Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଏସଏଫର ବଡ କାର୍ଯ୍ୟାନୁଷ୍ଠାନ, ବାଂଲାଦେଶ ସୀମାରେ ୮୨ ନକଲି ଡ୍ରାଇଭିଂ ଲାଇସେନ୍ସ ଜବତ
  • ||
  • ୟୁପି ସମର: ଅଖିଳେଶଙ୍କ ପାଇଁ ପ୍ରଚାର କରିବେ ମମତା, ଫେବୃଆରୀ ୮ରେ ଲକ୍ଷ୍ନୌରେ ଭର୍ଚୁଆଲ ରାଲି
  • ||
  • ଆସନ୍ତାକାଲି ପ୍ରଥମ ଦିନିକିଆ: କିଏ କରିବ ଓପନିଂ ? ଖୁଲାସା କଲେ ରାହୁଲ, ୫ ବର୍ଷ ପରେ ଦିନିକିଆକୁ ପ୍ରତ୍ୟାବର୍ତ୍ତନ କରିବେ ଏହି ଖେଳାଳି
  • ||
  • କାରିଗରଙ୍କଠୁ ଲାଞ୍ଚ ନେବା ମହଙ୍ଗା ପଡିଲା, ଭିଜିଲାନ୍ସ ଦ୍ଵାରା ବନ୍ଧା ହେଲେ ହସ୍ତଶିଳ୍ପ ନିଗମର ସହ-ନିର୍ଦ୍ଦେଶକ ଓ କ୍ରାପ୍ଟମ୍ୟାନ୍
  • ||
  • କଲେଜ୍ରେ ନିର୍ବାଚନୀ ସଭା ନେଇ କଠୋର ହେଲେ ଏସଇସି: ଏସଡିପିଓ ଏବଂ ପ୍ରିନ୍ସିପାଲଙ୍କୁ ନିଲମ୍ବନ କରିବାକୁ ଦେଲେ ନିର୍ଦ୍ଦେଶ
  • ||
  • IPL 2022: କେଏଲ ରାହୁଲଙ୍କ ସହ ଏହି ଦୁଇ ଖେଳାଳିଙ୍କୁ ନିଜ ଦଳରେ ସାମିଲ୍ କଲା ଲକ୍ଷ୍ନୌ ଫ୍ରାଞ୍ଚାଇଜି
  • ||
  • ମଙ୍ଗଳବାର ପୃଥିବୀର ନିକଟତର ହେବ ବିରାଟ ଗ୍ରହାଣୁ : ମାଡ ହେଲେ ଘଟାଇବ ବିନାଶ !
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||

ଜୁନ ୧ରୁ ଦେଶରେ ଗଡିବ ୨୦୦ ଟ୍ରେନ୍, ଯାତ୍ରା ପୂର୍ବରୁ ଜାଣି ନିଅନ୍ତୁ ଏହି ସବୁ ଜରୁରୀ ନିୟମ

30/05/2020 at 4:48 PM

ନୂଆଦିଲ୍ଲୀ ୩୦।୦୫: କରୋନା ସଂକ୍ରମଣ ପ୍ରତିରୋଧ ଲାଗି ପର୍ଯ୍ୟାୟକ୍ରମେ ଦେଶରେ ଲକ୍‌ଡାଉନ୍ ଜାରି ରହିଛି। ଫଳରେ ମାର୍ଚ୍ଚ ୨୫ରୁ ଦେଶରେ ଟ୍ରେନ୍ ସହିତ ସମସ୍ତ ପ୍ରକାରର ସାର୍ବଜନୀନ ଚଳାଚଳ ସେବା ବନ୍ଦ ରହିଥିଲା। ହେଲେ ମେ ୧୨ରେ ଦେଶର ପ୍ରମୁଖ ୧୫ଟି ଷ୍ଟେସନକୁ ୧୫ ଯୋଡା ଅର୍ଥାତ ୩୦ ସ୍ଵତନ୍ତ୍ର ରାଜଧାନୀ ଟ୍ରେନ୍ ଚଳାଚଳ କରିବା ପରେ ଜୁନ ୧ରୁ ୨୦୦ ଟ୍ରେନ୍  ଚଳାଚଳ ଆରମ୍ଭ ହେବ। କରୋନା ସଂକ୍ରମଣକୁ ଦୃଷ୍ଟିରେ ରଖି ଗାଇଡ୍‌ଲାଇନ୍‌ର ମଧ୍ୟ ପାଳନ ଜରୁରୀ। ଏହାକୁ ନେଇ ଅନେକ ନିୟମ ରହିଛି।  ଯାତ୍ରା ପୂର୍ବରୁ ଏସବୁ ନିୟମ ଜାଣିବା ଯାତ୍ରୀଙ୍କ ଲାଗି ଜରୁରୀ…

ଭାରତୀୟ ରେଲଓ୍ଵେ ପକ୍ଷରୁ ଘୋଷଣା

୧) ଭାରତୀୟ ରେଲଓ୍ଵେର ୧୬୭ ବର୍ଷ ଇତିହାସରେ ପ୍ରଥମ ଥର ଟ୍ରେନ୍‌ରେ ଟିକେଟ୍ ଚେକିଂ କରୁଥିବା ରେଲଓ୍ଵେ କର୍ମଚାରୀଙ୍କୁ କଳା କୋର୍ଟ ଓ ଟାଏ ବଦଳରେ ହାତରେ ଗ୍ଲୋଭ୍ସ, ମାସ୍କ, ପିପିଇ କିଟ୍ ବେଶରେ ଦେଖିବାକୁ ମିଳିବ। କରୋନା ଭାଇରସ୍ ମହାମାରୀକୁ ଦୃଷ୍ଟିରେ ରଖି ଏ ନେଇ ଆଦେଶ ମଧ୍ୟ ଜାରି କରାଯାଇଛି।

୨) ଭାରତୀୟ ରେଲଓ୍ଵେ ସମସ୍ତ ୨୩୦ ଟ୍ରେନ୍‌ ପାଇଁ ଆଡଭାନ୍ସ ଟିକେଟ୍ ବୁକିଂ ଅବଧି ୩୦ ଦିନରୁ ବଢାଇ ୧୨୦ ଦିନ କରି ଦେଇଛି।

୩) କରେଣ୍ଟ ବୁକିଂ, ତତ୍କାଳ ଟିକେଟ୍ ଆଦି ନିୟମିତ ଟ୍ରେନ୍ ପରି ଲାଗୁ ହେବ।

୪) ସଂପ୍ରତି ଗର୍ଭବତୀ ମହିଳା, ୧୦ ବର୍ଷରୁ କମ ଏବଂ ୬୫ ବର୍ଷରୁ ଅଧିକ ବୟସର ବ୍ୟକ୍ତି ଟ୍ରେନ୍‌ରେ ଯାତ୍ରା କରି ପାରିବେ ନାହିଁ। ଶ୍ରମିକ ସ୍ପେଶାଲ ଟ୍ରେନ୍‌ରେ ଅନେକ  ଯାତ୍ରୀଙ୍କ ମୃତ୍ୟୁ ଖବର ସାମ୍ନାକୁ ଆସିବା ପରେ ଟ୍ରେନ୍‌ ଏହି ଆଦେଶ ଜାରି କରିଛି।

୫ ) ଭାରତୀୟ ରେଲଓ୍ଵେ ପୂର୍ବ ପରି ଆରକ୍ଷଣ କାଉଣ୍ଟର, ଡାକଘର, ଟିକେଟ୍ ବୁକିଂ ସୁବିଧା କେନ୍ଦ୍ର ଲାଇସେନ୍ସଧାରୀ ଓ ଅଧିକୃତ ଆଇଆରସିଟିସି ଏଜେଣ୍ଟଙ୍କ ମାଧ୍ୟମରେ ଟ୍ରେନ୍‌ ବୁକିଂ ଏବଂ ଟିକେଟ୍ ରଦ୍ଦ କରିବା ସୁବିଧା ଆରମ୍ଭ କରି ଦେଇଛି। ସମଗ୍ର ଦେଶରେ ମେ ୨୨ରୁ ସାଧାରଣ ସେବା କେନ୍ଦ୍ରୁ ୧.୭ ଲକ୍ଷ ଟିକେଟ୍ ବୁକିଂ ହୋଇ ସାରିଛି।

ଯାତ୍ରା ବେଳେ ଏହି ସବୁ ଜିନିଷ ପ୍ରତି ଧ୍ୟାନ ଦିଅନ୍ତୁ

୧ – ଯାତ୍ରା କରିବା ପୂର୍ବରୁ ଏବଂ ଓହ୍ଲାଇବା ପରେ ହାତ ସାନିଟାଇଜ୍‌ କରିବା ଜରୁରୀ।

୨ – କେବଳ ଟିକେଟ୍ କନଫର୍ମ ଏବଂ ବୈଧ ଟିକେଟ୍ ଥିବା ଯାତ୍ରୀଙ୍କୁ ହିଁ ରେଲଓ୍ଵେ ଷ୍ଟେସନରେ ପ୍ରବେଶ ଅନୁମତି ମିଳିବ।

୩ – ଯାତ୍ରା ସମୟରେ ଯାତ୍ରୀଙ୍କୁ ମୁହଁରେ ମାସ୍କ ଲଗାଇବା ବାଧ୍ୟତାମୂଳକ।

୪ – କରୋନା ଲକ୍ଷଣ ନଥିବା ଯାତ୍ରୀ ହିଁ ଟ୍ରେନ୍‌ରେ ଯାତ୍ରା କରି ପାରିବେ। ଥର୍ମାଲ ସ୍କ୍ରିନିଂ ପରେ ସୁସ୍ଥ ଥିବା ଲୋକଙ୍କୁ ହିଁ ଟ୍ରେନରେ ଚଢିବାକୁ ଅନୁମତି ମିଳିବ।

୫ – ଯାତ୍ରାର ସବୁ ସମୟରେ ସାମାଜିକ ଦୂରତା ପାଳନ କରିବା ଜରୁରୀ।

୬ – ଯାତ୍ରୀଙ୍କ ଲାଗି ଆରୋଗ୍ୟ ସେତୁ ଆପ୍‌ ବ୍ୟବହାର କରିବା ବାଧ୍ୟତାମୂଳକ।

   Related Posts