ଇନ୍ଦୋର ୨୬/୧୦ : ମଧ୍ୟ ପ୍ରଦେଶରେ ପର୍ଯ୍ୟଟନ ସ୍ଥଳର ବିକାଶ ଓ ବିସ୍ତାର ଯୋଜନା ଉପରେ ସରକାର କାମ କରୁଛନ୍ତି। ଏହି ଯୋଜନା ଅନୁଯାୟୀ ଇନ୍ଦୋର ମହେଶ୍ୱରର ଯେଉଁ ଘାଟରେ ବଲିଉଡ ଷ୍ଟାର ସଲମାନ ଖାନଙ୍କ ଫିଲ୍ମ ଦବଙ୍ଗ-୩ ର ସୁଟିଂ ହୋଇଥିଲା ସେହି ସ୍ଥାନକୁ ପର୍ଯ୍ୟଟନ ସ୍ଥଳ ଭାବେ ବିକଶିତ କରାଯାଉଛି। ଏହି ସ୍ଥାନରେ ଡେଷ୍ଟିନେସନ ୱେଡିଙ୍ଗ ସ୍ପଟ ଭାବେ ବିକଶିତ କରିବାକୁ ଯୋଜନା ଉପରେ କାମ କରୁଛି। ଦବଙ୍ଗ-୩ ସୁଟିଂ ସ୍ଥାନରେ ମଣ୍ଡପ ସଜାଇ ବର-ବଧୁ ବିବାହ ଆୟୋଜନ କରିପାରିବେ। ଡେଷ୍ଟିନେସନ୍ ୱେଡିଙ୍ଗ୍ ପ୍ଳାନରଙ୍କ ପାଇଁ ମଧ୍ୟ ଏହି ସ୍ଥାନ ଲୋକଙ୍କୁ ବହୁତ ପସନ୍ଦ ଆସିପାରେ। ପାଣିପାଗ ଅନୁଯାୟୀ ଏହି ସ୍ଥାନକୁ ଅନୁକୂଳ ବୋଲି କୁହାଯାଉଛି।

{"id":351091,"sizeSlug":"large"}

ଡେଷ୍ଟିନେସନ ୱେଡିଙ୍ଗ ପ୍ଲାନ କରୁଥିବା ବର-ବଧୁଙ୍କ ପାଇଁ ମଧ୍ୟ ପ୍ରଦେଶ ପର୍ଯ୍ୟଟନ ବିଭାଗ ବର୍ତ୍ତମାନ ମହେଶ୍ୱରର ଦବଙ୍ଗ-୩ ସୁଟିଂ ସ୍ଥଳରେ ବିବାହ ମଣ୍ଡପ ତିଆରି କରିବ।

{"id":351093,"sizeSlug":"large"}

ଗାନ୍ଧୀ ସାଗର ଡ୍ୟାମରେ ମଧ୍ୟ କୄଜରେ ନଭେମ୍ବର ୨୪ ତାରିଖକୁ ଏକ ନିର୍ବନ୍ଧ ସମାରୋହ ହେବ। ମଧ୍ୟ ପ୍ରଦେଶ ପର୍ଯ୍ୟଟନର ଇନ୍ଦୋର ରିଜନର ୭ ଭିନ୍ନ ଭିନ୍ନ ସ୍ଥାନରେ ୮ଟି ହୋଟେଲରେ ନଭେମ୍ବର ଓ ଡିସେମ୍ବରରେ ୩୪ଟି ବିବାହ ପାଇଁ ବୁକିଂ ହୋଇଛି। ଏହାକୁ ଦୃଷ୍ଟିରେ ରଖି ପର୍ଯ୍ୟଟନ ବିଭାଗ ଆଶା ପ୍ରକାଶ କରିଛି ଯେ ଏଠାରେ ଡେଷ୍ଟିନେସନ ୱେଡିଙ୍ଗ ପାଇଁ ଆହୁରି ପ୍ରସ୍ତାବ ଆସିପାରେ।

{"id":351094,"width":572,"height":385,"sizeSlug":"large"}

ଇନ୍ଦୋରର ଡେଷ୍ଟିନେସନ ୱେଡିଙ୍ଗ ସ୍ଥାନମାନଙ୍କରେ ଗତ ବର୍ଷ ଦୁଇ ମାସରେ କେବଳ ୪ଟି ବିବାହ ସମାରୋହ ହୋଇଥିଲା। କିନ୍ତୁ ଚଳିତ ବର୍ଷ ୩୪ଟି ବୁକିଂ ହୋଇସାରିଛି। ଇନ୍ଦୋର ଆଖପାଖ ଅଞ୍ଚଳ ସହ ମହାରାଷ୍ଟ୍ର, ଗୁଜରାଟ ଓ ରାଜସ୍ଥାନର ଲୋକେ ମଧ୍ୟ ମହେଶ୍ୱର, ମାଣ୍ଡୁ ଓ ଗାନ୍ଧୀ ସାଗରରେ ଡେଷ୍ଟିନେସନ ୱେଡିଙ୍ଗ ପ୍ଲାନ କରୁଛନ୍ତି। ପର୍ଯ୍ୟଟନ ଦୃଷ୍ଟିକୋଣରୁ ମଧ୍ୟ ଏହିସବୁ ସ୍ଥାନକୁ ବିକଶିତ କରାଯାଉଛି ଯେପରିର ରାଜ୍ୟର ରାଜସ୍ବ ମଧ୍ୟ ବୃଦ୍ଧି ହୋଇପାରିବ।