କାରଗିଲ ଯୁଦ୍ଧକୁ ୨୦ ବର୍ଷ ବିତିଗଲାଣି । ଏହି ଅବସରରେ ୨ ହଜାର କିମି ଯାତ୍ରା କରି ୨୨ ଜଣ ଜବାନ ଦେଶର ଶେରଶାହ ସହିଦ କ୍ୟାପଟେନ ବିକ୍ରମ ବାତ୍ରାଙ୍କୁ ସଲାମୀ ଦେବାକୁ ଯିବେ । ୨୪ ବର୍ଷ ବୟସ୍କ ସହିଦ ବିକ୍ରମ ବାତ୍ରା କହିଥିଲେ, “ଯଦି ମୁଁ ଯୁଦ୍ଧରେ ସହିଦ ହୋଇଯାଏ ତାହେଲେ ତ୍ରିରଙ୍ଗା ପତାକାରେ ଗୁଡେଇ ହୋଇ ଆସିବି । ଯଦି ଯୁଦ୍ଧରେ ଜିତିକି ଫେରେ ତାହେଲେ ତ୍ରିରଙ୍ଗା ପତାକା ଘୋଡେଇ ହୋଇ ଆସିବି, କିନ୍ତୁ ଆସିବି ନିଶ୍ଚୟ । ଦେଶ ସେବା କରିବା ଭଳି ଏହିଭଳି ମଉକା ସମସ୍ତଙ୍କୁ ମିଳିନଥାଏ ।“

{"id":131789}

ଚଣ୍ଡୀଗଡ ଡିଏଭି କଲେଜ ଛାତ୍ର କ୍ୟାପଟେନ ବିକ୍ରମ ବାତ୍ରା କାରଗିଲ ଯୁଦ୍ଧରେ ଜୁଲାଇ ୭ ତାରିଖରେ ସହିଦ ହୋଇଯାଇଥିଲେ । ତାଙ୍କୁ ସଲାମୀ ଦେବା ପାଇଁ ଜୁଲାଇ ୧୧ ତାରିଖରେ ସେନା, ଏନସିସି ଏବଂ ଡିଏଭି କଲେଜ ମିଶି ଭବ୍ୟ କାର୍ଯ୍ୟକ୍ରମର ଆୟୋଜନ କରିଛନ୍ତି । ଏହି କାର୍ଯ୍ୟକ୍ରମରେ ତାଙ୍କ ବାଟାଲିୟନର ୨୨ ଜଣ ଜବାନ, ୨ ହଜାର କିମି ଯାତ୍ରା କରି ଚଣ୍ଡୀଗଡରେ ପହଞ୍ଚିବେ ।

{"id":131790}

ଏ ସମସ୍ତ ଜବାନ ୧୩ ଜୈକ ରାଇଫଲ୍ସର । କ୍ୟାପଟେନ ବିକ୍ରମ ବାତ୍ରା ମଧ୍ୟ ଏହି ବାଟାଲିୟନରେ ଥିଲେ । ତାଙ୍କୁ ସମ୍ମାନିତ କରିବା ପାଇଁ ଜବାନମାନେ ଜୁନ ୨୩ ତାରିଖରେ ଉତ୍ତରାଖଣ୍ଡ ମାନାପାସ ରୁ ବାଇକରେ ଯାତ୍ରା ଆରମ୍ଭ କରିଛନ୍ତି । ଦ୍ରାସ ୱାର ମେମୋରିଆଲରେ ସହିଦଙ୍କୁ ଶ୍ରଦ୍ଧାଞ୍ଜଳି ଦେଇ ଜୁଲାଇ ୧୦ ତାରିଖରେ ଚଣ୍ଡୀଗଡରେ ପହଞ୍ଚିବେ । ୧୧ ତାରିଖ ସକାଳ ୧୦ଟା ରେ ସେକ୍ଟର-୧୦ ସ୍ଥିତ ଡିଏଭି କଲେଜରେ ଏକ କାର୍ଯ୍ୟକ୍ରମ ଆୟୋଜନ କରିଛନ୍ତି । ଏହି କାର୍ଯ୍ୟକ୍ରମରେ କ୍ୟାପଟେନ ବାତ୍ରାଙ୍କ ମାତା ପିତା ଓ ଭାଇଙ୍କୁ ସମ୍ମାନିତ କରାଯିବ ।

{"id":131791}

ଡିଏଭି କଲେଜ ଅଡିଟୋରିୟମରେ ହେବାକୁ ଥିବା ଏହି କାର୍ଯ୍ୟକ୍ରମରେ ବିକ୍ରମ ବାତ୍ରାଙ୍କ ପରିବାରଲାକଙ୍କ ଛଡା କଲେଜ ଛାତ୍ରଛାତ୍ରୀ ତଥା ଅନ୍ୟ ସହିଦ ଜବାନଙ୍କ ପରିବାର ସଦସ୍ୟଙ୍କୁ ଆମନ୍ତ୍ରୀତ କରାଯାଇଛି । ଏହି ଅବସରରେ ସହିଦଙ୍କ ସ୍ମୃତିରେ ଏକ ଫଟୋ ପ୍ରଦର୍ଶନି ମଧ୍ୟ ରଖାଯାଇଛି । ଏହାସହ କାରଗିଲ ଯୁଦ୍ଧ ଉପରେ ନିର୍ମିତ ଫିଲ୍ମ ମଧ୍ୟ ଲଗାଯିବ । ଏହି ସମାରୋହରେ ଆର୍ମି ୱିଙ୍ଗ ସିଇଓ କର୍ଣ୍ଣଲ ରୋହିତ ଠାକୁର, ଏୟାର ୱିଙ୍ଗ ଗ୍ରୁପ୍ କ୍ୟାପଟେନ ଏମ.ଆର.ପାଣ୍ଡ୍ୟା, ଗର୍ଲ୍ସ ବାଟାଲିୟନ କର୍ଣ୍ଣଲ ସେଖୋ ଓ ନେଭି ସିଇଓ ବି.ଏନ.ବିଷ୍ଟ ଉପସ୍ଥିତ ରହିବେ ।

{"id":131792}

ସୂଚନାଯୋଗ୍ୟ ଯେ, ଡିଏଭି କଲେଜର ସର୍ବୋତ୍ତମ କ୍ୟାଡେଟକୁ ପ୍ରତିବର୍ଷ ୧୩ ଜୈକ ରାଇଫଲ ନିଜ ବାଟାଲିୟନରେ ସାମିଲ କରିଥାଏ । ଏହାକୁ ନେଇ ୧୧ ତାରିଖରେ ଘୋଷଣା କରାଯାଇପାରେ । ଏହା କଲେଜ ପାଇଁ ଏକ ଗର୍ବର ବିଷୟ । କ୍ୟାପଟେନ ବିକ୍ରମ ବାତ୍ରା ମଧ୍ୟ ୧୩ ଜୈକ ରାଇଫଲରେ ଥିଲେ । ଦେଶର ରକ୍ଷା ପାଇଁ ସେ ନିଜ ପ୍ରାଣର ବଳିଦାନ ଦେଇଥିଲେ । ବାହାଦୁରୀ ପାଇଁ ତାଙ୍କୁ ଭାରତୀୟ ସେନା ‘ଶେରଶାହ’ ଏବଂ ପାକିସ୍ତାନ ସେନା ‘ଶେରଖାନ’ ନାଁ ଦେଇଥିଲା ।