Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ମହାନଦୀ ନୀଳ ଜଳ ରାଶିରେ ଜଳକ୍ରୀଡା କରୁଛନ୍ତି ବିଦେଶାଗତ ପକ୍ଷୀ : ବନ ବିଭାଗ ପକ୍ଷରୁ ସୁରକ୍ଷା ବ୍ୟବସ୍ଥା

3/01/2019 at 6:22 PM

କଟକ ୩|୧: ମହାନଦୀରେ ବିଦେଶାଗତ ପକ୍ଷୀଙ୍କ ସମାଗମ । କଟକ ମୁଣ୍ଡଳିରୁ ଯୋବ୍ରା ପର୍ଯ୍ୟନ୍ତ ମହାନଦୀ ନୀଳ ଜଳ ରାଶିରେ ଜଳକ୍ରୀଡା କରୁଛନ୍ତି ବିଦେଶାଗତ ପକ୍ଷୀ । ଅତ୍ୟଧିକ ଶୀତ ସହି ନପାରି ସୂଦୁର କେନ୍ଦ୍ରୀୟ ଏସିଆ, ମଙ୍ଗୋଲିଆ, ସାଇବେରିଆ ଓ ୟୁରୋପରୁ ଏଠିକି ଉଡି ଆସିଛନ୍ତି ହଜାର ହଜାର ପକ୍ଷୀ । ଏମାନଙ୍କ ସୁରକ୍ଷା ପାଇଁ ବନ ବିଭାଗ ପକ୍ଷରୁ ବ୍ୟାପକ ପଦକ୍ଷେପ ଗ୍ରହଣ କରାଯାଇଛି ।

ତିବ୍ବତରୁ ଆସିଛନ୍ତି ଚକୁଆ, ସେଣ୍ଟ୍ରାଲ ୟୁରୋପ । ସାଇବେରିଆରୁ ଗଡୱାଲ, ପିଙ୍ଗ୍ ଟେଲ୍, ସ୍ପଟ୍ ବିଲ୍ ଡକ୍ ଓ ପୋଚଡ୍ । ସ୍କଟଲାଣ୍ଡରୁ ଆସିଛି ଅସପ୍ରେ ପ୍ରଜାତିର ପକ୍ଷୀ । କଟକ ଗଡଗଡିଆ ଘାଟ ସହ ମୁଣ୍ଡଳୀରୁ ଯୋବ୍ରା ପର୍ଯ୍ୟନ୍ତ ମହାନଦୀରେ ଶୁଣିବାକୁ ମିଳୁଛି ଏମାନଙ୍କ କିଚିରି ମିଚିରି ଶବ୍ଦ ।

ବିଦେଶାଗତ ପକ୍ଷୀଙ୍କ ଆଗମନରେ ମହାନଦୀ ନୀଳ ଜଳରାଶିରେ ଏକ ମନୋରମ ପରିବେଶ ସୃଷ୍ଟି ହୋଇଛି । ବହୁ ବର୍ଷ ହେଲା  ଏହି ବିଦେଶାଗତ ପକ୍ଷୀମାନେ ଶୀତ ଦିନେ ମହାନଦୀକୁ ନିଜର ନୂଆ ଠିକଣା ଭାବେ ବାଛି ନେଇଛନ୍ତି ।

ଏତେ ସଂଖ୍ୟକ ବିଦେଶାଗତ ପକ୍ଷୀଙ୍କର ସମାଗମକୁ ଦେଖି ବନ ବିଭାଗ ପକ୍ଷରୁ ସେମାନଙ୍କର ସୁରକ୍ଷା ବ୍ୟବସ୍ଥା ମଧ୍ୟ କରାଯାଇଛି । ମୁଣ୍ଡଳୀ ନିକଟ ମହାନଦୀରେ ବିଲୁପ୍ତ ପ୍ରଜାତିର ଇଣ୍ଡିଆନ୍ ସ୍କିମର୍ ଚଢେଇ ଆଣ୍ଡାଦାନ କରିବାକୁ ଆସନ୍ତି । ସେମାନଙ୍କ ସଂରକ୍ଷଣ ପାଇଁ ଡମପଡା ବନ ବିଭାଗ ପକ୍ଷରୁ ସଂରକ୍ଷଣ ବ୍ୟବସ୍ଥା କରାଯାଇଛି । ମହାନଦୀର ମଧୁର ଜଳ ଓ ପର୍ଯ୍ୟାପ୍ତ ଖାଦ୍ୟ ବିଦେଶାଗତ ପକ୍ଷୀଙ୍କୁ ଏଠାକୁ ଆକର୍ଷିତ କରିଛି ବୋଲି ବନ୍ୟପ୍ରାଣୀ ବିଶେଷଜ୍ଞ କହିଛନ୍ତି ।

ରଙ୍ଗ ବେରଙ୍ଗ ପକ୍ଷୀଙ୍କ ସମାଗମରେ ମହାନଦୀ ନୀଳ କାନଭାସ୍ ରେ ସୃଷ୍ଟି ହୋଇଛି ନୂଆ ଚିତ୍ର। ଯାହା ଲୋକଙ୍କୁ ଆକର୍ଷିତ କରୁଛ।

   Related Posts