Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାରବାଟୀରେ ହେବନି ଭାରତ-ଓ୍ଵେଷ୍ଟଇଣ୍ଡିଜ ଟି-୨୦ ମ୍ୟାଚ୍, ଦର୍ଶକ ନିରାଶ
  • ||
  • ଆଇପିଏଲ ନିଲାମୀ ତାଲିକାରୁ କ୍ରିସ୍ ଗେଲ୍‌ଙ୍କ ସମେତ ଏହି ଖେଳାଳି ବାହାର
  • ||
  • Syed Modi International: ଫାଇନାଲ୍‌ରେ ପହଞ୍ଚିଲେ ପିଭି ସିନ୍ଧୁ, ମାଲଭିକାଙ୍କ ସହ ଟାଇଟଲ୍‌ ମୁକାବିଲା
  • ||
  • IPLରେ ଜଲଓ୍ବା ଦେଖାଇବେ ଶ୍ରୀସନ୍ତ, ନିଲାମୀ ପାଇଁ ବେସ୍‌ ପ୍ରାଇସ୍ ରହିଛି ୫୦ ଲକ୍ଷ ଟଙ୍କା
  • ||
  • ଜାମ୍ମୁ କାଶ୍ମୀରରେ ଭାରତୀୟ ସେନା ପକ୍ଷରୁ ଏନକାଉଣ୍ଟର, ଜଣେ ଆତଙ୍କବାଦୀ ସଫା, ସର୍ଚ୍ଚ ଅପରେସନ ଜାରି
  • ||
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||

୩ ଲକ୍ଷ ୪୧ ହଜାର ଅଯୋଗ୍ୟ ହିତାଧିକାରୀଙ୍କ ଖାତାକୁ ଯାଇଛି କାଳିଆ ଟଙ୍କା, ଅର୍ଥ କିଭଳି ଫେରିବ ଏବେ ସରକାରଙ୍କ ପାଇଁ ଏହା ଅଡୁଆସୂତା

17/09/2019 at 5:02 PM

ଭୁବନେଶ୍ବର ୧୭।୦୯-୩ ଲକ୍ଷ ୪୧ ହଜାର ଅଯୋଗ୍ୟ ହିତାଧିକାରୀଙ୍କ ଖାତାକୁ ଯାଇଛି କାଳିଆ ଟଙ୍କା । ରାଜ୍ୟର ୫୧ ଲକ୍ଷ ୫ ହଜାର ୨୯୦ ଜଣଙ୍କୁ କାଳିଆ ଯୋଜନାରେ ଯେଉଁ  ଟଙ୍କା ଦିଆଯାଇଛି ସେଥିରୁ ୩ ଲକ୍ଷ ୪୧ ହଜାର ଅଯୋଗ୍ୟ ହିତାଧିକାରୀ ଅଛନ୍ତି । ସରକାର ଏହା ଖୋଜି ବାହାର କରିଛନ୍ତି ।

ଅଯୋଗ୍ୟ ହିତାଧିକାରୀଙ୍କ ଆକାଉଣ୍ଟକୁ ୫ ହଜାର ହିସାବରେ ସରକାର ୧୭୦ କୋଟି ଟଙ୍କା ଦେଇଛନ୍ତି । ଏବେ ଯାଞ୍ଚପରେ ଧରା ପଡିଛି ଗଫଲତି । ପ୍ରଶ୍ନ ଉଠୁଛି ଏହି ଟଙ୍କା କିଭଳି ଫେରିବ? ସରକାର ଏଥିରୁ ବର୍ତ୍ତିବା ପାଇଁ ଗଳା ବାଟ ବାହାର କରିଛନ୍ତି ।

ଅଯୋଗ୍ୟ ହିତାଧିକାରୀଙ୍କ ଭିତରୁ କେବଳ ୩ ଲକ୍ଷ ଅଛନ୍ତି ଗୋଟିଏ ପରିବାରର ଏକାଧିକ ବ୍ୟକ୍ତି । ତେଣୁ ପରବର୍ତ୍ତୀ କାଳିଆ ଟଙ୍କା ସେମାନଙ୍କ  ଆକାଉଣ୍ଟକୁ ନଦେଇ ପରିବାରର ଯୋଗ୍ୟ ହିତାଧିକାରୀଙ୍କ ଆକାଉଣ୍ଟରୁ କାଟିବାକୁ ନିଷ୍ପତ୍ତି ନେଇଛି କୃଷି ବିଭାଗ  । ସେହିଭଳି ୯ ହଜାର ନାବାଳକ ଓ ନାବାଳିକାଙ୍କ ନାଁ କୁ ଯେଉଁ ଅର୍ଥ ଯାଇଛି ତାକୁ ମଧ୍ୟ ପରବର୍ତ୍ତୀ କିସ୍ତିରେ ପରିବାର ସଦସ୍ୟଙ୍କ ନାଁରେ ଆଡଜଷ୍ଟ କରାଯିବ । ହେଲେ ବାକି ୨୦ ହଜାର ଚାକିରିଆ ଓ ପେନସନ ଭୋଗୀ ଏବଂ ୧୨ ହଜାର ବଡଚାଷୀଙ୍କ ଆକାଉଣ୍ଟକୁ ଯେଉଁ ଅର୍ଥ ଯାଇଛି ତାହା କିଭଳି ଫେରିବ ତାହା ଅଡୁଆସୂତା ହୋଇ ରହିଛି ।

କାଳିଆ ଟଙ୍କା ପାଇଥିବା ହିତାଧିକାରୀଙ୍କ ତାଲିକା ଯେତେବେଳେ ରାଜ୍ୟ ସରକାର ପିଏମ୍ କିଶାନ ଯୋଜନା ପାଇଁ କେନ୍ଦ୍ରକୁ ଦେଲେନି ସେତେବେଳେ ଅସଲ ବିବାଦ ସାମ୍ନାକୁ ଆସିଥିଲା । ଯେହେତୁ ପିଏମ୍ କିଶାନ ଟଙ୍କା ଯାହା ଆକାଉଣ୍ଟକୁ ଯିବ ତାର ଭେରିଫିକେସନ ଠିକ୍‌ଭାବରେ ହେଉଥିଲା ସେଥିପାଇଁ ରାଜ୍ୟ ସରକାର ପୂରା ତାଲିକା ଦେଇନଥିଲେ । ବିରୋଧି ପ୍ରଶ୍ନ କରିଛନ୍ତି, କଣ ପାଇଁ ସରକାର ଜଣଙ୍କ ଆକାଉଣ୍ଟକୁ ଟଙ୍କା ପଠାଉଥୁଲେ ଆଉ ଏବେ କହୁଛନ୍ତି ଟଙ୍କା ଫେରାଅ । ଏ ଅବ୍ୟବସ୍ଥା ପାଇଁ ଯେଉଁ ଅଧିକାରୀ ଦାୟୀ ସେମାନଙ୍କ ଆକାଉଣ୍ଟରୁ ଟଙ୍କା ଭରଣା କରିବାକୁ ବିରୋଧି ଦାବି କରିଛନ୍ତି ।

ଅଯୋଗ୍ୟ ହିତାଧିକାରୀ ଦେଶକୁ କାଙ୍ଗାଳ କଲେଣି। ଦେଶ ଏବେ ଆର୍ଥିକ ମାନ୍ଦାବସ୍ଥାରେ ଆଉଟୁ ପାଉଟୁ ହେଉଛି। ଏଣେ ଅଯୋଗ୍ୟ ହିତାଧିକାରୀ ସରକାରୀ ଧନ ଲୁଟ କରୁଛନ୍ତି।  ଜାତୀୟ ଖାଦ୍ୟ ସୁରକ୍ଷା ଆଇନ ଅନୁଯାୟୀ ରାସନକାର୍ଡ ସହ ଆଧାର ଲିଙ୍କ୍ ପରେ ୧୮ ଲକ୍ଷରୁ ଅଧିକ ଅଯୋଗ୍ୟ ହିତାଧିକାରୀ ବାଦ୍ ପଡିଥିଲେ । ଏମାନଙ୍କ ବାବଦରେ କୋଟି କୋଟି ଖର୍ଚ୍ଚ ହୋଇଛି।  ସେହିପରି କାଳିଆ ଯୋଜନାରେ ୩ଲକ୍ଷ ୪୧ ହଜାର ନେଇଛନ୍ତି ୧୨୦ କୋଟି। ଏଭଳି ଅର୍ଥ ଅପଚୟ ଦେଶକୁ ଅଧିକ ଗରିବ କରୁନାହିଁ କି?

   Related Posts