Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ରେଳବାଇର ବଡ ନିଷ୍ପତ୍ତି : ଟ୍ରେନ ଟିକେଟରେ ଆଉ ମିଳିବନି ରିହାତି

19/03/2020 at 5:21 PM

ନୂଆଦିଲ୍ଲୀ ୧୯/୦୩ : କରୋନା ଭାଇରସ ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ରାତି ୮ଟା ରେ ଦେଶବାସୀଙ୍କୁ ସମ୍ବୋଧନ କରିବେ | ଭାରତୀୟ ରେଳ ମନ୍ତ୍ରୀ ଏହାର ଠିକ କିଛି ସମୟ ପୂର୍ବରୁ ଏକ ବଡ ନିଷ୍ପତ୍ତି ନେଇଛି | ସମସ୍ତ କାଟାଗୋରିର ଟ୍ରେନ ଟିକେଟରେ ମିଳୁଥିବା ରିହାତି ଆଉ ମିଳିବନି ବୋଲି ରେଳ ମନ୍ତ୍ରାଳୟ ଘୋଷଣା କରିଛନ୍ତି | ଛାତ୍ରଛାତ୍ରୀ, ଦିବ୍ୟାଙ୍ଗ, ସିନିୟର ସିଟୀଜେନଙ୍କ ୪ଟି କାଟାଗୋରି ଓ ୧୧ ପ୍ରକାର ରୋଗୀଙ୍କୁ ମିଳୁଥିବା ରିହାତି ସେମିତି ହିଁ ରହିଛି | ଏଥିରେ କୌଣସି ପରିବର୍ତ୍ତନ ହୋଇନାହିଁ | କୋଭିଡି-୧୯କୁ ନେଇ ରେଳ ମନ୍ତ୍ରାଳୟ ଏହିଭଳି ନିଷ୍ପତ୍ତି ନେଇଛି | 

କମ ସଂଖ୍ୟକ ଯାତ୍ରୀ ଯେଭଳି ଟ୍ରେନରେ ଯାତ୍ରା କରିବେ ସେନେଇ ରେଳ ମନ୍ତ୍ରାଳୟ ଏହିଭଳି ନିଷ୍ପତ୍ତି ନେଇଛି | ଅଧିକ ସଂଖ୍ୟକ ଯାତ୍ରୀ ଟ୍ରେନରେ ଯାତ୍ରା କଲେ କରୋନା ସଂକ୍ରମଣ ବ୍ୟାପିବାର ସମ୍ଭାବନା ଅଧିକ ରହିଛି | ଏହି ସଂକ୍ରମଣକୁ ବ୍ୟାପିବାରେ ରୋକିବା ପାଇଁ ମନ୍ତ୍ରାଳୟ ଏହି ନିଷ୍ପତ୍ତି ନେଇଛି | ଏହା ପୂର୍ବରୁ ଦେଶର ୨୫୦ ରେଳ ଷ୍ଟେସନରେ ମିଳୁଥିବା ପ୍ଲାଟଫର୍ମ ଟିକେଟ ୧୦ ଟଙ୍କାରୁ ବୃଦ୍ଧି କରି ୫୦ ଟଙ୍କା କରିଛନ୍ତି |

ସମସ୍ତ ଜୋନର ଅଧିକାରୀଙ୍କୁ ରେଳ ମନ୍ତ୍ରାଳୟ ଏହି ନୋଟିସ ଜାରି କରିଛନ୍ତି | ଟ୍ରେନ ଟିକେଟରେ ମିଳୁଥିବା ସବସିଡି ଜାରି ରହିବ, କେବଳ ରିହାତି ମିଳିବନି ବୋଲି ନୋଟିସରେ ଉଲ୍ଲେଖ ରହିଛି | ବର୍ତ୍ତମାନ ଟ୍ରେନ ଟିକେଟର ୫୩ଟି କାଟାଗୋରିରେ ରିହାତି ମିଳେ | ଏବେ ଏହି ରିହାତି କେବଳ ୧୫ଟି କାଟାଗୋରିକୁ ମିଳିବ | ଅନ୍ୟ ୩୮ କାଟାଗୋରିକୁ ମିଳୁଥିବା ରିହାତି କିଛି ଦିନ ପାଇଁ ବନ୍ଦ କରିଦିଆଯାଇଛି |

କରୋନା ଭାଇରସ ସଂକ୍ରମଣର ଭୟାବହତା ଦେଖି ଲୋକଙ୍କୁ ଟ୍ରେନରେ ଯାତ୍ରା ନ କରିବାକୁ ଆଡ଼ଭାଇଜାରୀ ଜାରି କରାଯାଇଛି | ଏହି ନିଷ୍ପତ୍ତି ଆସନ୍ତାକାଲି ଠାରୁ ଜାରି ହେବ | ଆସନ୍ତାକାଲି ଓ ଏହାପରେ ବୁକ ହେଉଥିବା ଟିକେଟରେ ଏହି ନୂଆ ନିୟମ ଲାଗୁ ହେବ |

   Related Posts