Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

ପରମାଣୁ କ୍ଷମତାସମ୍ପନ୍ନ ୬ଟି ସବ୍‌ମେରିନ୍ ନିର୍ମାଣ କରିବ ଭାରତ

29/12/2019 at 9:19 PM

ନୂଆଦିଲ୍ଲୀ, ୨୯|୧୨:  ହିନ୍ଦ୍ ମହାସାଗରରେ ଚୀନ୍‌ ନିଜର କ୍ଷମତା ବଢାଇବାର ଲାଗିଛି । ଚୀନର ଶକ୍ତି ବୃଦ୍ଧି ହୁଏତ ଆଗାମୀ ସମୟରେ ଭାରତ ଲାଗି ଚ୍ୟାଲେଞ୍ଚ ହୋଇପାରେ ,ଏହା ଏବେ ଚିନ୍ତାର ବିଷୟ ପାଲଟିଛି। ତେବେ ଭାରତ ନିଜକୁ ଦୃଢ କରିବାକୁ ଯୋଜନା ହାତକୁନେଇଛି। ଭାରତୀୟ ନୌସେନା ଜଳରେ ପରମାଣୁ ଆକ୍ରମଣକୁ ନଜରରେ ରଖି ଏକ ନୌଭେଳା ଗଠନ ଲାଗି ବିଚାର କରୁଛି । ନୌସେନା ନିଜ ସାମୁଦ୍ରିକ ଅଞ୍ଚଳରେ  ଶକ୍ତି ବୃଦ୍ଧି ବାବଦରେ ଏକ ତଥ୍ୟ ସଂସଦୀୟ ପ୍ୟାନେଲକୁ ପ୍ରଦାନ କରିଛି।

ପ୍ରତିରକ୍ଷା ମାମଲାର ଷ୍ଟାଣ୍ଡିଂ କମିଟି ସଂସଦର ଶୀତ ଅଧିବେଶନରେ ଏକ ରିପୋର୍ଟ ପ୍ରଦାନ କରିଥିଲା । ରିପୋର୍ଟ ମୁତାବକ ନୌସେନାର ୧୮ଟି ପରମ୍ପରାଗତ ଓ ୬ଟି ପରମାଣୁ କ୍ଷମତାସମ୍ପନ୍ନ ସବ୍‌ମେରିନ୍ ନିର୍ମାଣ କରିବାକୁ ଯୋଜନା କରିଛି । କିନ୍ତୁ ବର୍ତ୍ତମାନ ନୌସେନା ନିକଟରେ ୧୫ଟି ଓ ଗୋଟିଏ ପରମାଣୁ କ୍ଷମତା ସମ୍ପନ୍ନ ସବ୍‌ମେରିନ୍ ଅଛି।

ଭାରତୀୟ ନୌସେନାରେ ଆରିହନ୍ତ ଶ୍ରେଣୀର ସବ୍‌ମେରିନ୍‌ (SSBN) ସହ ପରମାଣୁ ଆକ୍ରମଣ କ୍ଷମତା ରଖିଥିବା ୬ଟି ସବ୍‌ମେରିନ୍ ନିର୍ମାଣ ପାଇଁ ଯୋଜନା କରୁଛି ଭାରତ । ସମସ୍ତ ସବ୍‌ମେରିନ୍‌ରୁ ମିସାଇଲ ଉତକ୍ଷେପଣ କରାଯାଇ ପାରିବ।  ସବ୍‌ମେରିନ ସ୍ୱଦଶୀ ଜ୍ଞାନକୌଶଳ ଓ ଘରୋଇ କ୍ଷେତ୍ରର ସହଯୋଗୀତାରେ ନିର୍ମାଣ ହେବ। ପରମାଣୁ ସେକ୍ସନ କ୍ଷେତ୍ରରେ ଭାରତ ଓ ରୁଷ ମିଶି INS ଚକ୍ର ଶ୍ରେଣୀର ନିର୍ମାଣ ମଧ୍ୟ କରିବେ।

ସଂସଦୀୟ କମିଟିକୁ ନୌସେନା ଦେଇଥିବା ସୂଚନା ଅନୁସାରେ ଗତ ୧୫ବର୍ଷରେ ମାତ୍ର ୨ଟି ନୂତନ ପାରମ୍ପରିକ ସବ୍‌ମେରିନ୍ ନିର୍ମିତ ହୋଇପାରିଛି। ଏଗୁଡିକ ଆଇଏନଏସ୍ କାଲଭାରୀ ଓ ଖଣ୍ଡେରୀ । ରିପୋର୍ଟରେ ଏହା ମଧ୍ୟ କୁହାଯାଇଛି ଯେ, ନୌସେନାର ୧୩ଟି ବୁଡାଜାହାଜ ୧୭ରୁ ୩୧ ବର୍ଷ ପୁରୁଣା। ନୂଆକରି ନିର୍ମାଣ ହେବାକୁ ଥିବା ବୁଡାଜାହାଜକୁ ବେସରକରୀ ସଂସ୍ଥା ସହ ସହଯୋଗିତାରେ ପ୍ରସ୍ତୁତ କରାଯିବ। ଏଥିରେ ବିଦେଶୀ ଉପକରଣ ନିର୍ମାଣ କରୁଥିବା କମ୍ପାନୀ ମଧ୍ୟ ସାମିଲ ହେବେ।

   Related Posts