ବାଂଶପାଳ ୩୦।୧୦: ଖଟିଆରେ ବୁହାହେଲେ ଗୁରୁତର । ଉଛୁଳା ନଦୀ ପାର କରି ମେଡ଼ିକାଲ ନେଲେ ଗ୍ରାମବାସୀ । କେନ୍ଦୁଝର ଜିଲ୍ଲା ବାଂଶପାଳ ବ୍ଲକ୍ ଫୁଲଝର ପଞ୍ଚାୟତ କେନ୍ଦୁଘାଟି ଗାଁରେ ଦେଖିବାକୁ ମିଳିଛି ଏଭଳି ଅଭାବନୀୟ ଦୃଶ୍ୟ ।

ସୂଚନାଯୋଗ୍ୟ ଯେ, ହାତୀ ଆକ୍ରମଣରେ ଗୁରୁତର ହୋଇଥିବା ବ୍ୟକ୍ତିଙ୍କୁ ଉଛୁଳା ନଇରେ ଖଟିଆରେ ବୋହି ନେଇ ନଦୀ ପାର କରି ମେଡିକାଲ ନେଇଛନ୍ତି ଗ୍ରାମବାସୀ । ଗାଁର କ୍ଷମାକର ପ୍ରଧାନଙ୍କୁ ହାତୀ ଆକ୍ରମଣ କରିଥିଲା । କିନ୍ତୁ କେନ୍ଦୁଘାଟି ଗାଁକୁ ବୈତରଣୀ ନଦୀ ଘେରି ରହିଥିବା ବେଳେ ନଦୀରେ ପୋଲ ନଥିବାରୁ ଲୋକେ ବାଧ୍ୟ ହୋଇ ତାଙ୍କୁ ବୋହି ନେଇଥିଲେ । ଅନ୍ଧାର ରାତିରେ ଟର୍ଚ୍ଚ ମାରି ଖଟିଆରେ ବୋହି ଭରା ନଦୀ ପାର କରାଇଥିଲେ ଲୋକେ ।