ଲସ୍ ଆଞ୍ଜେଲସ୍ ୨୪।୦୨: ପୁଣି ଜଣେ ଭାରତୀୟଙ୍କୁ ହତ୍ୟା । ଆମେରିକାର ଲସ୍ ଆଞ୍ଜେଲସ୍ରେ ଓ୍ବାଇଟ୍ ସିଟିରେ ଗୁଳିମାଡ କରି ଜଣେ ଯୁବକଙ୍କୁ ହତ୍ୟା କରାଯାଇଛି । ମୃତକ ମନିନ୍ଦର ସିଂହ ବୋଲି ଜଣାପଡିଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ସୂଚନାଯୋଗ୍ୟ ଯେ, ହରିୟାଣା କରନାଳ
ଜିଲ୍ଲାର ନିବାସୀ ମନିନ୍ଦର ସିଂହ । ଆମେରିକାର ଲସ୍ ଆଞ୍ଜେଲସ୍ ସହର ଏକ ଘରୋଇ ଷ୍ଟୋରରେ କାର୍ଯ୍ୟ
କରନ୍ତି । ପରିବାରର ସେ ଏକ ମାତ୍ର ରୋଜଗାର କରୁଥିବା ବ୍ୟକ୍ତି । ମନିନ୍ଦର ବିବାହିତ ଓ ତାଙ୍କର
ଦୁଇଟି ସନ୍ତାନ ରହିଛନ୍ତି । ତେବେ ୬ ମାସ ତଳେ ଆମେରିକା ଗସ୍ତ କରିଥିଲେ ମନିନ୍ଦର । ଆମେରିକାରୁ
ଟଙ୍କା ରେଜାଗାର କରି ଭାରତରେ ରହୁଥିବା ପରିବାରକୁ ପଠାଉଥିଲେ । ତେବେ ଶନିବାର ଦିନ ସକାଳ ୫.୪୫
ସମୟରେ କିଛି ସନ୍ଦିଗ୍ଧ ବନ୍ଧୁକଧାରୀ ଷ୍ଟୋର ଭିତରେ ପଶି ଲୁଟ୍ କରିବା ପାଇଁ ଉଦ୍ୟମ କରିଥିଲେ
। କିନ୍ତୁ ମନିନ୍ଦର ସେମାନଙ୍କୁ ବିରୋଧ କରିଥିଲେ , ଶେଷରେ ସେମାନ ତାଙ୍କୁ ଗୁଳିମାଡ କରିଥିଲେ
। ସନ୍ଦିଗ୍ଧଙ୍କ ଗୁଳିରେ ମନିନ୍ଦରଙ୍କ ମୃତ୍ୟୁ ହୋଇଯାଇଥିଲା । ପୋଲିସ ଘଟଣାସ୍ଥଳରେ ପହଞ୍ଚି
ଛାନ୍ଭିନ୍ ଜାରି ରଖିଛି । ଗୁଳିମାଡ କରିଥିବା ସନ୍ଦିଗ୍ଧଙ୍କ ସ୍କେଚ୍ ଜାରି କରିଛି ପୋଲିସ ।
