Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ଆସିଲା ଅନଲକ୍ ୬.୦ ଗାଇଡ଼ଲାଇନ୍‌
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ଭୁବନେଶ୍ୱର : ରାଜ୍ୟରେ ୧୪୭୦ କରୋନା ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ୧୬ତାରିଖରେ ଖୋଲିବ ସ୍କୁଲ, ନବମରୁ ଦ୍ୱାଦଶ ଶ୍ରେଣୀ ଯାଏଁ ପିଲା ପଢିବାକୁ ଆସିବେ
  • ||
  • ଝରକା ତାଡ଼ି ବ୍ୟାଙ୍କରୁ ଲୁଟ୍ ! ପୋଲିସର ତଦନ୍ତ ଜାରି
  • ||
  • ଭୟଙ୍କର ଭୂକମ୍ପରେ ଥରିଲା ତୁର୍କୀ ଓ ଗ୍ରୀସ : ମୃତ୍ୟୁ ସଂଖ୍ୟା ୧୭କୁ ବୃଦ୍ଧି, ୭ ଶହରୁ ଅଧିକ ଆହତ
  • ||
  • ସାଲେପୁର : ଟ୍ରକକୁ ଧକ୍କାଦେଲା ଆଉ ଏକ ଟ୍ରକ, ଜଣେ ମୃତ
  • ||

ଅଷ୍ଟ୍ରେଲିଆରେ ଭାରତୀୟ ମହିଳା ଡାକ୍ତରଙ୍କୁ ହତ୍ୟା, ସୁଟକେସ୍‌ରୁ ମିଳିଲା ମୃତଦେହ

6/03/2019 at 12:37 PM

ସିଡନୀ ୬|୩ : ଭାରତୀୟ ୩୨ ବର୍ଷୀୟ ମହିଳା ଦନ୍ତ ଚିକିତ୍ସକଙ୍କ ମୃତଦେହ ଅଷ୍ଟ୍ରେଲିଆରୁ ଏକ ସୁଟକେସରୁ ଉଦ୍ଧାର ହୋଇଛି । ସେ କିଛି ଦିନ ପୂର୍ବରୁ ସିଡନୀର ଏକ ଜନଗହଳିପୂର୍ଣ୍ଣ ଅଞ୍ଚଳରୁ ସନ୍ଦିଗ୍ଧ ଭାବେ ନିଖୋଜ ହୋଇଯାଇଥିଲେ । ପୋଲିସ ସୂଚନା ଅନୁସାରେ ପ୍ରିତି ରେଡ୍ଡୀ ନାମକ ଏହି ମହିଳାଙ୍କ ମୃତଦେହ ଇଷ୍ଟର୍ଣ୍ଣ ସିଡନୀ ଷ୍ଟ୍ରୀଟ୍ ନିକଟ ଏକ ପାର୍କ ହୋଇଥିବା ତାଙ୍କ କାର୍ ଭିତରୁ ଏକ ସୁଟକେସରୁ ମିଳିଛି । ସେହିଭଳି ମହିଳାଙ୍କ ପୂର୍ବ ପ୍ରେମିକଙ୍କର ଏକ ସଡକ ଦୁର୍ଘଟଣାରେ ମୃତ୍ୟୁ ହୋଇଯାଇଥିଲା । ସୂଚନା ଅନୁସାରେ ପ୍ରିତିଙ୍କୁ ଶେଷଥର ପାଇଁ ରବିବାର ଦିନ ମ୍ୟାକଡୋନଲ୍ଡ ଲାଇନ୍ ରେ ଅପେକ୍ଷା କରିଥିବାର ଦେଖିବାକୁ ମିଳିଥିଲା ।

ଏହାପରେ ମଙ୍ଗଳବାର ଦିନ ପୋଲିସକୁ ତାଙ୍କ କାର୍ କିଙ୍ଗସଫୋର୍ଡ ଷ୍ଟ୍ରେଚନ ଲନ୍ ରୁ ମିଳିଥିଲା । କାର୍ ଭିତରୁ ସୁଟକେସରୁ ତାଙ୍କ ମୃତଦେହ ମିଳିଥିଲା । ମହିଳାଙ୍କ ଶରୀରକୁ କେତେଥର ଛୁରୀ ସାହାଯ୍ୟରେ ଆଘାତ କରାଯାଇଥିଲା ।

ପୋଲିସ ଅଧିକାରୀଙ୍କ ସୂଚନା ଅନୁସାରେ ରବିବାର ଦିନ ସେ ତାଙ୍କ ପ୍ରେମିକଙ୍କ ସହ ସିଡନୀ ମାର୍କେଟ୍ ଷ୍ଟ୍ରିଟ୍ ର ଏକ ହୋଟେଲରେ ରହିଥିଲେ । ପ୍ରିତି ଶେଷଥର ପାଇଁ ସକାଳ ୧୧ଟା ବେଳେ ଘରଲୋକଙ୍କ ସହ କଥା ହୋଇଥିଲେ । ସେ ସେଣ୍ଟ ଲିୟୋନାର୍ଡୋରେ କୌଣସି ଏକ ଡେଣ୍ଟାଲ କନଫରେନ୍ସକୁ ଯାଉଥିବା କହିଥିଲେ । ସେ କହିଥିଲେ ଯେ, ସେ ପରେ ଘରକୁ ଫେରିବେ । ମାତ୍ର ସେ ଘରକୁ ଫେରିନଥିଲେ । ପ୍ରିତି ଫେରିନଥିବାରୁ ପରିବାରଲୋକ ପୋଲିସରେ ଏତଲା ଦେଇଥିଲେ । ପୋଲିସ ଘଟଣାର ତଦନ୍ତ ଜାରି ରଖିଛି ।

   Related Posts