Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିରାଟ ବାହିନୀର ସ୍ଵପ୍ନ ଧୂଳିସାତ: ଟେଷ୍ଟ କ୍ରିକେଟ୍‌କୁ ମିଳିଲା ନୂଆ ବାଦଶାହା, ଭାରତକୁ ୮ ଓ୍ଵିକେଟ୍‌ରେ ହରାଇ ବିଶ୍ଵ ଟେଷ୍ଟ ଚମ୍ପିଆନସିପ୍‌ ଜିତିଲା ନ୍ୟୁଜିଲାଣ୍ଡ
  • ||
  • ଭୁବନେଶ୍ୱରରେ ଆଜି ୩୭୫ ପଜିଟିଭ୍‌ ଚିହ୍ନଟ
  • ||
  • ବନ୍ଦିତା ପରିଡ଼ା ହେଲେ ମହିଳା କଂଗ୍ରେସ ସଭାନେତ୍ରୀ
  • ||
  • ୟୁକେ ହାଇକୋର୍ଟରୁ ନିରବ ମୋଦୀଙ୍କୁ ଝଟକା, ପ୍ରତ୍ୟର୍ପଣ ବିରୋଧରେ ଦାଖଲ ଆବେଦନ ଖାରଜ, ଏବେ ଭାରତ ଆସିବାକୁ ପଡିବ !
  • ||
  • ଭୁବନେଶ୍ବର : ଗୋରୁ ଚୋରା ଚାଲାଣ ବେଳେ ଜବତ ହେଲା ପିକଅପ୍ ଭ୍ୟାନ୍, ୫ ଗୋରୁ ଉଦ୍ଧାର, ଦଲାଲ ଫେରାର
  • ||
  • ଭୁବନେଶ୍ବର : ରାଜଧାନୀରେ ମାତିଲେ ଲୁଟେରା : ତାଲା ଭାଙ୍ଗି ଦୋକାନରେ ବୁଲାଇଲେ କଳାକନା, ସିସିଟିଭିରେ କଏଦ ହେଲା ଦୃଶ୍ୟ
  • ||
  • ଭୁବନେଶ୍ବର : ଅନଲକ୍ ପ୍ରକ୍ରିୟା ଆରମ୍ଭ ପରେ ଲୋକେ ମାନୁନାହାନ୍ତି କୋଭିଡ୍ ନିୟମ, ସୃଷ୍ଟି ହୋଇପାରେ ବିପଦ – ଡିଏମଇଟି
  • ||
  • ଭୁବନେଶ୍ବର : ଚଳିତ ବର୍ଷ ୩୦% ହ୍ରାସ ହେବ ନବମ ଓ ଦଶମ ଶ୍ରେଣୀର ସିଲାବସ୍ – ଗଣଶିକ୍ଷା ମନ୍ତ୍ରୀ
  • ||
  • କାମାକ୍ଷାନଗର : ଜଙ୍ଗଲକୁ ଯାଇଥିବା ବେଳେ ପଡିଗଲେ ଭାଲୁ ହାବୁଡରେ, ଆକ୍ରମଣରେ ୨ ଗୁରୁତର
  • ||
  • ଦେଶରେ ତଳମୁହାଁ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦ ହଜାରରୁ ଅଧିକ ପଜିଟିଭ୍,୧୩୫୮ ମୃତ
  • ||

ଇନ୍ଦୁପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଷ୍ଟ୍ରେଚର ବି ନାହିଁ, ପଟା ରିକ୍ସାରେ ବୁହା ହୋଇଯାଉଛନ୍ତି ରୋଗୀ

19/01/2019 at 5:21 PM

କେନ୍ଦ୍ରାପଡ଼ା ୧୯|୧: କେନ୍ଦ୍ରାପଡ଼ା ଜିଲ୍ଲା ଇନ୍ଦୁପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଅବ୍ୟବସ୍ଥା ନେଇ ସ୍ଥାନୀୟ ଲୋକେ ତାତିଥିବା ବେଳେ ଆଜି ଗୋଟେ ଅଭାବନୀୟ ଚିତ୍ର ଦେଖିବାକୁ ମିଳିଛି । ଡାକ୍ତରଖାନାରେ କର୍ମଚାରୀ ତ ନାହାନ୍ତି, ପୁଣି ଷ୍ଟେ୍ରଚର ନଥିବାରୁ କେମିତି ଜଣେ ରୋଗୀଙ୍କୁ ରିକ୍ସା ଟ୍ରଲିରେ ବସାଇ ହସ୍ପିଟାଲ ଭିତରକୁ ନେବାକୁ ପଡ଼ିଥିଲା,  ତାକୁ ଆପଣ ନିଜ ଆଖିରେ ନଦେଖିଲେ ବିଶ୍ବାସ କରିପାରିବେନି ।…..

କେନ୍ଦ୍ରାପଡ଼ା ଜିଲ୍ଲାରେ ଥିବା ଇନ୍ଦୁପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଉପରେ ଟିକେ ନଜର ପକାନ୍ତୁ । ଆଖପାଖ ପ୍ରାୟ ୨୫ଟି ପଞ୍ଚାୟତର ଲୋକେ ଏହି ସ୍ବାସ୍ଥ୍ୟକେନ୍ଦ୍ର ଉପରେ ନିର୍ଭର କରନ୍ତି । ହେଲେ ନା’ ଏଠି ଅଛନ୍ତି ଆବଶ୍ୟକ ସଂଖ୍ୟକ ଡାକ୍ତର, ନା’ ଅଛନ୍ତି କର୍ମଚାରୀ । ସ୍ବାସ୍ଥ୍ୟକେନ୍ଦ୍ରର ପାରିପାର୍ଶ୍ବିକ ଅବସ୍ଥା ଦେଖିଲେ ଏହା ସରକାରୀ ଡାକ୍ତରଖାନା ନା ଗୁହାଳଘର ତାକୁ ନେଇ ଆପଣ ସଂଦେହରେ ପଡ଼ିଯିବେ । ଡିସେମ୍ବର ୨୭ରେ ଇନ୍ଦୁପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ଏଭଳି ଦୁରାବସ୍ଥା ନେଇ ବିସ୍ତୃତ ଖବର ପ୍ରସାରଣ କରିଥିଲା ନ୍ୟୁଜ୍‌ ସେଭେନ୍‌ । ଏହା ପରେ ଆଜି ସଚେତନ ନାଗରିକ ଓ ବିଭିନ୍ନ ସଂଗଠନ ଇନ୍ଦୁପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପ୍ରତି ପ୍ରଶାସନିକ ଅବହେଳା ପ୍ରତିବାଦରେ ରାସ୍ତାକୁ ଓହ୍ଲାଇଥିଲେ ।

ଗୋଟେପଟେ ଇନ୍ଦୁପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ଅବ୍ୟବସ୍ଥା ନେଇ ପ୍ରତିବାଦର ସ୍ବର ତେଜୁଥିବାବେଳେ ଅନ୍ୟପଟେ ବିପର୍ଯ୍ୟସ୍ତ ରୋଗୀ ସେବାର ଫ୍ରେସ୍‌ ନମୂନା ଦେଖିବାକୁ ମିଳିଥିଲା । ଅଣ୍ଟାଭାଙ୍ଗି ଯାଇଥିବା ଜଣେ ବୃଦ୍ଧଙ୍କୁ ଆମ୍ବୁଲାନ୍‌ସ୍‌ ବଦଳରେ ଟ୍ରଲି ରିକ୍ସାରେ ହସ୍ପିଟାଲ ଅଣାଯାଇଥିଲା । ହେଲେ ହସ୍ପିଟାଲରେ ଷ୍ଟେ୍ରଚରଟିଏ ନଥିବାରୁ ସେଇ ଟ୍ରଲିରେ ବୃଦ୍ଧଙ୍କୁ ହସ୍ପିଟାଲ ଭିତରକୁ ନେବାକୁ ପଡ଼ିଥିଲା । ଘଟଣାକୁ ନେଇ ଖୋଦ୍‌ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ କାର୍ଯ୍ୟରତ ଡାକ୍ତର ମଧ୍ୟ ନିଜର ଅସହାୟତା ପ୍ରକାଶ କରିଥିଲେ ।

କେନ୍ଦ୍ରାପଡ଼ା ଜିଲ୍ଲାରେ ସବୁଠୁ ବଡ଼ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ହିସାବରେ ଗଣାଯାଉଥିବା ଇନ୍ଦୁପୁର ଡାକ୍ତରଖାନାକୁ ରାତି ପାହିଲେ ଶହ ଶହ ରୋଗୀ ଆସନ୍ତି । କିନ୍ତୁ ଏହାର ଅବସ୍ଥା କ’ଣ ସେକଥା ନିଜ ଆଖିରେ ନଦେଖିଲେ ବିଶ୍ବାସ କରିହେବନି । ଏଭଳି ଅବସ୍ଥାରେ କେମିତି ଏତେ ଲୋକଙ୍କୁ ଉତ୍ତମ ଚିକିତ୍ସା ସେବା ଯୋଗାଇଦିଆଯାଇପାରିବ ତାକୁ ନେଇ ଉଠିଛି ପ୍ରଶ୍ନ ।

   Related Posts