Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁନିଗୁଡା : ମାଲବାହୀ ଟ୍ରେନ୍‌ର ୪ଟି ବଗି ଲାଇନଚ୍ୟୁତ, ରାୟଗଡା-ଟିଟିଲାଗଡ ମଧ୍ୟରେ ରେଳ ଚଳାଚଳ ବାଧାପ୍ରାପ୍ତ
  • ||
  • ଭୁବନେଶ୍ବର : ପିପିଲି ଉପନିର୍ବାଚନ ପାଇଁ ପ୍ରତାପ ଦେବଙ୍କୁ ପର୍ଯ୍ୟବେକ୍ଷକ ଦାୟିତ୍ବ ଦେଲା ବିଜେଡି
  • ||
  • କୋରାପୁଟ : ଘାଟିରେ ସିରିଜ୍ ଦୁର୍ଘଟଣା, ତେଲ ଟ୍ୟାଙ୍କରକୁ ପିଟିଲା ଟ୍ରକ୍, ବ୍ରେକ୍ ଫେଲ୍ ହେବାରୁ ଟ୍ରକ୍କୁ ଧକ୍କାଦେଲା ପିକଅପ୍ ଭ୍ୟାନ୍
  • ||
  • ରାଉରକେଲା : ଯୁବକଙ୍କ ଗଳିତ ମୃତଦେହ ଉଦ୍ଧାର, ଶନିବାର ରାତିରୁ ଥିଲେ ନିଖୋଜ, ହତ୍ୟା ଅଭିଯୋଗ ଆଣିଲେ ପରିବାର
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୧୩ କୋଭିଡ୍ ପଜିଟିଭ୍‌, ୩୩୪୭୮୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜଗତସିଂହପୁର : ବ୍ୟାଙ୍କ୍ ଲୁଟ୍ ଉଦ୍ୟମ ପଣ୍ଡ, ଆଲମିରାରେ ନିଆଁ ଲାଗି ପୋଡିଗଲା ବହୁ ଗୁରୁତ୍ବପୂର୍ଣ୍ଣ କାଗଜପତ୍ର
  • ||
  • ଯାଜପୁର : ରାସ୍ତାକଡରୁ ରମାଦେବୀ ଛାତ୍ରୀଙ୍କ ମୃତଦେହ ମିଳିବା ଘଟଣାରେ ୨ ଅଭିଯୁକ୍ତକୁ ଚିହ୍ନଟ କଲା ପୋଲିସ
  • ||
  • ଆଠମଲ୍ଲିକ : ବାରହା ଶିକାର ପାଇଁ ବିଦ୍ୟୁତ୍ ତାର ବିଛାଇଥିଲେ, ସଂସ୍ପର୍ଶରେ ଆସି ଚାଲିଗଲା ନିଜ ଜୀବନ
  • ||
  • ସୋର : ଖେଳୁଥିବା ବେଳେ ୩ବର୍ଷର ଶିଶୁ ଉପରେ ମାଡିଗଲା ଟ୍ରକ୍, ଘଟଣାସ୍ଥଳରେ ମୃତ୍ୟୁ
  • ||
  • ନୂଆଦିଲ୍ଲୀ : ଭାରତ ପୁଣି ବଢାଇଲା ସହଯୋଗର ହାତ, ବାହାରିନ୍‌ ଓ ଶ୍ରୀଲଙ୍କାକୁ ପଠାଇଲା କୋଭିସିଲ୍ଡ ଟିକା
  • ||

ଦେଶର ସବୁଠୁ ସ୍ୱଚ୍ଛ ସହର କେମିତି ହେଲା କରୋନା ହଟସ୍ପଟ୍ ? ଏବେ ଯାଏଁ ୨୨ ଜଣଙ୍କ ଯାଇଛି ଜୀବନ

9/04/2020 at 5:37 PM

ନୂଆଦିଲ୍ଲୀ ୦୯/୦୪ : ସାମାଜିକ, ଅର୍ଥନୈତିକ ଓ ସାଂସ୍କୃତିକ ଗତିବିଧିରେ ସବୁବେଳେ ସକ୍ରିୟ ଥିବା ମଧ୍ୟପ୍ରଦେଶର ସବୁଠାରୁ ବଡ ସହର ଇନ୍ଦୋର କରୋନା ପ୍ରକୋପ ଯୋଗୁଁ କର୍ଫ୍ୟୁ ଘେରରେ ରହିଛି | ଦ୍ରୁତ ଗତିରେ ଏହି ମହାମାରୀ ବ୍ୟାପୁଥିବା ସରକାରଙ୍କ ଚିନ୍ତା ବଢ଼ାଇଛି | ପୀଡିତଙ୍କ ମୃତ୍ୟୁକୁ ନେଇ ମଧ୍ୟ ସରକାର ଚିନ୍ତିତ | କେନ୍ଦ୍ର ସରକାରଙ୍କ ସୂଚନା ଅନୁଯାୟୀ, ଦେଶରେ ଆଜି ସକାଳ ସୁଦ୍ଧା ସଂକ୍ରମଣ ସଂଖ୍ୟା ୫୭୩୪ ରହିଥିଲା ଏବଂ ମୃତକଙ୍କ ସଂଖ୍ୟା ୧୬୬ ଥିଲା |

ମଧ୍ୟପ୍ରଦେଶ ସରକାରଙ୍କ ସୂଚନା ଅନୁଯାୟୀ, ଆଜି ସକାଳ ସୁଦ୍ଧା ଇନ୍ଦୋରରେ ୨୧୩ ଜଣ ସଂକ୍ରମିତ ହୋଇଥିବାବେଳେ ୨୨ ଜଣ ପ୍ରାଣ ହରାଇ ସାରିଛନ୍ତି | ଅର୍ଥାତ ଇନ୍ଦୋରରେ କରୋନା ସଂକ୍ରମଣ ମୃତ୍ୟୁ ୧୦.୩୩ ପ୍ରତିଶତ | ଦେଶର ମୃତ୍ୟୁ ହାର ତୁଳନାରେ ଇନ୍ଦୋରରେ କରୋନା ମୃତ୍ୟୁ ହାର ଅଧିକ ରହିଛି | ତେବେ ସ୍ଥାନୀୟ ପ୍ରଶାସନ ପ୍ରାଥମିକ ସ୍ଥରରେ କରୋନା ମୁକାବିଲା ପାଇଁ ଉଚିତ ପଦକ୍ଷେପ ନ ନେଇଥିବା ଅଭିଯୋଗ ହେଉଛି | ଯେଉଁଥିପାଇଁ ସଂକ୍ରମଣ ଦ୍ରୁତ ଗତିରେ ବ୍ୟାପିଛି |

ସ୍ୱାସ୍ଥ୍ୟ ବିଭାଗରେ କାର୍ଯ୍ୟରତ ସାମାଜିକ କର୍ମୀ ଅମୁଲ୍ୟ ନିଧି କହିଛନ୍ତି ଯେ, ମହାରାଷ୍ଟ୍ର, ରାଜସ୍ଥାନ ଓ ଗୁଜୁରାଟ ଭଳି ପଡୋଶୀ ରାଜ୍ୟରେ କରୋନା ମାମଲା ସାମ୍ନାକୁ ଆସିବା ପରେ ଇନ୍ଦୋରରେ ଯାତ୍ରୀଙ୍କ ଯାଞ୍ଚ କଡାକଡି କରାଯାଇଥିଲା ଯେଉଁମାନେ ବିମାନ ଯୋଗେ ଇନ୍ଦୋର ଆସିଥିଲେ | କିନ୍ତୁ କେବଳ ବିମାନ ଯୋଗେ ଆସୁଥିବା ଯାତ୍ରୀଙ୍କ ଯାଞ୍ଚ କରିବା ଭୁଲ ନିଷ୍ପତ୍ତି ଥିଲା | କାରଣ ଯେହେତୁ ଇନ୍ଦୋର ଏକ ବଡ ଵାଣିଜ୍ୟକ କେନ୍ଦ୍ର ଏଠାକୁ ଟ୍ରେନ ଯୋଗେ ଓ ରାଜପଥ ଦେଇ ମଧ୍ୟ ଅନେକ ରାଜ୍ୟର ହଜାର ହଜାର ଲୋକ ପ୍ରତିଦିନ ସହରକୁ ଯିବା ଆସିବା କରିଥାନ୍ତି | ପ୍ରଥମରୁ କରୋନା ଯାଞ୍ଚ ସଠିକ ଭାବରେ କରାଯାଇନଥିବା ସେ କହିଛନ୍ତି | ଯେଉଁଥିପାଇଁ ସଂକ୍ରମଣ ମାମଲା ବଢ଼ିବାରେ ଲାଗିଛି |

ସୂଚନାଯୋଗ୍ୟ ଯେ, କରୋନା ସଂକ୍ରମଣ ଭୟ ଯୋଗୁଁ ଜିଲ୍ଲା ପ୍ରଶାସନ ମାର୍ଚ୍ଚ ୨୩ ତାରିଖରୁ ୩ ଦିନିଆ ଲକଡାଉନ ଘୋଷଣା କରିଥିଲେ | କିନ୍ତୁ କରୋନା ରୋଗୀ ଚିହ୍ନଟ ହେବାପରେ ମାର୍ଚ୍ଚ ୨୫ ତାରିଖରେ ସହର ସୀମାରେ କର୍ଫ୍ୟୁ ଜାରି କରାଯାଇଥିଲା | ଅମୁଲ୍ୟ ନିଧି କହିଛନ୍ତି ଯେ, ଇନ୍ଦୋର ଭଳି ଜନଗହଳିପୂର୍ଣ୍ଣ ସହରକୁ ମାର୍ଚ୍ଚ ପହିଲାରୁ କରିବାର ଥିଲା | ୩୦ ଲକ୍ଷରୁ ଅଧିକ ଜନସଂଖ୍ୟା ଥିବା ଏହି ସହରରେ ଲଗାତାର ଅଲଗା ଅଲଗା ଜାଗାରୁ କରୋନା ରୋଗୀ ଚିହ୍ନଟ ହେଉଛନ୍ତି |

ରାଷ୍ଟ୍ରୀୟ ସ୍ୱଚ୍ଛତା ରେଂକିଙ୍ଗରେ ଲଗାତାର ୩ ଥର ପ୍ରଥମ ଆସିଛି ଇନ୍ଦୋର ସହର | କିନ୍ତୁ ବର୍ତ୍ତମାନ କରୋନା ତୃତୀୟ ଷ୍ଟେଜରେ ପହଞ୍ଚି ନାହିଁ | ବର୍ତ୍ତମାନ ଏଠାରେ କରୋନାର ସାମୁହିକ ପ୍ରସାର ସ୍ଥର ସ୍ପଷ୍ଟ ହୋଇନାହିଁ |

ସ୍ୱାସ୍ଥ୍ୟ ଅଧିକାରୀ କହିଛନ୍ତି ଯେ, କରୋନା ଯୋଗୁଁ ପ୍ରାଣ ହରାଇଥିବା ଅଧିକାଂଶ ରୋଗୀ ବିଳମ୍ବରେ ହସ୍ପିଟାଲରେ ପହଞ୍ଚିଥିଲେ ଏବଂ ତାଙ୍କ ଅବସ୍ଥା ଗମ୍ଭୀର ଥିବା ଯୋଗୁଁ ତାଙ୍କୁ ସିଧାସଳଖ ଆଇସିୟୁରେ ରଖାଯାଇଥିଲା | ଏମାନଙ୍କ ମଧ୍ୟରେ କରୋନା ଛଡା ଅନ୍ୟାନ୍ୟ ପୁରୁଣା ରୋଗ ମଧ୍ୟ ରହିଥିଲା |

ସୂଚନାଯୋଗ୍ୟ ଯେ, ସହରର ଅନେକ ସ୍ଥାନରେ ଲୋକଙ୍କ ଭିଡ ଦେଖିବା ପରେ ପ୍ରଶାସନ କର୍ଫ୍ୟୁ ଜାରି କରିଛନ୍ତି | ସଂକ୍ରମଣ ସଂଖ୍ୟା ଆହୁରି ବଢିଲେ ନିୟମ ଆହୁରି କଡାକଡି କରାଯିବ ବୋଲି ପ୍ରଶାସନ ନିର୍ଦେଶ ଦେଇଛନ୍ତି | ଆବଶ୍ୟକୀୟ ଜିନିଷ ଯେଭଲିକି କ୍ଷୀର, ରାସନ, ଆଳୁ ପିଆଜ ଭଳି ଜିନିଷ ଘରକୁ ଘର ଯୋଗାଇବା ପାଇଁ ପ୍ରଶାସନ ବ୍ୟବସ୍ଥା କରିଛି | ଯାହାଫଳରେ ଲୋକେ ଘରୁ ବାହାରିବେ ନାହିଁ |

ରାଜ୍ୟରେ ଯେତେବେଳେ କରୋନା ନିଜର କାୟା ବିସ୍ତାର କରିବାରେ ଲାଗିଥିଲା ସେତେବେଳେ କମଲନାଥ ସରକାର ଅନ୍ୟ ବାଗୀ ବିଧାୟକଙ୍କ ଯୋଗୁଁ ପତନ ସୀମାରେ ଥିଲେ | ସେତେବେଳେ ସରକାର ଜନତାଙ୍କୁ ବଞ୍ଚାଇବା ପାଇଁ ସରକାରୀ ବ୍ୟବସ୍ଥା ଉପରେ ରାଜନୈତିକ ଓ ପ୍ରଶାସନିକ ଭୁଲ ସ୍ପଷ୍ଟ ବାରି ହୋଇପଡୁଛି |

   Related Posts