Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୫୯ କୋଭିଡ୍ ପଜିଟିଭ୍
  • ||
  • ଓ୍ୱାର୍ମ ଅପ୍ ମ୍ୟାଚରେ ମୁହାଁମୁହିଁ ହେବେ ଭାରତ-ଅଷ୍ଟ୍ରେଲିଆ, କଙ୍ଗାରୁ ବାହିନୀକୁ ମାତ୍ ଦେବାକୁ ତୟାର ବିରାଟ ଏଣ୍ଡ କୋ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୪ ହଜାରରୁ ଅଧିକ କରୋନା ପଜିଟିଭ୍, ୧୯୭ ମୃତ
  • ||
  • ଆଜି କୁମାର ପୂର୍ଣ୍ଣିମା : ମା’ ବୃନ୍ଦାବତୀଙ୍କ ନିକଟରେ ଆଞ୍ଜୁଳି ଟେକିଲେ କୁମାରୀ
  • ||
  • ପୁରୀ : ଦାଦାବଟିକୁ କେନ୍ଦ୍ରକରି ମହିଳାଙ୍କୁ ଗୁଳିମାଡ଼, ପୂର୍ବରୁ ମିଳିଥିଲା ଧମକ
  • ||
  • ଜଗତସିଂହପୁର : କେନାଲର ଭାସୁଛି ଏକ ଗଳିତ ମୃତଦେହ, ୩ ଅଭିଯୁକ୍ତ ଅଟକ
  • ||

ଦିନିକିଆ ମାନ୍ୟତା ଶୀର୍ଷରେ ଭାରତୀୟ ମହିଳା କ୍ରିକେଟ ଟିମ କ୍ୟାପଟେନ୍‌ ମିତାଲୀ ରାଜ୍‌ ; ସ୍ମୃତି ମାନ୍ଧାନା ଏବଂ ଦୀପ୍ତି ଶର୍ମାଙ୍କ ରାଙ୍କିଂ ବୃଦ୍ଧି

21/09/2021 at 5:28 PM

ନୂଆଦିଲ୍ଲୀ ୨୧/୦୯ : ମହିଳା କ୍ରିକେଟରଙ୍କ ତାଜା ରାଙ୍କିଂ ଜାରି କରିଛି ଆନ୍ତରାର୍ଜାତୀୟ କ୍ରିକେଟ କାଉନସିଲ୍‌ (ICC) । ଟିମ୍‌ ଇଣ୍ଡିଆର ଅଧିନାୟକ ମିତାଲୀ ରାଜ୍‌ ପୁଣି ଥରେ ଦିନିକିଆରେ ଶୀର୍ଷ ମାନ୍ୟତା ପାଇଛନ୍ତି । ପୂର୍ବରୁ ଆଇସିସି ରାଙ୍କିଂର ଦ୍ବିତୀୟ ସ୍ଥାନରେ ଥିବା ମିତାଲୀ ସଦ୍ୟ ପ୍ରକାଶିତ ତାଲିକାରେ ଟପ୍‌ରେ ପହଞ୍ଚିଯାଇଛନ୍ତି । ଏହି ରାଙ୍କିଂରେ ମୋଟ ୩ ଜଣ ଭାରତୀୟ ମହିଳା କ୍ରିକେଟର ସ୍ଥାନ ପାଇଛନ୍ତି ।

ମିତାଲୀ ରାଜ୍‌ ଦିନିକିଆ ମାନ୍ୟତାରେ ଶୀର୍ଷରେ ଥିବା ବେଳେ ମହାନ୍‌ ଖେଳାଳୀ ସ୍ମୃତି ମାନ୍ଧାନା ଗୋଟିଏ ସ୍ଥାନ ଉପରକୁ ଉଠିଛନ୍ତି । ପୂର୍ବରୁ ଅଷ୍ଟମ ସ୍ଥାନରେ ଥିବା ସ୍ମୃତି ଏବେ ୭ମ ସ୍ଥାନରେ ରହିଛନ୍ତି । ଶୀର୍ଷ ୧୦ ଜଣ ଖେଳାଳିଙ୍କ କଥା କହିବାକୁ ଗଲେ ମିତାଲୀ ରାଜ ୭୬୨ ଅଙ୍କ ସହିତ ପ୍ରଥମ ସ୍ଥାନରେ ରହିଛନ୍ତି । ଲିଜ୍‌ଲୀ ଲୀ ୭୬୧ ପଏଣ୍ଟ ସହ ଦ୍ବିତୀୟ ସ୍ଥାନକୁ ଖସିଆସିଛନ୍ତି । ସେହିଭଳି ତୃତୀୟ ସ୍ଥାନରେ ଏଲିସା ହିଲୀ, ଟେମୀ ବାଉମେଣ୍ଟ ୪ର୍ଥ ଏବଂ ନ୍ୟୁଜିଲାଣ୍ଡର ଏମୀ ସେଥେଓ୍ବେଟ୍‌ ରହିଛନ୍ତି । ଦିନିକିଆ ରାଙ୍କିଂର ୭ମ ସ୍ଥାନରେ ରହିଛନ୍ତି ଚୁଲବୁଲୀ କ୍ରିକେଟର ସ୍ମୃତି ମାନ୍ଧାନା ।

Image

ଦିନିକିଆ ଅଲରାଉଣ୍ଡର ରାଙ୍କିଂ କଥା କହିବାକୁ ଗଲେ ଭାରତୀୟ ବୋଲର ଦୀପ୍ତି ଶର୍ମା ଗୋଟିଏ ସ୍ଥାନ ଉପରକୁ ଉଠି ବିଶ୍ବ ରାଙ୍କିଂର ୪ର୍ଥ ସ୍ଥାନରେ ପହଞ୍ଚିଯାଇଛନ୍ତି । ସେ କାରବିୟାନ୍‌ ବୋଲର ଷ୍ଟିଫେନୀ ଟେଲରଙ୍କ ସ୍ଥାନ ନେଇଛନ୍ତି । ଅଲରାଉଣ୍ଡର ତାଲିକାର ଶୀର୍ଷରେ ରହିଛନ୍ତି କଙ୍ଗାରୁ ଦଳର ଷ୍ଟାର ଅଲରାଉଣ୍ଡର ଏଲିସୀ ପେରୀ ।

Image

ସେହିଭଳି ବୋଲିଂ ତାଲିକାରେ ମଧ୍ୟ ଭାରତୀୟ ମହିଳା ଖେଳାଳିଙ୍କ ଦବଦବା ରହିଛି । ଝୁଲଣ ଗୋସ୍ବାମୀ ଗୋଟିଏ ସ୍ଥାନ ଉପରକୁ ଉଠି ୬୯୪ ପଏଣ୍ଟ ସହିତ ଚତୁର୍ଥ ସ୍ଥାନରେ ରହିଥିବା ବେ​‌ଳେ ନ୍ୟୁଜିଲାଣ୍ଡର ଜେସ୍‌ ଜୋନାସେନ୍‌ ୮୦୮ ପଏଣ୍ଟ ସହିତ ଶୀର୍ଷରେ ରହିଛନ୍ତି । ସୂଚନାଯୋଗ୍ୟ, ମଙ୍ଗଳବାର ଅ​‌େ​‌ଷ୍ଟ୍ରଲିଆ ବିପକ୍ଷରେ ଅର୍ଦ୍ଧଶତକୀୟ ଇଂନିସ ଖେଳିଥିଲେ ଭାରତୀୟ ମହିଳା କ୍ରିକେଟ ଟିମର ଅଧିନାୟକ ମିତାଲୀ ରାଜ୍‌ । ଏହା ତାଙ୍କର ଲଗାତାର ୫ମ ଅର୍ଦ୍ଧଶତକ ଥିଲା । ଏହା ସହିତ ମିତାଲୀ ଆନ୍ତର୍ଜାତୀୟ କ୍ରିକେଟରେ ନିଜର ୨୦ ହଜାର ରନ୍‌ ମଧ୍ୟ ପୂରଣ କରିଥିଲେ ।

Image

   Related Posts