଉଦ୍ଧାର କରି ଭୁବନେଶ୍ବର ଓୟୁଏଟିକୁ ପ୍ରାଣୀ ବିଭାଗକୁ ଆଣିଥିଲେ । ଅପରେସନ ପରେ ସାପଟିର ଏକ୍ସରେ କରାଯାଇଥିଲା । ଓୟୁଏଟି ପ୍ରାଣୀ ବିଭାଗର ଡାକ୍ତରଙ୍କ ସୂଚନା ଅନୁସାରେ ସାପଟିର ଲଙ୍ଗ୍‌ସର କ୍ଷତିଗ୍ରସ୍ତ ହୋଇଛି । ଯାହାକୁ ନେଇ ସାପ ନିଶ୍ବାସ ପ୍ରଶ୍ବାସ ନେବାରେ କଷ୍ଟ ଅନୁଭବ କରୁଛି ।

୨୪ ଘଣ୍ଟା ଅବଜରଭେସନରେ ରହିଲା ପରେ ସାପଟିର କଣ୍ଡିସନ ଜଣାପଡିବ । ତିନି ଘଣ୍ଟାର ଅପରେସନ ପରେ ଜୀବନ ପାଇଲା ସାପ । ତେବେ ଏବେବି ସ୍ଥିତି ରହିଛି ସଙ୍ଗୀନ।

746 Views

   ସମ୍ବନ୍ଧିତ ଖବର