Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାରବାଟୀରେ ହେବନି ଭାରତ-ଓ୍ଵେଷ୍ଟଇଣ୍ଡିଜ ଟି-୨୦ ମ୍ୟାଚ୍, ଦର୍ଶକ ନିରାଶ
  • ||
  • ଆଇପିଏଲ ନିଲାମୀ ତାଲିକାରୁ କ୍ରିସ୍ ଗେଲ୍‌ଙ୍କ ସମେତ ଏହି ଖେଳାଳି ବାହାର
  • ||
  • Syed Modi International: ଫାଇନାଲ୍‌ରେ ପହଞ୍ଚିଲେ ପିଭି ସିନ୍ଧୁ, ମାଲଭିକାଙ୍କ ସହ ଟାଇଟଲ୍‌ ମୁକାବିଲା
  • ||
  • IPLରେ ଜଲଓ୍ବା ଦେଖାଇବେ ଶ୍ରୀସନ୍ତ, ନିଲାମୀ ପାଇଁ ବେସ୍‌ ପ୍ରାଇସ୍ ରହିଛି ୫୦ ଲକ୍ଷ ଟଙ୍କା
  • ||
  • ଜାମ୍ମୁ କାଶ୍ମୀରରେ ଭାରତୀୟ ସେନା ପକ୍ଷରୁ ଏନକାଉଣ୍ଟର, ଜଣେ ଆତଙ୍କବାଦୀ ସଫା, ସର୍ଚ୍ଚ ଅପରେସନ ଜାରି
  • ||
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||

Sateliteରୁ ଦେଖାଯାଉଛି ଭାରତରେ କରୋନାର ପ୍ରଭାବ, ଆଗରାର ରାସ୍ତା ଖାଲି, ତାଜମହଲ ଶୂନଶାନ

19/03/2020 at 5:10 PM

ନୂଆଦିଲ୍ଲୀ ୧୯।୩: କରୋନା ସଂକ୍ରମଣର ଭୟରୁ ଏବେ ଭାରତ ବି ବାଦ ପଡିନି। ବିଶ୍ୱର ପର୍ଯ୍ୟଟକଙ୍କ ପସନ୍ଦ ତାଜମଲ ଏବେ କରୋନା ବିରୋଧରେ ଭାରତର ସଂଗ୍ରାମର ପ୍ରତୀକ ପାଲଟିଛି। ପ୍ରେମର ସ୍ମାରକ ତାଜମହଲକୁ ଗତ ୪ ଦଶନ୍ଧୀରେ ପ୍ରଥମ ଥର ପର୍ଯ୍ୟଟକଙ୍କ ଲାଗି ବନ୍ଦ କରାଯାଇଛି। କରୋନା ଭୂତାଣୁ ସଂକ୍ରମଣ ରୋକିବାକୁ ଭାରତ ସରକାରଙ୍କ ପକ୍ଷରୁ ନିଆଯାଇଥିବା ପଦକ୍ଷେପରେ ତାଜମହଲ ମଧ୍ୟ ପର୍ଯ୍ୟଟକଙ୍କ ଲାଗି ବନ୍ଦ ହୋଇଛି। ତେବେ ଅନ୍ତରୀକ୍ଷ ଫାର୍ମ ମାକ୍ସର ଟେକ୍ନୋଲଜିର ଉପଗ୍ରହ ଚିତ୍ର ଏବେ ଦେଶରେ ସିଓଭିଆଇଡି-୧୯କୁ ଆୟତ୍ତ କରିବା ଲାଗି ନିଆଯାଇଥିବା ସାମାଜିକ ଉପାୟର ପ୍ରମାଣ ପାଲଟିଛି।

ଏବେର ଉପଗ୍ରହ ଚିତ୍ର

ମାକ୍ସର ସାଟେଲାଇଟ୍ ଫଟୋରୁ କରୋନା ପୂର୍ବ ଓ ପରର ସ୍ଥିତିକୁ ସ୍ପଷ୍ଟ ଦେଖାଯାଇପାରେ। ଏଥିରେ କରୋନା ପୂର୍ବରୁ ଭିଡଭାଡ ଭରା ରାସ୍ତା ସାଙ୍ଗକୁ ତାଜମହଲ ପରିସରରେ ଅସଂଖ୍ୟ ଲୋକଙ୍କୁ ଦେଖାଯାଉଥିବା ବେଳେ ଦେଶରେ ସଂକ୍ରମଣ ପରେ ଆଗରାର ରାସ୍ତାଘଟ ଶୂନଶାନ ହୋଇଥିବା ବେଳେ ତାଜମହଲ ପରିସର ଖାଲି ଦେଖାଯାଉଛି। କେବଳ ଭାରତ ନୁହେଁ ଭୂତାଣୁ ଯୋଗୁ ମନୁଷ୍ୟ ଜୀବନ ପ୍ରତି ଦେଖାଦେଇଥିବା ବିପଦ କାରଣରୁ ସାରା ବିଶ୍ୱରେ ଏବେ ଏଭଳି ପଦକ୍ଷେପ ନିଆଯାଉଛି। ଲୋକେ ସାମାଜିକ ବାଛନ୍ଦ ହେବାକୁ ବାଧ୍ୟ ହେଉଛନ୍ତି।

ଫେବୃଆରୀ ୧୦ର ଉପଗ୍ରହ ଚିତ୍ର

ଭାରତରେ କରୋନାରେ ପ୍ରଥମ ସଂକ୍ରମିତଙ୍କ ଚିହ୍ନଟ ପରଠାରୁ ଏପର୍ଯ୍ୟ ୧୮୦ ଜଣ ଚିହ୍ନଟ ହୋଇଥିବା ବେଳେ ଦେଶରେ ଗୁରୁବାର ସୁଦ୍ଧା ମୃତ୍ୟୁ ସଂଖ୍ୟା ୪ରେ ପହଞ୍ଚିଛି। ବିଦେଶ ଫେରନ୍ତା ଓ ସଂକ୍ରମିତ ଲୋକଙ୍କ ସଂସ୍ପର୍ଷରେ ଆସିବା ହେତୁ ଶହଶହ ଲୋକଙ୍କୁ ଏବେ ଆଇସୋଲେସନରେ ରଖାଯାଇଛି। ତେବେ ୧୮୦ଜଣଙ୍କ ମଧ୍ୟରୁ ୪ ଜଣଙ୍କର ମୃତ୍ୟୁ ହୋଇଥିବା ବେଳେ ୧୫ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ଏଣୁ ଦେଶରେ କରୋନା ଆକ୍ଟିଭ କେସ୍ ୧୬୭କୁ ହ୍ରାସ ହୋଇଛି। କରୋନା ଯୋଗୁ ମହାରାଷ୍ଟ୍ରରେ ଆକ୍ରାନ୍ତଙ୍କ ସଂଖ୍ୟା ୪୯ରେ ପହଞ୍ଚିଥିବା ବେଳେ ଆନ୍ଧ୍ରପ୍ରଦେଶରେ ୨, ଦିଲ୍ଲୀରେ ୧୦, ହରିୟାଣାରେ ୧୭, କର୍ଣ୍ଣାଟକରେ ୧୪, କେରଳରେ ୨୭, ପଞ୍ଜାବରେ ୨, ରାଜସ୍ଥାନରେ ୭, ତାମିଲନାଡୁରେ ୧, ତେଲେଙ୍ଗାନାରେ ୧୩, ଜମ୍ମୁ-କାଶ୍ମୀରରେ ୪, ଲଦ୍ଦାଖରେ ୮, ଉତ୍ତରପ୍ରଦେଶରେ ୧୯, ଉତ୍ତରାଖଣ୍ଡ, ଓଡିଶା, ଛତିଶଗଡ ଓ ପଶ୍ଚିମବଙ୍ଗରେ ଜଣେ ଲେଖାଏଁ କରୋନା ପଜେଟିଭ ଚିହ୍ନଟ ହୋଇଛନ୍ତି।

   Related Posts