ନୂଆଦିଲ୍ଲୀ ୦୩।୧୨ - ଚୀନର ସ୍ପାଏ ଜାହାଜକୁ ଘଉଡାଇଲା ନୌସେନା । ପୋର୍ଟ ବ୍ଲେୟର ନିକଟରେ ସନ୍ଦିଗ୍ଧ ଭାବେ ବୁଲୁଥିବା ଚୀନର ସ୍ପାଏ ଜାହାଜକୁ ହଟାଇ ଦେଇଛି ଭାରତୀୟ ନୌସେନା । ଚୀନ ସ୍ପାଏ ଜାହାଜ 'ସି ୟାନ-1' ପୋର୍ଟ ବ୍ଲେୟର ନିକଟରେ ଭାରତୀୟ ମହାସାଗର ଅଞ୍ଚଳରେ ଚାଲିଥିବା ଗତିବିଧିକୁ ଲକ୍ଷ୍ୟ କରୁଥିବା ନେଇ ଭାରତୀୟ ନୌସେନା ଖବର ପାଇଥିଲା ।
ଏହାପରେ ସେଠାକୁ ଯୁଦ୍ଧ ଜାହାଜ ପଠାଯାଇଥିଲା । ଚାଇନା ସ୍ପାଏ ଜାହାଜକୁ ଠାବ କରିବା ପରେ ତୁରନ୍ତ ଯାଗା ଛାଡି ଚାଲିଯାଇବା ପାଇଁ ସଙ୍କେତ ଦେଇଥିଲା ଭାରତୀୟ ନୌସେନା । ପରେ ଚୀନ ସ୍ପାଏ ଜାହାଜ ଚୀନ ଆଡକୁ ଚାଲିଯାଇଥିଲା । ଗତ କିଛି ଦିନ ଧରି ଭାରତୀୟ ମହାସାଗର ଅଞ୍ଚଳରେ ଚୀନର ୭ଟି ଯୁଦ୍ଧ ଜାହାଜ ପଇଁତରା ମାରୁଥିବା ଜଣାପଡିଛି । ଏହାପରେ ଭାରତୀୟ ନୌବାହିନୀ ତୀକ୍ଷ୍ଣ ନଜର ରଖିଛି ।