Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର ; ବ୍ରହ୍ମପୁର ବଡବଜାର ଥାନା ଅନ୍ତର୍ଗତ ଗଣେଶ ନଗରରେ ପୁଲିସ୍ ର ଚଢାଉ
  • ||
  • ନକଲି ଟମାଟ, ଚିଲି, ସୋୟା ସୋସ୍ ୟୁନିଟ୍ ଉପରେ ଚଢାଉ
  • ||
  • କେତେ ପରିମାଣର ନକଲି ସାମଗ୍ରୀ ଜବତ, ତାହା ତଦନ୍ତ ପରେ ଜଣାପଡିବ ବୋଲି ପୁଲିସର ସୂଚନା
  • ||
  • ବରଗଡ଼ରେ ବିରାଟ ଚାଷୀ ସମାବେଶ, ଯୋଗଦେଲେ ୧୦ ଜିଲ୍ଲାର ୫ ହଜାର କୃଷକ
  • ||
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୪ ଛୁଇଁଲା ମୃତକଙ୍କ ସଂଖ୍ୟା
  • ||
  • କଟକ ନେତାଜୀ ବସ୍ ଟର୍ମିନାଲର ଶିଳାନ୍ୟାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||

SEBI ନିର୍ଦେଶକୁ କୋର୍ଟରେ ଚ୍ୟାଲେଞ୍ଜ୍ କଲେ ପ୍ରଣୟ ରୟ ଓ ରାଧୀକା ରୟ: NDTVର ଦୁଇ ପ୍ରମୋଟରଙ୍କୁ ସିକ୍ୟୁରିଟି ମାର୍କେଟରୁ ୨ ବର୍ଷ ବ୍ୟାନ କରିଛନ୍ତି ସିକ୍ୟୁରିଟି ରେଗୁଲେଟର

30/11/2020 at 6:54 PM

ନୂଆଦିଲ୍ଲୀ ୩୦/୧୧ : ସିକ୍ୟୁରିଟି ଆଣ୍ଡ ଏକ୍ସଚେଞ୍ଜ ବୋର୍ଡ ଅଫ୍ ଇଣ୍ଡିଆ NDTV ପ୍ରମୋଟର ପ୍ରଣୟ ରୟ ଏବଂ ରାଧିକା ରୟଙ୍କୁ ଦୁଇ ବର୍ଷ ଧରି ସିକ୍ୟୁରିଟି ମାର୍କେଟରୁ ବାରଣ କରିଛି। ୧୨ ବର୍ଷ ପୂର୍ବେ ବେଆଇନ କାରବାରରେ ଲିପ୍ତ ଥିବାରୁ ୧୬.୯୭ କୋଟିରୁ ଅଧିକ ଟଙ୍କାର ଲାଭରୁ ବଞ୍ଚିତ କରିବାକୁ ବଜାର ନିୟାମକ ସେମାନଙ୍କୁ ନିର୍ଦ୍ଦେଶ ଦେଇଛନ୍ତି । ତେବେ ଏହି ଅଭିଯୋଗକୁ କମ୍ପାନୀ ପକ୍ଷରୁ ସମ୍ପୁର୍ଣ୍ଣ ଭାବେ ଖଣ୍ଡନ କରାଯିବ ସହ ଏହା ବିରୁଦ୍ଧରେ ଖୁବଶୀଘ୍ର ଆବେଦନ କରାଯିବ ବୋଲି କୁହାଯାଇଛି ।

ମିଡିଆ କମ୍ପାନୀର ସେୟାରରେ ବେଆଇନ କାରବାର ପାଇଁ SEBI ଅନ୍ୟ ୭ଜଣ ବ୍ୟକ୍ତି ଏବଂ ସଂସ୍ଥାକୁ ମଧ୍ୟ ୧ ରୁ ୨ ବର୍ଷ ଯାଏଁ ବାରଣ କରିଥିବା ସୂଚନା ମିଳିଛି । ସେମାନଙ୍କ ମଧ୍ୟରୁ କେତେକ UPSI ଅଧୀନରେ ଥିବାବେଳେ ସେୟାର କାରବାରରୁ ମିଳିଥିବା ବେଆଇନ ଲାଭକୁ ଅଗ୍ରାହ୍ୟ କରିବାକୁ କୁହାଯାଇଛି ।

ଗତ ୨୭ ତାରିଖରେ NDTV ସଫେଇରେ କହିଛି ଯେ, SEBI ପ୍ରତିଷ୍ଠାତା ପ୍ରଣୟ ରୟ ଏବଂ ରାଧୀକା ରୟଙ୍କ ବିରୁଦ୍ଧରେ ଦେଇଥିବା ଅର୍ଡର ସମ୍ପର୍ଣ୍ଣ ମିଥ୍ୟା ଏବଂ କମ୍ପାନୀ ଏହା ବିରୁଦ୍ଧରେ ଖୁବଶୀଘ୍ର ଅପିଲ କରିବ । NDTVର ପ୍ରତିଷ୍ଠାତା ପ୍ରଣୟ ରାୟ ଏବଂ ରାଧୀକା ରାୟଙ୍କ ପକ୍ଷରୁ ମାମଲା ଲଢୁଥିବା ଓକିଲ ଫେରେସ୍ତ ସେଠନା ଏହି ବୟାନ ଜାରି କରିଛନ୍ତି ।

ସେପ୍ଟେମ୍ବର ୨୦୦୬ ରୁ ଜୁନ୍ ୨୦୦୮ ମଧ୍ୟରେ SEBI ଦ୍ବାରା କରାଯାଇଥିବା ଏକ ଅନୁସନ୍ଧାନରୁ ଜଣିବାକୁ ମିଳିଥିଲା ଯେ, ଏମାନେ ସମସ୍ତେ ଅନ୍ତର୍ନିହିତ ବାଣିଜ୍ୟ ନିୟମର ବିଭିନ୍ନ ଉଲ୍ଲଂଘନ କରିଛନ୍ତି । ସମସ୍ତ ସଂସ୍ଥା ଇନସାଇଡର୍ ଟ୍ରେଡିଂ ନିୟମାବଳୀକୁ ଉଲ୍ଲଂଘନ କରିଛନ୍ତି ବୋଲି ଶୁକ୍ରବାର SEBI କହିଥିଲା । ଏଥିରେ ଦର୍ଶାଯାଇଛି ଯେ ପ୍ରଣୟ ରୟ ଏବଂ ରାଧିକା ରୟ ମିଳିତ ଭାବରେ ୧୬.୯୭ କୋଟି ଟଙ୍କା ଲାଭ କରିଥିବାବେଳେ NDTV ର ସେୟାରରେ ଅନ୍ତର୍ନିହିତ କାରବାର ସହିତ କମ୍ପାନୀର ପ୍ରସ୍ତାବିତ ପୁନର୍ଗଠନ ସହ UPSI ଅଧିକୃତ କରିଥିଲେ।

ସୂଚନା ଅନୁସାରେ ପ୍ରଣୟ ରୟ ଚେୟାରମ୍ୟାନ୍ ତଥା ପୂର୍ଣ୍ଣକାଳୀନ ନିର୍ଦ୍ଦେଶକ ଥିଲେ ଏବଂ ରାଧିକା ରୟ ପରିଚାଳନା ନିର୍ଦ୍ଦେଶକ ଥିଲେ ବୋଲି UPSI ସ୍ପଷ୍ଟ କରିଛି । କମ୍ପାନୀର ପୁନର୍ଗଠନ ସମ୍ବନ୍ଧୀୟ ଆଲୋଚନା ୨୦୦୭ ମସିହା ସେପ୍ଟେମ୍ବର ୭ରେ ଆରମ୍ଭ ହୋଇଥିଲା ଏବଂ  ୨୦୦୮ ମସିହା ଏପ୍ରିଲ ୧୬ ତାରିଖରେ ଏହା ପ୍ରକାଶିତ ହୋଇଥିଲା । ପ୍ରଣୟ ରୟ ଏବଂ ରାଧିକା ରୟ ୨୦୦୮ ମସିହା ଏପ୍ରିଲ ୧୭ରେ ସେୟାର ବିକ୍ରି କରିଥିଲେ । କିନ୍ତୁ ଯେତେବେଳେ ସେମାନଙ୍କ ପାଇଁ ବ୍ୟବସାୟିକ କାରବାର ବନ୍ଦ ହୋଇଯାଇଥିଲା ସେତେବେଳେ କମ୍ପାନୀର ଲାଭ ପରିମାଣ ଥିଲା ୧୬.୯୭ କୋଟି ଟଙ୍କା ଥିଲା ଯାହାକୁ କମ୍ପାନୀ ଲୁଚାଇଥିଲା ବୋଲି SEBI ଚାର୍ଜସିଟରେ କହିଥିଲା ।

   Related Posts