Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫୁଟବଲର ଡିଏଗୋ ମାରାଡୋନାଙ୍କ ପରଲୋକ, ୩ ଦିନ ପୂର୍ବେ ପାଳିଥିଲେ ୬୦ତମ ଜୟନ୍ତୀ
  • ||
  • ଦୈନିକ ଆକ୍ରାନ୍ତ ତୂଳନାରେ ଆଜି କମିଲା ସୁସ୍ଥ ସଂଖ୍ୟା, ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୭୨୮
  • ||
  • ଯୋଡାମୁଣ୍ଡ ଶିଶୁ କାଳିଆର ମୃତ୍ୟୁ, ଏସସିବିରେ ଦୀର୍ଘ ଦିନ ଧରି ଥିଲେ ଚିକିତ୍ସାଧୀନ, ସୁସ୍ଥ ଅଛି ଜଗା
  • ||
  • ପରିବାର ପାଇଁ ଏତିକି ସମ୍ପତ୍ତି ଛାଡି ଯାଇଛନ୍ତି କଂଗ୍ରେସର ଚାଣକ୍ୟ ଅହମଦ ପଟେଲ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୬ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୮୭ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୭୩୦ କରୋନା ସଂକ୍ରମିତ, ୩୧୬୦୦୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଦ୍ୱିତୀୟ AIIMS ପ୍ରତିଷ୍ଠା ପାଇଁ ପ୍ରସ୍ତାବ, କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ମୁଖ୍ୟ ଶାସନ ସଚିବ
  • ||
  • ପୁରୀ : ବାହାର ଭକ୍ତଙ୍କୁ ପୁରୀ ମନା, ନାଗାର୍ଜୁନ ବେଶ ପାଇଁ ଜିଲ୍ଲା ପ୍ରଶାସନର କଟକଣା
  • ||
  • ଭିଜିଲାନ୍ସ ଜାଲରେ ଓଡିଶା ବନୀକରଣ ଅତିରିକ୍ତ ପିସିସିଏଫ୍, ଭୁବନେଶ୍ବରର ୫ଟି ଓ ମୁମ୍ବାଇ ଏବଂ ପୁନେର ୭ଟି ସ୍ଥାନରେ ଚଢାଉ
  • ||
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||

N-95 ମାସ୍କକୁ ନେଇ ନୂଆ ଦାବି କଲେ ଭାରତୀୟ ବୈଜ୍ଞାନିକ: ଇସ୍ରୋ ମଧ୍ୟ ଦେଲା ପରାମର୍ଶ

27/08/2020 at 10:28 AM

ନୂଆଦିଲ୍ଲୀ ୨୭/୦୮ : ଇସ୍ରୋ ସହିତ ଅନ୍ୟ ଗବେଷକଙ୍କ ଅନୁଯାୟୀ, ଏନ-୯୫ ମାସ୍କ କରୋନା ଭାଇରସ ସଂକ୍ରମଣ ପ୍ରସାର ହ୍ରାସ କରାଇବାରେ ସର୍ବାଧିକ ପ୍ରଭାବଶାଳୀ ହୋଇପାରେ | ଗବେଷକ ପରାମର୍ଶ ଦେଇଛନ୍ତି ଯେ କରୋନା ପ୍ରସାର ରୋକିବା ପାଇଁ ମାସ୍କ ନ ପିନ୍ଧିବା ଠାରୁ ଯେକୌଣସି ମାସ୍କ ବ୍ୟବହାର କରିବା ଉଚିତ | କାଶିବା ଓ ଛିଙ୍କିବା ସମୟରେ ଶ୍ୱାସନ ତନ୍ତ୍ରରୁ ବାହାରୁଥିବା ସୁକ୍ଷ୍ମ ବିନ୍ଦୁ କୋଭିଡ-୧୯ ଭଳି ସଂକ୍ରମଣ ପ୍ରସାରଣର ସବୁଠାରୁ ବଡ କାରଣ |

ଅଧ୍ୟୟନରୁ ଜଣାପଡିଛି ଯେ ଏନ-୯୫ ମାସ୍କ ସଂକ୍ରମଣ କମାଇବାରେ ସବୁଠାରୁ ଅଧିକ ପ୍ରଭାବଶାଳୀ | ଏହି ମାସ୍କ କାଶିବା ସମୟରେ ମୁହଁରୁ ବାହାରୁଥିବା ସୁକ୍ଷ୍ମ ବିନ୍ଦୁର ପ୍ରସାର ୦.୧ ଓ ୦.୨୫ ମିଟର ମଧ୍ୟରେ ସୀମିତ ରଖେ | ବୈଜ୍ଞାନିକ କହିଛନ୍ତି ସର୍ଜିକାଲ ମାସ୍କ ୦.୫ ରୁ ୧.୫ ମିଟର ଦୂରତା ମଧ୍ୟରେ ସୀମିତ ରଖେ |

ଅକ୍ସିଜେନ ଲେଭଲରେ ମାସ୍କ ଦ୍ୱାରା ହେଉଥିବା ପ୍ରଭାବ ସମ୍ବନ୍ଧରେ ବିଶ୍ୱ ସ୍ୱାସ୍ଥ୍ୟ ସଂଗଠନ ପରାମର୍ଶ ଦେଇ କହିଛି ଯେ ଅଧିକ ସମୟ ଧରି ସର୍ଜିକାଲ ମାସ୍କ ବ୍ୟବହାର ଅକ୍ସିଜେନ ହ୍ରାସ କରେନାହିଁ | ଅକ୍ସିଜେନ ଲେଭଲରେ ଫେସ ମାସ୍କର ପ୍ରଭାବର ଗୁଜବକୁ ସଂଗଠନ ଖାରଜ କରିଛି | ଏକ ଭିଡିଓରେ କଲମ୍ବିଆର ଡାକ୍ତର ମେହମେଟ ଓଜ କହିଛନ୍ତି, ସର୍ଜିକାଲ ମାସ୍କ ଓ ଏନ-୯୫ ମାସ୍କ ପିନ୍ଧିବା ପରେ ଓ ପିନ୍ଧିବା ପୂର୍ବରୁ ଅକ୍ସିଜେନ ଲେଭଲ ପତନ ନେଇ ଯାଞ୍ଚ କରିଛନ୍ତି | ସେଥିପାଇଁ ସେ ଅକ୍ସିମିଟର ବ୍ୟବହାର କରିଥିଲେ | ଏଥିରେ ଅକ୍ସିଜେନ ଲେଭଲରେ ପତନ ହୋଇନଥିଲା | ସେ ନିଜ ଅନୁଭୂତି ସେୟାର କରି କହିଛନ୍ତି, ସେ ସର୍ଜରୀ ପାଇଁ ନିଜ କ୍ୟାରିଅରରେ ୧୨ ଘଣ୍ଟା ମାସ୍କ ପିନ୍ଧିଛନ୍ତି କିନ୍ତୁ କେବେ କିଛି ସମସ୍ୟା ହୋଇନାହିଁ |

ଭାରତରେ ବିଶେଷଜ୍ଞଙ୍କ କହିବାନୁଯାୟୀ, ମେଡିକାଲ ମାସ୍କ ଯୋଗୁଁ ଅସୁବିଧା ହୋଇପାରେ ଏବଂ ଅକ୍ସିଜେନ ଲେଭଲ ପ୍ରଭାବିତ ହୋଇପାରେ | ମ୍ୟାଆୟ କ୍ସ ସୁପର ସ୍ପେସିଆଲିଟି ହସ୍ପିଟାଲର ଡାକ୍ତର ମନୋଜ କୁମାର ଅଧିକ ସମୟ ଯାଏଁ ଏନ-୯୫ ମାସ୍କ ଓ ସର୍ଜିକାଲ ମାସ୍କର ସମ୍ଭାବ୍ୟ ପ୍ରଭାବକୁ ନେଇ କହିଛନ୍ତି ଯେ, ମେଡିକାଲ ମାସ୍କ ଭଳି ଏନ-୯୫ ଓ କେଏନ-୯୫ ମାସ୍କ ଅକ୍ସିଜେନ ଲେଭଲକୁ ପ୍ରଭାବିତ କରିଥାଏ ଏବଂ ଏହାକୁ ୬ ଘଣ୍ଟାରୁ ଅଧିକ ସମୟ ବ୍ୟବହାର କରିବା ଉଚିତ ନୁହେଁ |

କେଏନ-୯୫ ଓ ଏନ-୯୫ ମାସ୍କ ସାଧାରଣତଃ ଡାକ୍ତର, ନର୍ସ, ସ୍ୱାସ୍ଥ୍ୟକର୍ମୀ ବ୍ୟବହାର କରନ୍ତି | ଏହି ମାସ୍କ ଅଙ୍ଗାରକାମ୍ଳ ରୋକିବାର କାରଣ ହୋଇପାରେ | କେଏନ-୯୫ ଓ ଏନ-୯୫ ମାସ୍କ କୋଭିଡ-୧୯ ସମ୍ପର୍କରେ ଆସିଥିବା ସ୍ୱାସ୍ଥ୍ୟକର୍ମୀ ବ୍ୟବହାର କରିବା ଉଚିତ ବୋଲି କହିଛନ୍ତି ଡାକ୍ତର ମନୋଜ |

   Related Posts