Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଚିହ୍ନଟ ହେଲେ ଆଉ ୭୦ କୋଭିଡ୍ ପଜିଟିଭ୍, ୩୩୭୭୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ନୂଆପଡ଼ା : ହଳଦି ଗାଁରେ ପୁଣି ଥରେ ବାଘ ଆତଙ୍କ, ଭୟରେ ଗ୍ରାମବାସୀ
  • ||
  • ପାକିସ୍ତାନରେ ହିନ୍ଦୁ ପରିବାରର ୫ ସଦସ୍ୟଙ୍କୁ ହତ୍ୟା ! ସନ୍ଦେହଜନକ ଅବସ୍ଥାରେ ମିଳିଲା ମୃତଦେହ
  • ||
  • ମୋହନା : ଅନ୍ଧବିଶ୍ୱାସର ଭୟଙ୍କର ରୂପ, ସୁସ୍ଥ ରହିବା ପାଇଁ ଏବେବି ଶିଶୁଙ୍କୁ ଦିଆଯାଉଛି ଚେଙ୍କ
  • ||
  • ଭିସୁଟର ୪୦ ଛାତ୍ର କୋଭିଡ୍ ପଜିଟିଭ୍ ମାମଲା : କମ୍ପାନୀର ଦାବି-‘ଆଣ୍ଟିଜେନ୍ କିଟରେ ତ୍ରୁଟି ନଥିଲା’
  • ||
  • ସୋନପୁର : ପଡୋଶୀଙ୍କ ସହ କଥା କଟାକଟିରୁ ଫୁଟିଲା ଗୁଳି, ଜଣେ ମୃତ
  • ||
  • ଚଣ୍ଡିଖୋଲ : ଗୋଷ୍ଠୀ ସଂଘର୍ଷର ସମାଧାନ ପାଇଁ ଯାଇଥିବା ପୋଲିସକୁ ବାନ୍ଧିଲେ ଏବଂ ୨ଟି ଜିପ୍ ଜାଳିଦେଲେ ଉତ୍ତ୍ୟକ୍ତ ଲୋକେ
  • ||

୩ ମାସ ହେଲା ବିମାନବନ୍ଦରରେ ଲୁଚିଥିଲେ ବ୍ୟକ୍ତି, ସତ ସାମ୍ନାକୁ ଆସିବା ପରେ ଚକିତ ହୋଇଗଲେ ଏୟାରପୋର୍ଟ କର୍ତ୍ତୃପକ୍ଷ

18/01/2021 at 8:39 PM

ନୂଆଦିଲ୍ଲୀ ୧୮/୦୧ : କାଲିଫର୍ଣ୍ଣିଆର ଜଣେ ଭାରତୀୟ ବଂଶୋଭବ, ଆଦିତ୍ୟ ସିଂହଙ୍କୁ ଗିରଫ କରିଛି ଚିକାଗୋ ପୋଲିସ । ଗିରଫ କରିବାର କାରଣ ମଧ୍ୟ ସେହିଭଳି ଆଶ୍ଚର୍ଯ୍ୟ କରିଲା ଭଳି । ଚିକାଗୋର ଓ’ ହାରେ ଆନ୍ତର୍ଜାତିକ ବିମାନବନ୍ଦର ପରିସରରେ ଜଣେ ବ୍ୟକ୍ତି ପ୍ରାୟ ୩ ମାସ ହେଲା ରହିଆସୁଥିଲେ । ଏହି ଖବର ଜଣାପଡିବା ପରେ ସେଠାରୁ ତାଙ୍କୁ ପୋଲିସ ଉଠାଇନେଇଥିଲା । ତେବେ ସେ ଦୀର୍ଘ ଦିନ ହେଲା କରୋନା ଭାଇରସ ଭୟରେ ସେଠାରେ ଲୁଚିରହିଥିବା ପୋଲିସକୁ କହିଥିଲେ ।

ଆଦିତ୍ୟ ସିଂହ ନାମକ ଏହି ଯୁବକଙ୍କୁ କର୍ମଚାରୀମାନେ ବିମାନବନ୍ଦରର ନିଷିଦ୍ଧାଞ୍ଚଳରେ ଠାବ କରିଥିଲେ । ସେଠାରୁ ତାଙ୍କୁ କାବୁ କରାଯିବା ପରେ ନିଷିଦ୍ଧାଞ୍ଚଳରେ ପ୍ରବେଶ କରିଥିବା ହେତୁ ମାମଲା ରୁଜୁ ହୋଇଥିଲା । ବିମାନବନ୍ଦର କର୍ତ୍ତୃପକ୍ଷ କହିଛନ୍ତି, ଆଦିତ୍ୟ ସିଂହ ନାମକ ଯୁବକ ଗତ ଅକ୍ଟୋବର ୧୯ରେ ଓ’ ହାରେ ଆନ୍ତର୍ଜାତିକ ବିମାନବନ୍ଦରରେ ପହଞ୍ଚିଥିଲେ । ଏହା ପରେ ସେ କେଉଁଆଡେ ନିଖୋଜ ହୋଇଯାଇଥିଲେ । ବିମାନବନ୍ଦର କର୍ତ୍ତୃପକ୍ଷଙ୍କ କହିବା କଥା ସେ ଏୟାରପୋର୍ଟର ସିକ୍ୟୁରିଟି ଜୋନ୍‌ରୁ ଲୁଚି ଦୀର୍ଘଦିନ ଧରି ସୁରକ୍ଷିତ ଭାବେ ରହିଆସୁଥିଲେ ।

ବିମାନବନ୍ଦରର ୨ ଜଣ କର୍ମଚାରୀ ତାଙ୍କୁ ଦେଖିବା ପରେ ପଚରାଉଚରା କରିଥିଲେ । ଏହା ସହ ତାଙ୍କର ପରିଚୟ ପତ୍ର ଦେଖାଇବା ପାଇଁ କହିବାରୁ, ସେ ଏୟାରପୋର୍ଟର ଏକ ବ୍ୟାଜ୍‌କୁ ଦେଖାଇଥିଲେ । ଏହି ଘଟଣାକୁ ଉପରିସ୍ଥ ଅଧିକାରୀଙ୍କୁ ଜଣାଇବା ପରେ ଘଟଣାର ସତ୍ୟାସତ୍ୟ ସାମ୍ନାକୁ ଆସିଥିଲା ।

ଆତିଥ୍ୟରେ ମାଷ୍ଟର ଡିଗ୍ରୀ ହାସଲ କରିଥିବା ଆଦିତ୍ୟ ସିଂଙ୍କର ପୂର୍ବରୁ କୌଣସି ଅପରାଧିକ ମାମଲା ନାହିଁ ।   ଆସିଷ୍ଟାଣ୍ଟ ପବ୍ଲିକ ଡିଫେଣ୍ଡର କୋର୍ଟନି ସ୍ମଲଉଡ୍‌ କହିଛନ୍ତି ଯେ, ଆଦିତ୍ୟ ସିଂହ ଜଣେ ବେକାରୀ ଓ ସେ ଲସ୍‌ ଆଞ୍ଜେଲ୍ସର ଅଧିବାସୀ । ଏହା ପରେ ତାଙ୍କୁ ଜରିମାନା ଆକାରରେ ଏକ ହଜାର ଡଲାର ଦେବାକୁ କୁହାଯାଇଥିବା ବେଳେ ଉକ୍ତ ବିମାନବନ୍ଦରକୁ ତାଙ୍କୁ ସ୍ଥାୟୀଭାବେ ବାସନ୍ଦ କରାଯାଇଛି ।

   Related Posts