Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||
  • ପରୀ ହତ୍ୟା ମାମଲା, SIT ତଦନ୍ତରେ ହାଇକୋର୍ଟ ସନ୍ତୁଷ୍ଟ- ବିଜେଡି
  • ||
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||

ମାନବିକତାର ବଡ଼ ଉଦାହରଣ ରଖିଲେ ଭାରତୀୟ ଯବାନ: ସିକ୍କିମର ‘ଜିରୋ ଡିଗ୍ରି’ରେ ରାସ୍ତା ଭୁଲିଥିବା ୩ ଚୀନ ନାଗରିକଙ୍କ ଜୀବନ ବଞ୍ଚାଇଲେ

5/09/2020 at 2:54 PM

ନୂଆଦିଲ୍ଲୀ: ଭାରତ ଓ ଚୀନ ମଧ୍ୟରେ ସୀମା ବିବାଦ ଲାଗି ରହିଥିବା ବେଳେ ପୁଣି ଥରେ ମାନବିକତା ଦେଖାଇଛି ଭାରତୀୟ ସେନା । ଉତ୍ତର ସିକ୍କିମରେ ଚୀନ ନାଗରିକଙ୍କୁ ଅସୁବିଧାରେ ଦେଖି ସହାୟତାର ହାତ ବଢ଼ାଇଛନ୍ତି ଭାରତୀୟ ସେନା । ଜଣେ ମହିଳା ନାଗରିକଙ୍କ ସମେତ ମୋଟ ୩ ଚୀନ ନାଗରିକ ଉତ୍ତର ସିକ୍କିମରେ ‘ଜିରୋ ଡିଗ୍ରି’ ତାପମାତ୍ରା ଯୋଗୁଁ ଫସି ରହିଥିଲେ।

ପାଖାପାଖି ୧୭,୫୦୦ ଫୁଟ ଉଚ୍ଚରେ ଉତ୍ତର ସିକ୍କିମ୍‌ର ପଠାର କ୍ଷେତ୍ରରେ ୩ ଚୀନ ନାଗରିକ ରାସ୍ତା ଭୁଲି ଯାଇଥିଲେ। ଠିକ୍‌ ସେତେବେଳେ ଦେବଦୂତ ସାଜି ସହାୟତାର ହାତ ବଢ଼ାଇଥିଲେ ଭାରତୀୟ ଯବାନ।

ଚୀନ ନାଗରିକ ବୋଲି ଜାଣିବା ପରେ ମଧ୍ୟ ଭାରତୀୟ ସେନା ତୁରନ୍ତ ସାହାଯ୍ୟ କରିବାକୁ ଆଗେଇ ଯାଇଥିଲା । ଜିରୋ ଡିଗ୍ରି ତାପାମତ୍ରାଠୁ କମ୍‌ ତାପମାତ୍ରା ଥିବା ଏହି ସ୍ଥାନରେ ଚୀନର ଜଣେ ମହିଳାଙ୍କ ସମେତ ଦୁଇ ପୁରୁଷ ନାଗରିକଙ୍କ ଜୀବନ ବଞ୍ଚାଇ ଥିଲା ଭାରତୀୟ ସେନା।

କେବଳ ସେତିକି ନୁହେଁ ଚୀନକୁ ଫେରିଯିବା ପାଇଁ ସେମାନଙ୍କୁ ଉଚିତ ମାର୍ଗ ଦେଖାଇବା ସହ ଗନ୍ତବ୍ୟସ୍ଥଳରେ ପହଞ୍ଚାଇବାରେ ସହାୟତା କରିଥିଲେ ଭାରତୀୟ ଯବାନ। ଭାରତୀୟ ଯବାନଙ୍କ ଏଭଳି ନିସ୍ବାର୍ଥପର ସାହାଯ୍ୟ ପାଇଁ ୩ ଚୀନ ନାଗରିକ ସେନାକୁ ଧନ୍ୟବାଦ ମଧ୍ୟ ଜଣାଇଛନ୍ତି।

   Related Posts