Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚମକିଲେ ଆୟର-ତ୍ରିପାଠୀ, ଏମଆଇକୁ ୭ ଓ୍ବିକେଟ୍‌ରେ ମାତ୍‌ ଦେଲା କେକେଆର
  • ||
  • ଭୁବନେଶ୍ବର : ଜଳଦ କୁମାର ତ୍ରିପାଠୀ ହେଲେ ମୁଖ୍ୟ ସୂଚନା କମିଶନର, ନିଯୁକ୍ତିକୁ ଅନୁମୋଦନ କଲେ ରାଜ୍ୟପାଳ
  • ||
  • ମୋରଡା : ବନ୍ୟା ପ୍ରଭାବିତ ଗାଁ ବୁଲିଲେ ବିଧାୟକ ପ୍ରଣବ ପ୍ରକାଶ ଦାସ, ମୃତକଙ୍କ ପରିବାରକୁ ପ୍ରଦାନ କଲେ ଆର୍ଥିକ ସହାୟତା
  • ||
  • ଝାରସୁଗୁଡା : ନକଲି ମାଓବାଦୀ ଗିରଫ, କମ୍ପାନୀର ସାଇଟ୍ ଇନଚାର୍ଜଙ୍କୁ ମାଗୁଥିଲା ଟଙ୍କା
  • ||
  • ଖଲ୍ଲିକୋଟ : ବିଦ୍ୟୁତ ଆଘାତ ଲାଗି ଚାଲିଗଲା ବୃଦ୍ଧଙ୍କ ଜୀବନ
  • ||
  • ଭୁବନେଶ୍ବର : ମୋଟୁ ଥାନା IICଙ୍କୁ ଗିରଫ କଲା ଭିଜିଲାନ୍ସ, କାର୍‌ରୁ ଜବତ ହୋଇଥିଲା ୨ ଲକ୍ଷ ୮୦ ହଜାର ଟଙ୍କା
  • ||
  • ପୁରୀ : ସରକାରୀ ଗାଡିରୁ ଧଳା ଜହର ଜବତ, ୪୦ଗ୍ରାମ୍ ବ୍ରାଉନସୁଗାର ସହ ୩ ଅଭିଯୁକ୍ତ ଗିରଫ
  • ||
  • କଳାହାଣ୍ଡି : କର୍ଲାପାଟ ବକ୍ସାଇଟ୍ ଖଣିର ନିଲାମ ଉପରେ ହାଇକୋର୍ଟଙ୍କ ରହିତାଦେଶ
  • ||
  • ସମ୍ବଲପୁର : ବେଆଇନ ଭାବେ ବନ୍ଧୁକ ତିଆରି ଓ ବିକ୍ରି : ଦମ୍ପତ୍ତିଙ୍କ ସମେତ ୫ ଗିରଫ, ୪ଟି ଦେଶୀ ବନ୍ଧୁକ ଜବତ
  • ||
  • ବୌଦ୍ଧ : ରାସ୍ତାରେ ପଡିଛି ଅଜଣା ଯୁବକଙ୍କ ମୃତଦେହ, ମୃତ୍ୟୁର କାରଣ ଅସ୍ପଷ୍ଟ
  • ||

ବ୍ରହ୍ମପୁତ୍ର ନଦୀ ଉପରେ ନିର୍ମିତ ଦେଶର ସବୁଠୁ ଲମ୍ବା ରେଳରୋଡ଼ ବ୍ରିଜ ‘ବୋଗିବିଲ’ ଉଦଘାଟନ କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି

25/12/2018 at 3:41 PM

ଦିଵରୂଗଡ଼ ୨୫/୧୨ : ଆଜି ପୂର୍ବତ୍ତନ ପ୍ରଧାନମନ୍ତ୍ରୀ ଦିବଂଗତ ନେତା ଅଟଳ ବିହାରୀ ବାଜପେୟୀଙ୍କ ୯୪ତମ ଜନ୍ମଦିନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବ୍ରହ୍ମପୁତ୍ର ନଦୀ ଉପରେ ନିର୍ମିତ ଦେଶର ସବୁଠାରୁ ଲମ୍ବା ବ୍ରିଜର ଉଦଘାଟନ କରିଛନ୍ତି | ବୋଗିବିଲ ବ୍ରିଜ ହେଉଛି ଦେଶର ସବୁଠାରୁ ଲମ୍ବା ରେଳ ରୋଡ଼ ବ୍ରିଜ |

ବ୍ରିଜ ନିର୍ମାଣରେ ୮୦ ହଜାର ଟନ ଷ୍ଟିଲ ପ୍ଲେଟ ବ୍ୟବହୃତ ହୋଇଛି | ବ୍ରିଜର ଵିମ ତିଆରି କରିବା ପାଇଁ ଇଟାଲୀରୁ ସ୍ୱତନ୍ତ୍ର ମେସିନ ମଗାଯାଇଥିଲା | ଵିମକୁ ପିଲର ଉପରେ ଚଢେଇବା ପାଇଁ ୧୦୦୦ ଟନର ହାଇଡ୍ରୋଲିକ ଏବଂ ସ୍ଟ୍ରେଣ୍ଡ ଜ୍ୟାକ ବ୍ୟବହୃତ ହୋଇଥିଲା | ବ୍ରିଜ ଆଗାମୀ ୧୨୦ ବର୍ଷ ପର୍ଯ୍ୟନ୍ତ ଚାଲିବ ବୋଲି ଆଶା କରାଯାଉଛି |

୧୯୯୭ ମସିହାରେ ସଂଯୁକ୍ତ ମୋର୍ଚ୍ଚା ସରକାରଙ୍କ ପ୍ରଧାନମନ୍ତ୍ରୀ ଏଚଡ଼ି ଦେବେଗୌଡ଼ା ଏହି ବ୍ରିଜର ଶିଳାନ୍ୟାସ କରିଥିଲେ | ୨୦୦୨ ମସିହାରେ ଅଟଳ ବିହାରୀ ବାଜପେୟୀଙ୍କ ସରକାର ବ୍ରିଜ କାମ ଆରମ୍ଭ କରିଥିଲେ | ଏହି ବ୍ରିଜ ନିର୍ମାଣ ହେବାରେ ୫୯୨୦ କୋଟି ଟଙ୍କା ଖର୍ଚ୍ଚ ହୋଇଛି | ବ୍ରିଜ ନିର୍ମାଣ ଶେଷ ହେବା ପାଇଁ ୧୬ ବର୍ଷ ଲାଗିଥିଲା | ଏହି ବ୍ରିଜ ଦେଇ ପ୍ରଥମ ମାଲ ବୋଝେଇ ଟ୍ରେନ ଡିସେମ୍ବର ୩ ତାରିଖରେ ଗତି କରିଥିଲା | ଏହି ବ୍ରିଜକୁ ଅରୁଣାଚଳ ପ୍ରଦେଶ ଚୀନ ସୀମା ପର୍ଯ୍ୟନ୍ତ ବିକାଶ ପରିଯୋଜନା ଅନୁସାରେ ନିର୍ମାଣ କରାଯାଇଛି | ଭାରତ ଚୀନ ସୀମା ପାଖାପାଖି ୪୦୦୦ କି:ମି: ଲମ୍ବା ପର୍ଯ୍ୟନ୍ତ ବ୍ୟାପିଛି |

ବୋଗିବିଲ ବ୍ରିଜ ଇଂଜିନିୟରଙ୍କ ଅଦ୍ଭୁତ କୌଶଳ ବୋଲି ପରିକଳ୍ପନା କରାଯାଉଛି | ଏହି ବ୍ରିଜ ଆସାମର ଦିଵରୂଗଡ଼ ଠାରୁ ଅରୁଣାଚଳ ପ୍ରଦେଶର ଧେମାଜୀ ଜିଲ୍ଲାକୁ ଯୋଡ଼ିବ | ଆସାମରୁ ଅରୁଣାଚଳ ଯିବା ପାଇଁ ୧୦ ଘଣ୍ଟା ସମୟ ଲାଗିଥାଏ | ବ୍ରିଜ ନିର୍ମାଣ ପରେ ଦିଵରୂଗଡ଼ ଠାରୁ ଧେମାଜୀର ଦୂରତା ୫୦୦ କି:ମି: ରୁ କମି ୧୦୦ କି:ମି: ହୋଇଯିବ |


ଉତ୍ତର-ପୂର୍ବ ଫ୍ରଣ୍ଟିୟର ରେଲୱେର ସିପିଆଇଓ ପ୍ରଣବ ଜ୍ୟୋତିଙ୍କ କହିବାନୁଯାୟୀ, ବ୍ରହ୍ମପୁତ୍ର ନଦୀ ଉପରେ ବ୍ରିଜ ନିର୍ମାଣ ଏକ ଚ୍ୟାଲେଞ୍ଜ ଥିଲା | କାରଣ ସେପଟେ ଅଂଚଳରେ ଅଧିକ ବର୍ଷା ହୋଇଥାଏ | ସିସ୍ମିକ କ୍ଷେତ୍ରରେ ଥିବା ଯୋଗୁଁ ଏଠାରେ ଭୂମିକମ୍ପଏଅ ସମ୍ଭାବନା ମଧ୍ୟ ଅଧିକ ଥାଏ | ତଥାପି ଏହି ସବୁ ଚ୍ୟାଲେଞ୍ଜକୁ ସାମ୍ନା କରି ବ୍ରିଜ ସମ୍ପୂର୍ଣ ହୋଇଛି | 
ରେଲୱେ ଦ୍ୱାରା ନିର୍ମିତ ଏହି ଡବଲ ଡେ଼କର ବ୍ରିଜ ଦେଇ ଉଭୟ ଟ୍ରେନ ଏବଂ ଅନ୍ୟାନ୍ୟ ଗାଡି ଯାଇପାରିବ | ଉପର ଭାଗରେ ୩ ଲେନ ବିଶିଷ୍ଟ ରାସ୍ତା ନିର୍ମାଣ କରାଯାଇଛି | ତଳ ଭାଗରେ ଦୁଇଟି ରେଳ ଟ୍ରାକ ନିର୍ମାଣ କରାଯାଇଛି | ତେବେ ବ୍ରିଜ ଏତେ ମଜବୁତ ଭାବେ ନିର୍ମାଣ କରାଯାଇଛି ଯେ, ଏହି ବ୍ରିଜ ଉପରେ ମିଲିଟାରୀ ଟ୍ୟାଙ୍କ ମଧ୍ୟ ଯାଇପାରିବ |

ଗତ ୨୧ ବର୍ଷ ହେଲା ଏହି ବ୍ରିଜକୁ ସମ୍ପୂର୍ଣ କରିବାପାଇଁ ବହୁତ ଥର ପ୍ରୟାସ କରାଯାଇଛି | କିନ୍ତୁ ପର୍ଯ୍ୟାପ୍ତ ପରିମାଣର ଫଣ୍ଡ ଏବଂ ଜ୍ଞାନ କୌଶଳର ଅଭାବ ଯୋଗୁଁ ବ୍ରିଜ ସମ୍ପୂର୍ଣ ହୋଇପାରିନଥିଲା | ଏତେ ଝଡଝଞ୍ଜା ସତ୍ୱେ ଡିସେମ୍ବର ୧ ତାରିଖରେ ପ୍ରଥମେ ଏହି ବ୍ରିଜ ଦେଇ ମାଲ ବୋଝେଇ ଟ୍ରେନ ଗତି କରିବା ପରେ ବ୍ରିଜ କାମ ସମ୍ପୂର୍ଣ ଏବଂ ସଫଳ ହୋଇଥିବା ଘୋଷଣା ହୋଇଥିଲା |

   Related Posts