Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ICJ ରେ ପୁଲୱାମା ଇଫେକ୍ଟ : ପାକିସ୍ତାନ ବଢ଼ାଇଲା ହାତ, ଦୂରରୁ ଥାଇ ହାତ ଯୋଡ଼ିଦେଲା ଭାରତ

18/02/2019 at 8:01 PM

ଦିଲ୍ଲୀ ୧୮/୨ : ଆଜି ଆଇସିଯେରେ କୁଲଭୁଷଣ ଯାଦବ ମାମଲାରେ ଶୁଣାଣି ଥିଲା | ଶୁଣାଣି ବେଳେ ପୁଲୱାମା ଆକ୍ରମଣର ଆକ୍ରୋଶ ଦେଖିବାକୁ ମିଳିଥିଲା | ପାକିସ୍ତାନର ବିଦେଶ ମନ୍ତ୍ରାଳୟର ସଂଯୁକ୍ତ ସଚିବ ଅନବର ମନସୁର ଯେତେବେଳେ ଭାରତର ବିଦେଶ ମନ୍ତ୍ରାଳୟର ସଂଯୁକ୍ତ ସଚିବ ଦୀପକ ମିତ୍ତଲଙ୍କ ପାଖକୁ ଯାଇ ହାତ ମିଳିବ ପାଇଁ ଚାହିଁଥିଲେ, ସେତେବେଳେ ଦୀପକ ମିତ୍ତଲ ଅନବର ମନସୁରଙ୍କ ସହ ହାତ ମିଳାଇବାକୁ ମନା କରିଦେଇଥିଲେ ଏବଂ ଦୂରରୁ ନମସ୍କାର କରିଥିଲେ |


ପୁଲୱାମା ହମଲା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପାକିସ୍ତାନକୁ ଧମକ ଦେଇଛନ୍ତି | ଘଟଣାକୁ ନେଇ ଭାରତର କୂଟନୀତି ମଧ୍ୟ ତୀବ୍ର ହୋଇଯାଇଛି | ହମଲାକୁ ନେଇ ଭାରତ ଫେବୃଆରୀ ୧୫ ତାରିଖରେ ଆମେରିକା, ଫ୍ରାନ୍ସ, ଜାପାନ ସମେତ ୨୫ ଦେଶର ରାଜନୈତିକଙ୍କ ସହ ସମ୍ପର୍କ କରି ଜୈସ-ଏ-ମହମ୍ମଦ ଆତଙ୍କବାଦ ସଂଗଠନ ଏବଂ ପାକିସ୍ତାନ ମଧ୍ୟରେ ଥିବା ଗଭୀର ସମ୍ପର୍କର ପ୍ରମାଣ ପେଶ ଲରିଥିଲା | ୧୫ ତାରିଖରେ ହୋଇଥିବା ବୈଠକ ପରେ ବିଦେଶୀ ସଚିବ ଦିଲ୍ଲୀ ସ୍ଥିତ ପାକିସ୍ତାନର ଉଚ୍ଚାୟୁକ୍ତ ସୋହେଲ ମେହମୁଦକୁ ସୂଚନା ଦେଇ ଆତଙ୍କବାଦୀ ସଂଗଠନକୁ ପାକିସ୍ତାନ ସମର୍ଥନ କରୁଥିବା ନେଇ ଅସନ୍ତୋଷ ପ୍ରକାଶ କରିଥିଲେ | ବିଦେଶ ମନ୍ତ୍ରାଳୟର ସୂଚନା ଅନୁଯାୟୀ, ସଂଯୁକ୍ତ ରାଷ୍ଟ୍ରର ସୁରକ୍ଷା ପରିଷଦର ସ୍ଥାୟୀ ପାଞ୍ଚଟି ଦେଶର ପ୍ରତିନିଧିଙ୍କ ଛଡା ଜାପାନ, ଜର୍ମାନୀ, ଦକ୍ଷିଣ କୋରିଆ, ଦକ୍ଷିଣ ଏସିଆ ଏବଂ ଖାଡ଼ି ଅଂଚଳର ୨୫ ଦେଶ ଦିଲ୍ଲୀ ସ୍ଥିତ ପ୍ରତିନିଧିଙ୍କୁ ସାକ୍ଷାତ କରିଥିଲେ | ବିଦେଶ ସଚିବ ବିଜୟ ଗୋଖଲେଙ୍କ ନେତୃତ୍ୱରେ ଏହି ବୈଠକ ବସିଥିଲା |


ସମସ୍ତ ଦେଶ ସ୍ୱୀକାର କରିଥିଲେ ଯେ, ପାକିସ୍ତାନ ଆତଙ୍କୀ ସଂଗଠନ ଜୈସ କୁ ସାହାଯ୍ୟ କରୁଛି | ଭାରତ କହିଥିଲା ଯେ, ସେ ଚାହୁଁଚି ପାକିସ୍ତାନ ଜୈସ ସମେତ ଅନ୍ୟ ସବୁ ଆତଙ୍କୀ ସଂଗଠନକୁ ସମର୍ଥନ କରିବା ବନ୍ଦ କରିଦେଉ |

   Related Posts