Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ନଖରା ସ୍ଥିତ ରିଲାଏନ୍ସ ପେଟ୍ରୋଲ ପମ୍ପ୍ ନିକଟ‌ରେ ଅଗ୍ନିକାଣ୍ଡ
  • ||
  • ରାଉରକେଲା : ଭାରସାମ୍ୟ ହରାଇ ଘାଟିରେ ଓଲଟିଲା ବରଯାତ୍ରୀ ବସ୍, ଦୁଇ ଜଣଙ୍କ ମୃତ୍ୟୁ
  • ||
  • ବଲାଙ୍ଗୀର : ନିଜ ସର୍ଭିସ୍ ବନ୍ଧୁକରୁ ଗୁଳି ଫୁଟାଇ ଆତ୍ମହତ୍ୟା କଲେ ଯବାନ !
  • ||
  • ଟାଙ୍ଗୀ : ମାନସିକ ପୂରଣ ପାଇଁ ବେକ କାଟିଦେଲେ ଭକ୍ତ, ରକ୍ତ ଜୁଡୁବୁଡୁ ଅବସ୍ଥାରେ ଉଦ୍ଧାର
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୧୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୮୯ କୋଭିଡ୍ ପଜିଟିଭ୍, ୩୩୬୯୨୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ତେଲକୋଇ : କାଞ୍ଜିପାଣି ଘାଟିରେ ଓଲଟିଲା ବରଯାତ୍ରୀ ବସ୍, ଜଣେ ମୃତ, ୨୬ ଆହତ
  • ||
  • ମୁମ୍ବାଇ : ଭୟଙ୍କର ହେଲାଣି କରୋନା, ସ୍କୁଲ ହଷ୍ଟେଲର ୧୯୦ ଛାତ୍ର କୋଭିଡ୍ ପଜିଟିଭ୍
  • ||
  • ରାୟପୁର : ନକ୍ସଲଙ୍କ ଲ୍ୟାଣ୍ଡମାଇନ ବିସ୍ଫୋରଣ, ୨ ଯବାନ ସହିଦ
  • ||
  • ଆଠଗଡ଼ : ସମ୍ପର୍କରେ କଳଙ୍କ ଛିଟା, ଦିବ୍ୟାଙ୍ଗ ଝିଅକୁ ସମ୍ପର୍କୀୟ ମାମୁର ଦୁଷ୍କର୍ମ ! ଥାନାରେ ଏତଲା
  • ||

ନିଆରା ଢଙ୍ଗରେ ଭାରତୀୟ ମହିଳା ଡାକ୍ତରଙ୍କୁ ସମ୍ମାନିତ କଲେ ଆମେରିକାବାସୀ : କରୋନା ରୋଗୀଙ୍କୁ କରୁଛନ୍ତି ଚିକିତ୍ସା

23/04/2020 at 1:06 PM

ନ୍ୟୁୟର୍କ ୨୩/୦୪ : ଆମେରିକା ନ୍ୟୁୟର୍କ ସହରରେ କରୋନା ସଂଗ୍ରାମୀଙ୍କ ପ୍ରତି ଧନ୍ୟବାଦ ବ୍ୟକ୍ତ କରିବାର ଏକ ଭିନ୍ନ ତରିକା ଦେଖିବାକୁ ମିଳିଛି | ଏଠାରେ ଜଣେ ଭାରତୀୟ ମହିଳା ଡାକ୍ତର ଉମା ମଧୁସୂଦନଙ୍କୁ କରୋନା ପୀଡିତଙ୍କ ଚିକିତ୍ସା ପାଇଁ କାର ରାଲି ବାହାର କରି ସମ୍ମାନ ଦିଆଯାଇଛି | ଏହି ରାଲିରେ ଗାଡିର ହର୍ନ ବଜାଇ ଲୋକେ ଏହି ଭାରତୀୟ ମହିଳା ଡାକ୍ତରଙ୍କୁ ଧନ୍ୟବାଦ ଜଣାଇଥିଲେ |

ବର୍ତ୍ତମାନ ସୋସିଆଲ ମିଡ଼ିଆରେ ଏକ ଭିଡିଓ ବହୁତ ଭାଇରାଲ ହେଉଛି | ଏହି ଭିଡିଓରେ ଦେଖିବାକୁ ମିଳିଛି, ନିଜ ଘର ବାହାରେ ଛିଡା ହୋଇଥିବା ଡାକ୍ତର ଉମା ମଧୁସୂଦନଙ୍କୁ କାର ରାଲି ଜରିଆରେ ଧନ୍ୟବାଦ ଜ୍ଞାପନ କରିଛନ୍ତି ଆମେରିକାବାସୀ | ଏହି ରାଲିରେ ପୋଲିସ ଗାଡି, ଅଗ୍ନିଶମ ଗାଡି  ସହ ଲୋକଙ୍କ ବ୍ୟକ୍ତିଗତ ଗାଡି ମଧ୍ୟ ସାମିଲ ଥିଲା | ଏମାନେ ପ୍ଲାକାର୍ଡ଼ରେ ଧନ୍ୟବାଦ ଲେଖି ଡାକ୍ତର ଉମାଙ୍କୁ ଧନ୍ୟବାଦ ଜଣାଇଛନ୍ତି | ମହୀଶୂରର ଜେଏସଏସ ମେଡିକାଲ କଲେଜରୁ ଏମବିବିଏସ ଡିଗ୍ରୀ ହାସଲ କରିଥିବା ଉମା ମଧୁସୂଦନ ବର୍ତ୍ତମାନ ଆମେରିକାର ସାଉଥ ଓ୍ବିଣ୍ଡସର ହସ୍ପିଟାଲରେ କାର୍ଯ୍ୟରତ | 

ଡାକ୍ତର ଉମା ମଧୁସୂଦନଙ୍କୁ ସମ୍ମାନ ଜଣାଉଥିବା ଏହି ଭିଡିଓକୁ ବ୍ୟବସାୟୀ ହ୍ରସ୍ୱ ଗୋଏଙ୍କା ନିଜ ଟ୍ୱିଟର ଆକାଉଣ୍ଟରେ ସେୟାର କରିଛନ୍ତି | ଭିଡିଓ ସେୟାର କରି ସେ ଲେଖିଛନ୍ତି, ଭାରତୀୟ ଡାକ୍ତର ଉମା ମଧୁସୂଦନଙ୍କୁ କରୋନା ପୀଡିତଙ୍କ ଚିକିତ୍ସା ପାଇଁ ଆମେରିକାରେ ଭିନ୍ନ ତରିକାରେ ସମ୍ମାନିତ କରାଯାଇଛି |

ଏହା ପୂର୍ବରୁ ଭାରତରେ ମଧ୍ୟ କରୋନା ବିରୋଧରେ ଲଢ଼ୁଥିବା ଯୋଦ୍ଧାଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅପିଲ କ୍ରମେ କରତାଳି ବଜାଇ ସମ୍ମାନିତ କରାଯାଇଥିଲା | ଏହିଭଳି କିଛି ନିଆରା ଦୃଶ୍ୟ ବ୍ରିଟେନ, ଇଟାଲୀ ଏବଂ ଅନ୍ୟ ଦେଶରେ ମଧ୍ୟ ଦେଖିବାକୁ ମିଳିଥିଲା | କରୋନା ଯୁଦ୍ଧରେ ନିଜ ଦାୟିତ୍ୱ ବହନ କରୁଥିବା ସ୍ୱାସ୍ଥ୍ୟକର୍ମୀଙ୍କୁ ଲୋକେ ନାନା ଉପାୟରେ ଧନ୍ୟବାଦ ଜଣାଇଛନ୍ତି |

   Related Posts