Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଟିକାକରଣ ଏକ କୋଟି ପାର, ଶୁଭେଚ୍ଛା ଜଣାଇଲା ସ୍ବାସ୍ଥ୍ୟ ବିଭାଗ
  • ||
  • ରାଜ୍ୟରେ ଦିନକରେ ସୁସ୍ଥ ହେଲେ ୪୫୮୭ କରୋନା ଆକ୍ରାନ୍ତ , ଖୋର୍ଦ୍ଧାରୁ ସର୍ବାଧିକ ୬୭୧ ଡିସଚାର୍ଜ
  • ||
  • ଜୁନ ୨୪ରେ ବୈଠକ ଡାକିଲେ କଂଗ୍ରେସ ହାଇକମାଣ୍ଡ ସୋନିଆ ଗାନ୍ଧି, ଦଳୀୟ କନ୍ଦଳ ନେଇ ହେବ ମାନସମନ୍ଥନ
  • ||
  • ଭଦ୍ରକ : ବ୍ରାଉନସୁଗାର ସେବନକୁ ବିରୋଧ କରିବାରୁ ମାରଣାସ୍ତ୍ର ଧରି ଗୋଡାଇଲେ ଯୁବକ, ୩ ଗିରଫ, ୧୦ ଗ୍ରାମ ବ୍ରାଉନସୁଗାର ଜବତ
  • ||
  • ଭୁବନେଶ୍ବର : କୋଭିଡ୍ ଦ୍ବାରା କ୍ଷତିଗ୍ରସ୍ତ ଅନେକ ଅର୍ଗାନ୍ ରହୁନି ସୁରକ୍ଷିତ – ଡିଏମଇଟି
  • ||
  • ୫୦ ନେତାଙ୍କୁ ପ୍ରିୟଙ୍କା ଗାନ୍ଧୀଙ୍କ ଫୋନ୍ : ‘ଆପଣଙ୍କ ଟିକେଟ୍ କନଫର୍ମ୍, ନିର୍ବାଚନ ପାଇଁ ପ୍ରସ୍ତୁତ ହୁଅ’
  • ||
  • ଇଟ୍ଟାନଗର : ପୁଣି ଥରିଲା ଅରୁଣାଞ୍ଚଳ ପ୍ରଦେଶ, ଇଟ୍ଟାନଗରରେ ଭୂକମ୍ପ ଝଟ୍‌କା
  • ||
  • ଭୁବନେଶ୍ବର : କେନ୍ଦ୍ର ସରକାରଙ୍କ ନୂଆ ଗାଇଡ୍ ଲାଇନ୍ ଅନୁଯାୟୀ ବ୍ୟବହାର ହେବ ଷ୍ଟେରଏଡ୍ – ନିରଞ୍ଜନ ମିଶ୍ର
  • ||
  • ଭୁବନେଶ୍ବର : ଦ୍ବିତୀୟ ଲହର ଅପେକ୍ଷା ତୃତୀୟ ଲହର ପ୍ରଭାବ କମ୍, ତଥାପି ଜୋରଦାର କରିବାକୁ ପଡିବ ଟିକାକରଣ – ଜନସ୍ବାସ୍ଥ୍ୟ ନିର୍ଦ୍ଦେଶକ
  • ||
  • ପାଟଣା : ଘରେ ଶୋଇଥିବା ବେଳେ କାମୁଡିଦେଲା ସାପ, ଚାଲିଗଲା ମହିଳାଙ୍କ ଜୀବନ
  • ||

ଇଣ୍ଡୋନେସିଆ ସମୁଦ୍ରରେ ଭୂସ୍ଖଳନ ହୋଇ ସୁନାମି: ମୃତ୍ୟୁ ସଂଖ୍ୟା ୨୮୧କୁ ଛୁଇଁଲା, ଫେଲ ମାରିଲା ପ୍ରାକୃତିକ ବିପର୍ଯ୍ୟୟ ବିଭାଗ

24/12/2018 at 4:52 PM

ଜାକର୍ତ୍ତା ୨୪/୧୨ : ଇଣ୍ଡୋନେସିଆର ସୁନ୍ଦା ଘାଟିରେ ଆଗ୍ନେୟ ଉଦଗୀରଣ ହୋଇ ଆସିଥିଲା ସୁନାମି | ସୁନାମି ପ୍ରଭାବରେ ଏଯାଏଁ ୨୮୧ ଲୋକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି | ୧୦୦୦ ରୁ ଅଧିକ ଲୋକେ ଆଘାତ ହୋଇଛନ୍ତି | ଶନିବାର ବିଳମ୍ବିତ ରାତିରେ ଜ୍ୱାଳାମୁଖୀ ଫାଟିବା ଦ୍ୱାରା ସମୁଦ୍ର ତଳେ ଭୂସ୍ଖଳନ ହୋଇଥିଲା | ଫଳରେ ସମୁଦ୍ର ତଟ ଅଂଚଳରେ ସୁନାମିର ପ୍ରଭାବ ଦେଖିବାକୁ ମିଳିଥିଲା | ଆତଙ୍କ ଖେଳାଇଦେଇଥିଲା ଏହି ସୁନାମି |

ଦକ୍ଷିଣ ସୁମାତ୍ରା ଅଂଚଳରେ ଅନେକ ବଡ ବଡ କୋଠା ଭୁଶୁଡି ପଡିଛି | ଖବର ମୁତାବିକ, ସୁନ୍ଦା ଅଂଚଳରେ ଆଉ ଏକ ସୁନାମି ଆସିବାର ସମ୍ଭାବନା ରହିଛି | ଇଂଲଣ୍ଡ ୟୁନିଭର୍ସିଟି ପ୍ରଫେସରଙ୍କ ସୂଚନା ଅନୁଯାୟୀ, କକ୍ରାତୋଆ ଜ୍ୱାଳାମୁଖୀ ଏବେ ମଧ୍ୟ ଉଦଗୀରଣ ହେଉଛି | ଯାହାଫଳରେ ସମୁଦ୍ର ସ୍ଥଳରେ ପୁଣି ଥରେ ଭୂସ୍ଖଳନର ଆଶଙ୍କା କରାଯାଉଛି | ୧୮୮୩ ମସିହାରେ କକ୍ରାତୋଆ ଜ୍ୱାଳାମୁଖୀ ଫାଟିବା ଯୋଗୁଁ ୩୬ ହଜାର ଲୋକଙ୍କ ମୃତ୍ୟୁ ହୋଇଥିଲା |


ତେବେ ମୃତଙ୍କ ସଂଖ୍ୟା ଆହୁରି ବଢିବାର ଆଶଙ୍କା ରହିଛି | ବଡ ବଡ କୋଠା ପଡିଯିବାରୁ ଭଙ୍ଗା କୋଠା ତଳେ ଅନେକ ଲୋକ ଚାପି ହୋଇରହିଥିବା ଆଶଙ୍କା କରାଯାଉଛି | ପୋଲିସ ଏବଂ ସେନା କର୍ମୀ ଲୋକଙ୍କୁ ଉଦ୍ଧାର କରିବାରେ ଲାଗିଛନ୍ତି | ସୁନ୍ଦା ଘାଟି ଇଣ୍ଡୋନେସିଆର ଯାବା ଏବଂ ସୁମାତ୍ରା ଦ୍ବୀପ ମଝିରେ ରହିଛି |


ଖବର ମୁତାବିକ, ଆସନ୍ନ ବିପଦ ବିଭାଗ ଲୋକଙ୍କୁ ସୁନାମି ବିଷୟରେ ସୂଚନା ଦେବାରେ ଅସମର୍ଥ ହୋଇଥିଲା | ସମୁଦ୍ରରେ ଉଚ୍ଚ ଜୁଆର ଉଠିଥିବା ଦେଖି ପ୍ରଥମେ ଜୁଆର ଭଟ୍ଟାର ଆଶଙ୍କା କରାଯାଇଥିଲା | ତେବେ ବିଭାଗ ଲୋକଙ୍କୁ ମିଛ ସୂଚନା ନଦେବାକୁ ପରାମର୍ଶ ଦେଇଥିଲା | କିନ୍ତୁ ସୁନାମିର ଭୟାବହତା ପରେ ବିଭାଗ କ୍ଷମା ପ୍ରାର୍ଥନା କରିଛି |


ଚଳିତ ବର୍ଷ ସେପ୍ଟେମ୍ବର ମାସରେ ଇଣ୍ଡୋନେସିଆର ସୁଲାବେଶୀ ଦ୍ବୀପରେ ଭୂମିକମ୍ପ ପରେ ସୁନାମି ଆସିଥିଲା | ଏଥିରେ ୮୩୨ ଲୋକଙ୍କ ମୃତ୍ୟୁ ହୋଇଥିଲା | ୨୦୦୪ ମସିହାରେ ସୁମାତ୍ରାରେ ଭୟଙ୍କର ଭୂମିକମ୍ପ ହୋଇଥିଲା | ରକ୍ତର ସ୍କେଲରେ ଯାହାର ତୀବ୍ରତା ୯.୩ ରେକର୍ଡ କରାଯାଇଥିଲା | ଏଥିରେ ଭାରତ ସହ ଅନ୍ୟ ୧୪ଟି ଦେଶ ପ୍ରଭାବିତ ହୋଇଥିଲେ |


ଇଂଡିନେସିଆରେ ସବୁଠାରୁ ଅଧିକ ପ୍ରାକୃତିକ ବିପର୍ଯୟ ଦେଖା ଦେଇଥାଏ | ଇଣ୍ଡୋନେସିଆ ‘ରିଙ୍ଗ ଅଫ ଫାୟାର’ ଉପରେ ଅବସ୍ଥିତ | ଭୂପୃଷ୍ଠାରେ ମଧ୍ୟରେ ଟେକଟାନିକ ପ୍ଲେଟସ ପରସ୍ପରକୁ ଧକ୍କା ଦେବା ଫଳରେ ଭୂମିକମ୍ପ ଏବଂ ଜ୍ୱାଳାମୁଖୀ ବିସ୍ଫୋରଣ ଭଳି ଘଟଣା ଘଟିଥାଏ |

   Related Posts