Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନକଲି ଘିଅ କାରଖାନାରେ ରେଡ୍‌, ମାଲିକ ଫେରାର
  • ||
  • ବିଧାନସଭା ଆଗରେ ମାଆ ଓ ପୁଅଙ୍କ ଆତ୍ମାହୁତି ଉଦ୍ୟମ ଘଟଣା: ସ୍ପଷ୍ଟୀକରଣ ରଖିଲା ଜଗତସିଂହପୁର ପୋଲିସ
  • ||
  • ଲିଭର ପ୍ରତ୍ୟାରୋପଣ ପାଇଁ ସମ୍‌ ହସ୍ପିଟାଲ ଓ ଏସିଆନ ଇନ୍‌ଷ୍ଟିଚ୍ୟୁଟ୍‌ ଅଫ ଗ୍ୟାଷ୍ଟ୍ରୋଏନଟେରୋଲୋଜି (ଏଆଇଜି ) ମଧ୍ୟରେ ବୁଝାମଣା ସ୍ଵାକ୍ଷରିତ
  • ||
  • ଆନ୍ଦୋଳନରତ କୃଷକଙ୍କୁ ଗୃହ ମନ୍ତ୍ରୀ ଶାହାଙ୍କ ସନ୍ଦେଶ, ସରକାର ଆପଣଙ୍କ ଦାବି ଓ ସମସ୍ୟା ଉପରେ ଆଲୋଚନା କରିବାକୁ ପ୍ରସ୍ତୁତ
  • ||
  • ଡିସେମ୍ବର ମାସ ପାଇଁ ଗାଇଡ୍‌ ଲାଇନ୍ ଜାରି କଲେ ରାଜ୍ୟ ସରକାର
  • ||
  • ଭାଇ ହେଲା ଭଗାରୀ: ଜମିବାଡି ଲୋଭରେ ନିଜ ରକ୍ତ ସଂପର୍କର ଭାଇ-ପୁତୁରାକୁ ଦେଲା ହାଣି
  • ||
  • ଅଭୟକାନ୍ତଙ୍କ ଲିଙ୍କ୍‌ର ଖୋଳତାଡ଼: ସମସ୍ତଙ୍କୁ ଯିବ ନୋଟିସ୍, କିଏ ବଫାଦାର- କିଏ ଗଡ଼ ଫାଦର?
  • ||
  • ପରୀ ହତ୍ୟା ମାମଲା: ଅରୁଣ ବୋଥ୍ରାଙ୍କ ନେତୃତ୍ବରେ ୫ ଜଣିଆ ଏସ୍‌ଆଇଟି ଟିମ୍‌ ଗଠିତ, ହାଇକୋର୍ଟଙ୍କୁ ଅବଗତ କଲେ ସରକାର
  • ||
  • ସୋର : ବେଙ୍ଗାଲୁରୁରୁ ଲୁଟ୍ ହୋଇଥିବା ୪ଲକ୍ଷ ଟଙ୍କା ମିଳିଲା ଚାଉଳ ଡବାରୁ
  • ||
  • ତେଲକୋଇ : ମଞ୍ଚାରେ ଶୋଇଥିବା ବେଳେ ଲାଗିଗଲା ନିଆଁ, ପୋଡି ହୋଇ ମହିଳା ଗୁରୁତର
  • ||

ଆଜି ଭାରତୀୟ ସମ୍ବିଧାନକୁ ପୁରୁଛି ୭୦ବର୍ଷ, ପାର୍ଲାମେଣ୍ଟର ମିଳିତ ଅଧିବେଶନକୁ ସମ୍ବୋଧିତ କରିବେ ରାଷ୍ଟ୍ରପତି ଓ ପ୍ରଧାନମନ୍ତ୍ରୀ

26/11/2019 at 8:54 AM

ନୂଆଦିଲ୍ଲୀ ୨୬।୧୧: ଆଜି ବସିବ ସଂସଦର ମିଳିତ ଅଧିବେଶନ ।ଭାରତୀୟ ସମ୍ବିଧାନକୁ ଗ୍ରହଣ କରାଯିବାର ୭୦ ବର୍ଷ ପୂର୍ତ୍ତି ଅବସରରେ ବସିବ ଏହି ମିଳିତ ଅଧିବେଶନ । ସମ୍ବିଧାନ ଦିବସ ଭାବେ ପରିଚିତ ଏହି ଦିନରେ ସଂସଦର ମିଳିତ ଅଧିବେଶନକୁ ରାଷ୍ଟ୍ରପତି ରାମନାଥ କୋବିନ୍ଦ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମ୍ବୋଧିତ କରିବେ ।ତେବେ ପାର୍ଲାମେଣ୍ଟର ସେଣ୍ଟ୍ରାଲ ହଲରେ ବସିବାକୁ ଥିବା ଏହି ମିଳିତ ଅଧିବେଶନକୁ କଂଗ୍ରେସ ସମେତ ଅନ୍ୟ ବିରୋଧୀ ଦଳମାନେ ବୟକଟ୍ କରିବେ ।

୧୯୪୯ ନଭେମ୍ବର ୨୬ରେ ଦେଶକୁ ମିଳିଥିଲା ସମ୍ବିଧାନ । ଆଉ ଏହି ଐତିହାସିକ ଘଟଣାକୁ ନଭେମ୍ବର ୨୬ରେ ପୁରୁଛି ୭୦ ବର୍ଷ ।ଭାରତୀୟ ସମ୍ବିଧାନ ୧୯୪୯ ନଭେମ୍ବର ୨୬ରେ ସମ୍ବିଧାନ ସଭା ଦ୍ବାରା ଗୃହିତ ହୋଇଥିଲା । ଆଉ ୨୬ ଜାନୁଆରୀ ୧୯୫୦ରୁ ଏହା କାର୍ଯ୍ୟକାରୀ ହୋଇଥିଲା । ସମ୍ବିଧାନର ମୂଳ କପି ଏବେ ପାର୍ଲାମେଣ୍ଟ ଲାଇବ୍ରେରୀରେ ରଖାଯାଇଛି ।

ସମ୍ବିଧାନର ୭୦ ବର୍ଷ ପୂର୍ତ୍ତି ଅବସରରେ ବସୁଛି ପାର୍ଲାମେଣ୍ଟର ମିଳିତ ଅଧିବେଶନ । ମିଳିତ ଅଧିବେଶନକୁ ସମ୍ବୋଧିତ କରିବେ ରାଷ୍ଟ୍ରପତି ରାମନାଥ କୋବିନ୍ଦ, ଉପରାଷ୍ଟ୍ରପତି ଏମ୍. ଭେଙ୍କୟା ନାଇଡୁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଲୋକସଭା ବାଚସ୍ପତି ଓମ୍ ବିର୍ଲା ପ୍ରମୁଖ । ପାର୍ଲାମେଣ୍ଟର ଉଭୟ ସଦନର ସଦସ୍ୟ ସେଣ୍ଟ୍ରାଲ ହଲରେ ହେବେ ଏକାଠି । ଆଉ ଏହି ଅଧିବେଶନ ପ୍ରାୟ ୨ ଘଣ୍ଟା ଧରି ଚାଲିବ । ହେଲେ ଏହି ମିଳିତ ଅଧିବେଶନକୁ ବର୍ଜନ କରିବେ କଂଗ୍ରେସ ସମେତ ଅନ୍ୟ ବିରୋଧୀ ଦଳ । ବିରୋଧୀ ଦଳ ଗୁଡ଼ିକର ଯୁକ୍ତି ଯେତେବେଳେ ଦେଶରେ ସାମ୍ବିଧାନିକ ନିୟମର ବାରମ୍ବାର ଉଲ୍ଲଂଘନ କରାଯାଉଛି ସେତେବେଳେ ସମ୍ବିଧାନ ଦିବସ ପାଳନର କୌଣସି ଯଥାର୍ଥତା ନାହିଁ ।

ସୋମବାର ଦିନସାରା କଂଗ୍ରେସ ସଦସ୍ୟମାନେ ସଂସଦର ଉଭୟ ଗୃହରେ ଜୋରଦାର୍ ହଙ୍ଗାମା କରିଥିଲେ ।ଏହାପରେ ଉଭୟ ଗୃହକୁ ମଙ୍ଗଳବାର ପର୍ଯ୍ୟନ୍ତ ମୁଲତବୀ କରିଦିଆଯାଇଛି ।ତେବେ ଏଥର ସମ୍ବିଧାନ ଦିବସ ପାଳନର ଆଉ ଏକ ବିଶେଷତ୍ବ ହେଲା ଜାମ୍ମୁ କାଶ୍ମୀରରେ ପ୍ରଥମ ଥର ପାଇଁ ଏହି ଦିବସ ପାଳିତ ହେବ । ଧାରା ୩୭୦ ଉଚ୍ଛେଦ ପରେ ଜାମ୍ମୁ କାଶ୍ମୀର ଭାରତୀୟ ସମ୍ବିଧାନ ଅନୁସାରେ ପରିଚାଳିତ ହେଉଛି ।ଏଥିପାଇଁ ମଙ୍ଗଳବାର ସକାଳ ୧୧ଟାରେ ଶ୍ରୀନଗର ସ୍ଥିତ ସିଭିଲ୍ ସେକ୍ରେଟାରିଏଟରେ ସମ୍ବିଧାନର ମୁଖପତ୍ର ପାଠ କରାଯିବ ।

   Related Posts