Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିସିସିଆଇ ନୂତନ କୋଚ୍ ଏବଂ ସପୋର୍ଟିଂ ଷ୍ଟାଫ ପାଇଁ ମଗାଇଲା ଆବେଦନ, ଏମିତି ରହିଛି ସର୍ତ୍ତ
  • ||
  • ରାଜ୍ୟରେ ଆସନ୍ତା ୨୪ ଘଣ୍ଟା ମଧ୍ୟରେ ହେବ ବଜ୍ରପାତ, ୧୭ ଜିଲ୍ଲାକୁ ସତର୍କ ସୂଚନା
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୩ କୋଭିଡ୍ ପଜିଟିଭ୍
  • ||
  • ବୋହୂକୁ ପଥରରେ ଛେଚି ଦେଲା ଶାଶୂ, ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ…
  • ||
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||
  • ଆଫଗାନିସ୍ତାନ ପ୍ରସଙ୍ଗରେ ନଭେମ୍ୱରରେ ବସିବ ବୈଠକ : ପାକିସ୍ତାନକୁ ନିମନ୍ତ୍ରଣ କଲା ଭାରତ
  • ||
  • ପଞ୍ଚାୟତ ନିର୍ବାଚନ ପାଇଁ ୩ ଦଳ ପ୍ରସ୍ତୁତ, ସଂରକ୍ଷଣ ତାଲିକା ପ୍ରକାଶ ପରେ ଗଦାଗଦା ଅଭିଯୋଗ
  • ||
  • ମନୀଷ ଅନୁରାଗ ମୃତ୍ୟୁ ମାମଲା : ରବିବାର ୩ ଅଭିଯୁକ୍ତଙ୍କ ରିମାଣ୍ଡ ଆବେଦନର ଶୁଣାଣି
  • ||

କର୍ମଚାରୀଙ୍କ ଅବସର ଦିନ ଜାରି ହେବ ତାଙ୍କ ଫଟୋଚିତ୍ରର ଡାକଟିକେଟ୍

19/09/2020 at 9:07 PM

ନୂଆଦିଲ୍ଲୀ ୧୯।୯:  ଏପର୍ଯ୍ୟନ୍ତ ରିଟାୟରମେଣ୍ଟ କହିଲେ ଲୋକେ ପେନସନ୍‌ ଓ ବାର୍ଦ୍ଧକ୍ୟ ସୁରକ୍ଷିତ କରିବା ଲାଗି ଆର୍ଥିକ ରୁପେ ନିଜକୁ ସୁଦୃଢ କରିବା କଥା ଭାବୁଥାଇ ପାରନ୍ତି। ହେଲେ ଏବେ ଅବସରକୁ ଆଉଟିକେ ରୋମାଞ୍ଚକ କରିବାକୁ ଆଗେଇ ଆସିଛନ୍ତି ଭାରତୀୟ ଡାକ ବିଭାଗ। ଏଥିଲାଗି ‘ହ୍ୟାପି ରିଟାୟରମେଣ୍ଟ ମାଇଁ ଷ୍ଟାମ୍ପ’ କାର୍ଯ୍ୟକ୍ରମ ଆରମ୍ଭ କରିଥିବା ବେଳେ ଦିଲ୍ଲୀ ସରକାର ଯୋଜନାର ପ୍ରଥମ ପ୍ରାୟୋଜକ ହୋଇଥିବା ଜଣାପଡିଛି।

କାର୍ଯ୍ୟକ୍ରମ ଅନୁସାରେ ଦିଲ୍ଲୀ ସରକାରଙ୍କ ବିଭିନ୍ନ ବିଭାଗରେ କାର୍ଯ୍ୟରତ କର୍ମଚାରୀ ଏବେ ଅବସର ଗ୍ରହଣ କଲେ ତାଙ୍କ ରିଟାୟରମେଣ୍ଟ ଦିନ ସେ ଚାକିରୀକାଳରେ କରିଥିବା ସେବା ସମ୍ମାନରେ ଡାକଟିକେଟ୍ ଜାରି ହେବ। ଯେଉଁଥିରେ କର୍ମଚାରୀଙ୍କ ଫଟୋ ସମେତ ତାଙ୍କ ବିଭାଗ, ଦପ୍ତର ଓ ସହକର୍ମୀଙ୍କ ଫୋଟ ମଧ୍ୟ ଥିମରେ ରହିବ।   ଏହି ସୂଚନା ଦେଇଛନ୍ତି ଦିଲ୍ଲୀ ସର୍କଲ ପୋଷ୍ଟମାଷ୍ଟର ଜେନେରାଲ ଅଖିଳେଶ କୁମାର ପାଣ୍ଡେୟ। ଏହା ଦ୍ୱାରା କର୍ମଚାରୀଙ୍କ ଚାକିରୀରେ ଯୋଗଦାନ ଦିନର ଉତ୍ସାହ ତାଙ୍କ ଅବସରରେ ମଧ୍ୟ ଅନୁଭବ କରିପାରିବେ ବୋଲି ସେ କହିଛନ୍ତି। ସେହିପରି ତାଙ୍କ ବିଭାଗ ଏହା ଦ୍ୱାରା କର୍ମଚାରୀଙ୍କ ରିଟାୟରମେଣ୍ଟକୁ ମଧ୍ୟ ସ୍ମରଣୀ କରିପାରିବେ।

ଏହି ଯୋଜନାରେ ଡାକ ବିଭାଗ ଏକ ସ୍ୱତନ୍ତ୍ର ପୋଷ୍ଟାଲ ଟିକେଟ୍‌ ପ୍ରସ୍ତୁତ କରିବେ। ଯେଉଁଥିରେ କର୍ମଚାରୀଙ୍କ ଥମ୍ବ ସାଇଜ୍‌ ଫଟୋ ସହ ତାଙ୍କ କାର୍ଯ୍ୟାଳୟ ଭବନ, ଦପ୍ତର କକ୍ଷ, କଳାକୃତି, ଐତିହାସିକ ସ୍ମାରକ, ପ୍ରଶିଦ୍ଧ ପର୍ଯ୍ୟଟନ ସ୍ଥଳ, ଐତିହାସିକ ସହର, ବନ୍ୟ ଜୀବନ ସହିତ ପଶୁ ଓ ପକ୍ଷୀଙ୍କ ଫଟୋ ମଧ୍ୟ ସ୍ଥାନିତ କରିବେ। ଯେପରି କର୍ମଚାରୀଙ୍କୁ ତାଙ୍କ ଅବସର ମଧ୍ୟ କର୍ମମୟ ଜୀବନ ପରି ରୋମାଞ୍ଚିତ କରିବ। ଡାକ ବିଭାଗର ଏପରି ସ୍ୱତନ୍ତ୍ର ଯୋଜନା ନିମନ୍ତେ କର୍ମଚାରୀଙ୍କ କାର୍ଯ୍ୟାଳୟ ଅଥବା ନିଜେ କର୍ମଚାରୀ ଡାକ ବିଭାଗଙ୍କ ସହ ଯୋଗାଯୋଗ କରି ନିଜ ଲାଗି ଡାକଟିକେଟ୍ ପ୍ରସ୍ତୁତ କରିପାରିବେ ବୋଲି ମହାଡାକପାଳ କହିଛନ୍ତି।

ଡାକଟିକେଟ୍ ଛାପିବାର ସର୍ବାଧିକାର ଡାକ ବିଭାଗଙ୍କ ଦ୍ୱାରା ସଂରକ୍ଷିତ। ଏଣୁ ଏବେ ଷ୍ଟାମ୍ପକୁ ଡାକ ବିଭାଗ କର୍ମଚାରୀଙ୍କ ସହ ତାଙ୍କ ବିଭାଗକୁ ଯୋଡିବା ଲାଗି ଓ ଅବସର ଦିବସକୁ ସ୍ମରଣୀୟ କରିବା ପାଇଁ ଡାକ ବିଭାଗ ଏକ ପ୍ରୟାସ କରିଥିବା ଦିଲ୍ଲୀ ସର୍କଲ ଡାକ ବିଭାଗର ସହାୟକ ଅଧିକ୍ଷକ ଅରବିନ୍ଦ କୁମାର କହିଛନ୍ତି। ଏହି ଯୋଜନାକୁ ହ୍ୟାପି ରିଟାୟରମେଣ୍ଟ ମାଇଁ ଷ୍ଟାମ୍ପ ନାମରେ ନାମିତ କରାଯାଇଥିବା ବେଳେ ଅଧିକାରୀକ ଅବସର ପାଇବାକୁ ଯାଉଥିବା କର୍ମଚାରୀଙ୍କ ପଟୋ ଓ ଥିମ ଷ୍ଟାମ୍ପ ଆକାରରେ ଛପାଯିବ। ଏହି ଯୋଜନା ଲାଗି ଦେୟ ମାତ୍ର ୩୦୦ ଟଙ୍କା ରହିଛି। ଯେଉଁଥିରେ କର୍ମଚାରୀଙ୍କୁ ତାଙ୍କ ଫଟୋ ଥିବା ୧୨ଟି ଡାକଟିକେଟ୍‌ ପ୍ରଦାନ କରାଯିବ ବୋଲି ଜଣାପଡିଛି।

   Related Posts