Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚମକିଲେ ଆୟର-ତ୍ରିପାଠୀ, ଏମଆଇକୁ ୭ ଓ୍ବିକେଟ୍‌ରେ ମାତ୍‌ ଦେଲା କେକେଆର
  • ||
  • ଭୁବନେଶ୍ବର : ଜଳଦ କୁମାର ତ୍ରିପାଠୀ ହେଲେ ମୁଖ୍ୟ ସୂଚନା କମିଶନର, ନିଯୁକ୍ତିକୁ ଅନୁମୋଦନ କଲେ ରାଜ୍ୟପାଳ
  • ||
  • ମୋରଡା : ବନ୍ୟା ପ୍ରଭାବିତ ଗାଁ ବୁଲିଲେ ବିଧାୟକ ପ୍ରଣବ ପ୍ରକାଶ ଦାସ, ମୃତକଙ୍କ ପରିବାରକୁ ପ୍ରଦାନ କଲେ ଆର୍ଥିକ ସହାୟତା
  • ||
  • ଝାରସୁଗୁଡା : ନକଲି ମାଓବାଦୀ ଗିରଫ, କମ୍ପାନୀର ସାଇଟ୍ ଇନଚାର୍ଜଙ୍କୁ ମାଗୁଥିଲା ଟଙ୍କା
  • ||
  • ଖଲ୍ଲିକୋଟ : ବିଦ୍ୟୁତ ଆଘାତ ଲାଗି ଚାଲିଗଲା ବୃଦ୍ଧଙ୍କ ଜୀବନ
  • ||
  • ଭୁବନେଶ୍ବର : ମୋଟୁ ଥାନା IICଙ୍କୁ ଗିରଫ କଲା ଭିଜିଲାନ୍ସ, କାର୍‌ରୁ ଜବତ ହୋଇଥିଲା ୨ ଲକ୍ଷ ୮୦ ହଜାର ଟଙ୍କା
  • ||
  • ପୁରୀ : ସରକାରୀ ଗାଡିରୁ ଧଳା ଜହର ଜବତ, ୪୦ଗ୍ରାମ୍ ବ୍ରାଉନସୁଗାର ସହ ୩ ଅଭିଯୁକ୍ତ ଗିରଫ
  • ||
  • କଳାହାଣ୍ଡି : କର୍ଲାପାଟ ବକ୍ସାଇଟ୍ ଖଣିର ନିଲାମ ଉପରେ ହାଇକୋର୍ଟଙ୍କ ରହିତାଦେଶ
  • ||
  • ସମ୍ବଲପୁର : ବେଆଇନ ଭାବେ ବନ୍ଧୁକ ତିଆରି ଓ ବିକ୍ରି : ଦମ୍ପତ୍ତିଙ୍କ ସମେତ ୫ ଗିରଫ, ୪ଟି ଦେଶୀ ବନ୍ଧୁକ ଜବତ
  • ||
  • ବୌଦ୍ଧ : ରାସ୍ତାରେ ପଡିଛି ଅଜଣା ଯୁବକଙ୍କ ମୃତଦେହ, ମୃତ୍ୟୁର କାରଣ ଅସ୍ପଷ୍ଟ
  • ||

ଜୟପୁର କେବିଡି ଗାଁରେ ମାଟିରେ କିଏ ଅଧାପୋତି ଚାଲିଗଲା ଶିଶୁ କନ୍ୟାକୁ ? ଉଦ୍ଧାର ପରେ ଭଲ ଅଛି ଏବେ ସ୍ବାସ୍ଥ୍ୟ

28/01/2019 at 7:14 PM

ଜୟପୁର୨୮|୧: ଏତେ ସଚେତନତା ପରେ ବି କିଛି ଲୋକଙ୍କ ପାଇଁ କେମିତି କନ୍ୟା ସନ୍ତାନ ଅଲୋଡ଼ା ହୋଇପଡ଼ିଛନ୍ତି ତା’ର ଆଉ ଏକ ଉଦାହରଣ ଦେଖିବାକୁ ମିଳିଛି ଜୟପୁର କେବିଡି ଗାଁରେ । ଗାଁ ନିକଟରେ ଥିବା ଏକ ପୋଲ ନିକଟରୁ ମାଟିରେ ପୋତା ହୋଇଥିବା ଅବସ୍ଥାରେ ଏକ ଜୀବୀତ ଶିଶୁକନ୍ୟାକୁ ଉଦ୍ଧାର କରିଥିଲେ ଲୋକେ । ଶିଶୁଟିକୁ ପ୍ରଥମେ ରାବଣାଗୁଡ଼ା ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିବା ବେଳେ ଅଧିକ ଚିକିତ୍ସା ପାଇଁ ପରେ କୋରାପୁଟ ସହିଦ ଲକ୍ଷ୍ମଣ ନାୟକ ମେଡିକାଲକୁ ସ୍ଥାନାନ୍ତର କରାଯାଇଛି । …..

ଦୁନିଆକୁ ଆଣିଥିବା ଜନ୍ମଦାତ୍ରୀର ଏଭଳି ଉଦ୍ୟମର ପ୍ରତିବାଦ କରିବାକୁ ତା’ ପାଖରେ ଶକ୍ତି ନଥିଲା । କାହିଁକି ତା’ ପ୍ରତି ଏତେ ଅନ୍ୟାୟ, ସେ ଆଜି ଯଦି ପୁଅଟେ ହୋଇଥାନ୍ତା, ତାହେଲେ କ’ଣ ମାଆ ତାକୁ  ଏମିତି ପୋଲ ତଳେ ଫୋପାଡ଼ି ଚାଲିଯାଇଥାନ୍ତା । ମାଟି ତଳେ ପୋତି ମାରିବାକୁ ତ ଭରପୁର ଚେଷ୍ଟା କରିଥିଲେ, ତା’ ଇଚ୍ଛା ବିରୁଦ୍ଧରେ ତାକୁ ଏ ଦୁନିଆକୁ ଆଣିଥିବା ମଣିଷମାନେ । ହେଲେ ଭଗବାନ ଚାହୁଁଥିଲେ ସେ ବଞ୍ଚୁ, ଏ ଦୁନିଆରେ ସ୍ନେହ ଆଦର ଆଉ ନିଷ୍ଠୁରତା ସମ୍ପର୍କର ଅନୁଭବ କରୁ । ବୋଧ ହୁଏ ସେଇଥି ପାଇଁ ତ ସେ ବଞ୍ଚିଗଲା ।

ଜୟପୁର କେବିଡି ଗାଁର କିଛି ଲୋକଙ୍କ ନଜରକୁ ଆସିଲା । ସକାଳୁ ସକାଳୁ ପୋଲ ନିକଟରେ ଛୁଆଟିର କୁଆଁ କୁଆଁ କାନ୍ଦ ସେମାନଙ୍କୁ ବିଚଳିତ କରିପକାଇଥିଲା । ଦୌଡ଼ି ଗଲେ ପାଖକୁ । ଆଉ ମାଟି ଖୋଳି ଗୋଟାଇ ଆଣିଲେ କୋଳକୁ । ପାଇଥିବା ଦୁଇ ମାସର ଶିଶୁକନ୍ୟାଟିକୁ ପାଖରେ ଥିବା ରାବଣାଗୁଡ଼ା ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରକୁ ନେଇଗଲେ । ଡାକ୍ତର କହିଲେ ତା’ର ସ୍ବାସ୍ଥ୍ୟ ଅବସ୍ଥା ଭଲ ଅଛି । ହେଲେ ଜନ୍ମରୁ ଗ୍ରହଣ ଖଣ୍ଡିଆରେ ଆକ୍ରାନ୍ତ ଥିବାରୁ ତାକୁ ଅଧିକ ଚିକିତ୍ସାର ଆବଶ୍ୟକତାକୁ ଦେଖି ଏବେ କୋରାପୁଟ ସହିଦ ଲକ୍ଷ୍ମଣ ନାୟକ ମେକିକାଲ କଲେଜରେ ଭର୍ତ୍ତି କରାଯାଇଛି ।

କିଏ ଓ କାହିଁକି ଶିଶୁକନ୍ୟାଟିକୁ ଏମିତି ମାଟି ତଳେ ପୋତି ଚାଲିଯାଇଥିଲା । ପୋଲିସ ତା’ର ତଦନ୍ତ କରୁଛି । ସେପଟେ ଚାଲିଲ୍ଡ ଲାଇନ ଓ ଶିଶୁ ମଙ୍ଗଳ ସମିତି ଘଟଣାରେ ହସ୍ତକ୍ଷେପ କରି ଶିଶୁକନ୍ୟାଟିର ଦାୟିତ୍ବ ନେଇଛନ୍ତି ।

ଜୟପୁରର ଏହି ଘଟଣା ଦେଖିବା ପରେ ଆମର ମନେ ପଡ଼ୁଛି ଯାଜପୁର କଥା । ୨୦୧୭ ମାର୍ଚ୍ଚ ମାସରେ ସମାନ ଘଟଣା ନଜରକୁ ଆସିଥିଲା ଯାଜପୁର ଶ୍ୟାମସୁନ୍ଦରପୁର ଗାଁରେ । ଏକ ଜୀବୀତ ଶିଶୁ କନ୍ୟାକୁ ପୋତା ଯାଇଥିବା ଅବସ୍ଥାରେ ଅଳିଆ ଗଦାରୁ ଉଦ୍ଧାର କରାଯାଇଥିଲା । ଏବେ ସେ ପାଖାପାଖି ୨ବର୍ଷର ହୋଇଗଲାଣି । କିନ୍ତୁ ଏବେ ସ୍ପଷ୍ଟ ହୋଇପାରିନି କିଏ ଓ କାହିଁକି ଶିଶୁକନ୍ୟାଟିକୁ ଏମିତି ଅଲୋଡ଼ା କରିଦେଇଥିଲା ।

   Related Posts