Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୩୯ କୋଭିଡ୍ ପଜିଟିଭ୍
  • ||
  • ବିଜେପି ନେତା ଫଡନାଭୀସଙ୍କ ଶରଣରେ କଂଗ୍ରେସ ନେତା, କହିଲେ- ‘ଆମ ପ୍ରାର୍ଥୀଙ୍କୁ ଜିତିବାରେ ସାହାଯ୍ୟ କର’
  • ||
  • ଆସୁଛି ବଡ ବର୍ଷା : ସନ୍ଧ୍ୟାରେ ଲଘୁଚାପରେ ପରିଣତ ହେବ ଘୂର୍ଣ୍ଣିବଳୟ
  • ||
  • ଉପରମୁଣ୍ଡରେ ବର୍ଷା, ବଢୁଛି ହୀରାକୁଦର ଜଳସ୍ତର
  • ||
  • ମହାନଦୀରେ ଭାସିଗଲେ ହାତୀପଲ : ମୁଣ୍ଡଳି ବ୍ରିଜରେ ଲାଖି ରହିଛି ହାତୀ ଛୁଆ
  • ||

ଦ୍ରୁତ ଗତିରେ ଆସୁଥିବା ଟ୍ରକକୁ ପୁଣି ଆତଙ୍କୀ ହମଲା ଭାବି ଡ୍ରାଇଭରକୁ ଗୁଳି କଲେ ଯବାନ

19/02/2019 at 11:09 AM

କାଶ୍ମୀର ୧୯/୨ : ଜାମ୍ମୁ କାଶ୍ମୀର ପୁଲୱାମାରେ ଆତ୍ମଘାତୀ ହମଲା ପରେ ସେନା ସତର୍କ ହୋଇଯାଇଛି | ସେନା ନାକାବନ୍ଦୀ କରି ସବୁ ଗାଡିକୁ ଯାଞ୍ଚ କରୁଛି | ଜାମ୍ମୁର ଶାମ୍ବା ଅଂଚଳରେ ଠିକ ପୁଲୱାମା ହମଲା ଭଳି ଏକ ଟ୍ରକ ସେନାର ଗାଡିକୁ ଧକ୍କା ଦେବାକୁ ଯାଉଥିଲା | ଏହାକୁ ଆତ୍ମଘାତୀ ହମଲା ଭାବି ଜଣେ ଯବାନ ଟ୍ରକ ଡ୍ରାଇଭରକୁ ଗୁଳି କରି ଦେଇଥିଲେ |


ସେନା ଗୁଳିରେ ଟ୍ରକ ଡ୍ରାଇଭର ଗୁରୁତର ଅଛି | ଡ୍ରାଇଭରକୁ ହସ୍ପିଟାଲରେ ଭର୍ତ୍ତି କରାଯାଇଛି | ଗୁରୁତର ଡ୍ରାଇଭର କାଠୁଆ ଅଂଚଳର ନରେଶ କୁମାର |


ଶାମ୍ବାର ଡ଼ିଏସପି ଦୀପକ ଡିଗରା କହିଛନ୍ତି ଯେ, ଦୁଇଟି ଟ୍ରକ ଦ୍ରୁତ ଗତିରେ ଆସୁଥିଲେ | ଗୋଟିଏ ଟ୍ରକ ସେନା ଗାଡି ସହ ଧକ୍କା ହୋଇଥିଲା | ସେନା ଏହାକୁ ଆଉଏକ ଆତ୍ମଘାତୀ ହମଲା ବୋଲି ଗୁଳି କରିବା ଆରମ୍ଭ କରିଥିଲା | ସେନା ଗୁଳିରେ ଟ୍ରକ ଡ୍ରାଇଭର ଆହତ ହୋଥିଲେ | ପୋଲିସ ମାମଲା ରୁଜ୍ଜୁ କରି ଯାଞ୍ଚ କରୁଛି |


ଆହତ ଟ୍ରକ ଡ୍ରାଇଭର ନରେଶଙ୍କ ଭାଇ କହିଛନ୍ତି ଯେ, ନରେଶ ଟ୍ରକ ଡ୍ରାଇଭର ଭାବେ କାମ କରେ | ସେ ଜାମ୍ମୁର ଛଡ୍ଡା ଅଂଚଳରୁ ମାଲ ଛାଡି ଘରକୁ ଫେରୁଥିଲା | ସେତିକିବେଳେ ସେନା ନରେଶଙ୍କ ଉପରକୁ ଗୁଳି କରିଥିଲା | ସେନାର ଯବାନ ନରେଶଙ୍କୁ ଆହତ ଅବସ୍ଥାରେ ଛାଡି ଚାଲିଯାଇଥିଲେ | ଏହାପରେ ନରେଶ ନିଜେ ଟ୍ରକ ମାଲିକକୁ ଫୋନ କରି ସାହାଯ୍ୟ ପାଇଁ ଡାକିଥିଲେ | ଟ୍ରକ ମାଲିକ ଘଟଣାସ୍ଥଳରେ ପହଂଚି ନରେଶକୁ ହସ୍ପିଟାଲରେ ଭର୍ତ୍ତି କରିଥିଲେ |

   Related Posts